Fréttatíminn - 19.11.2010, Blaðsíða 47

H ugmyndin fæddist í sum-ar. Ég las samtalsbók með Bono [innsk. blm. söngvara
U2] og fannst formið skemmtilegt.
Í framhaldi af því langaði mig til
að skrifa svona bók og fór að huga
að skemmtilegum viðmælendum.
Konan mín stakk upp á Bubba. Ég
hringdi í hann, við náðum vel saman
og nú er bókin að koma út,“ segir
Árni Árnason um tilurð bókarinnar
Bubbi Samtalsbók sem kemur út í
dag. N1 hefur keypt þrjú þúsund
eintök af bókinni og verður hún ein-
ungis seld á bensínstöðvum félags-
ins.
Tvær bækur, ein heimildarmynd
og óteljandi viðtöl við Bubba Mort-
hens hræddu ekki Árna frá því að
gera bók með þessum ástsælasta
tónlistarmanni þjóðarinnar. „Það
var ekki krefjandi að finna einhverj-
ar nýjar hliðar á Bubba. Við vitum
hvað hann hefur gert – það hefur
verið skráð í bókum, myndum og
milljón viðtölum. Tilgangurinn með
þessari bók er að reyna að sýna hver
hann er í gegnum skoðanir hans á
lífinu,“ segir Árni.
Og í bókinni eru nýjar upplýsing-
ar. Þar segir Bubbi meðal annars
frá því af hverju hann hætti að veiða
rjúpur. Hann greinir líka frá því að
hluti þeirra húðflúra sem hann er
með skýrist af því að hann þurfti að
fara á húðflúrstofu til kaupa kókaín
á sínum tíma og fékk sér eitt húðflúr
í hverri heimsókn – til að hafa fjar-
vistarsönnun ef löggan ryddist inn.
Af lestri bókarinnar má sjá að
Árni hefur fylgst vel með ferli
Bubba en hann segist ekki vera
mesti Bubba-aðdáandi landsins.
„Það eru nú til mun harðari Bubba-
aðdáendur en ég, ef satt skal segja.
Ég er hins vegar mikill músíkaðdá-
andi almennt og í ljósi þess er ekki
hægt annað en dást að Bubba fyr-
ir hvernig hann hefur haldið sér í
fremstu röð í þrjá áratugi og endur-
nýjað sig reglulega. Hann hefur gert
margar plötur sem mér finnst góð-
ar, sumar frábærar, á heilan haug
af hitturum en ég á þær ekki allar
– einhvern slatta en ekki allar.
Þetta er fyrsta bók Árna en áður
hafði hann skrifað „gommu“ af aug-
lýsingum, að eigin sögn. „Þetta var
mjög skemmtilegt og hver veit nema
það verði eitthvað meira. Ég er í það
minnsta kominn með hugmyndir að
fleiri bókum,” segir Árni.
Hlutverk Rannís er að veita faglega aðstoð og þjónustu við undirbúning og framkvæmd vísinda- og tæknistefnu
Vísinda- og tækniráðs. Rannís er miðstöð stuðningskerfis vísinda- og tæknisamfélagsins. Í vörslu Rannís
eru opinberir samkeppnissjóðir s.s. Rannsóknarsjóður og Tækniþróunarsjóður. Rannís sér um greiningu
á rannsóknum og nýsköpun á Íslandi og gerir áhrif rannsókna og nýsköpunar á þjóðarhag og hagvöxt
sýnilegan. Rannís er miðstöð upplýsinga og miðlunar alþjóðasamstarfs vísinda- og tæknisamfélagsins.
Laugavegi 13, 101 Reykjavík
sími 515 5800, rannis@rannis.is
www.rannis.is
Dagskrá
Fundarstjóri: Hallgrímur Jónasson forstöðumaður Rannís
8.30 Setning Haustþings Rannís
Katrín Jakobsdóttir mennta- og menningarmálaráðherra
8.45 Developing the European Research and Innovation Ecosystem
Professor Luke Georghiou, Vice-President for Research and Innovation,
University of Manchester and Professor of Science and Technology Policy and Management
9.30 Einkaleyfi sem mælikvarði á þekkingu
Grétar Ingi Grétarsson aðstoðarforstjóri Norrrænu einkaleyfastofunnar
9.50 Frá rannsóknum á Íslandi til alþjóðlegrar nýsköpunar
Rögnvaldur Sæmundsson dósent við Viðskiptadeild HR og forstöðumaður
Rannsóknarmiðstöðvar HR í nýsköpunar- og frumkvöðlafræðum
10.10 Samantekt
Haustþing Rannis verður á Hótel Sögu, Harvard 2. hæð
Morgunverður fyrir gesti. Skráning á rannis@rannis.is
Haustþing Rannís 2010
Frá rannsóknum til nýsköpunar
25. nóvember kl. 8.30 - 10.30 á Hótel Sögu
Bubbi fékk sér húðflúr
til að fela kókaínkaup
Ný samtalsbók kemur út í dag. Viðmælandinn er tónlistarmaðurinn Bubbi Morthens en höfundur er
Árni Árnason. Þeir höfðu aldrei hist þegar Árni hringdi í Bubba í sumar og bar undir hann hugmyndina.
Ég talaði,
hann skrifaði
Bubbi Morthens segist aldrei
hafa heyrt um Árna Árnason
þegar sá síðarnefndi hringdi í
hann og bar upp hugmyndina
um samtalsbók. „Ég þekkti
hann ekki og fannst hug-
myndin ekki sniðug. Þegar ég
sá síðan að þetta var enginn
vitleysingur ákvað ég að slá
til. Þarna fékk ég tækifæri
til að koma til dyranna eins
og ég er klæddur. Ég var
heiðarlegur í svörum og vona
að bókin sýni mig eins og ég
er. Ég er stundum gáfaður
og stundum heimskur,“ segir
Bubbi og hlær.
Spurður um aðkomu sína að
gerð bókarinnar segir Bubbi
einfaldlega: „Ég talaði, hann
skrifaði og svo fór bókin í
prentun. ég las þetta ekki
yfir. Það var engin ritskoðun
í gangi.“
Bútur úr bók Bubba
Nú varst þú auðvitað mikil rokkstjarna hérna áður fyrr og
ert kannski ennþá. Maður kemst ekki hjá því að taka eftir því
að þú ert með slatta af húðflúrum, örugglega frá hinum ýmsu
tímum. Hver er sagan á bakvið öll þessi tattú, er þetta bara
rokkið að tala?
Á þeim tíma sem ég var að fá mér
tattú stóðu þau fyrir að vera utan-
garðs, að vera rebel. Það var enginn
með tattú nema bara sjómenn og
örfáir sérvitringar. Sum þessara
húðflúra voru fengin einfaldlega
vegna þess að það þurfti að vera
fjarvistarsönnun fyrir kókaíndíl-
ingum. Það kom maður til lands-
ins frá Brasilíu, misskildi þann
sem talaði við hann og kom með
gríðarlegt magn af kókaíni sem ein-
hvern veginn þurfti að koma á þá
sem vildu. Þá var ég að fá mér tattú
meðal annars til að hafa ástæðu ef
lögreglan hefði böstað staðinn og
svo framvegis, þá hefði ég bara verið að fá mér tattú. Þetta
var svolítið í þessum dúr allt saman.
Í dag hinsvegar, með þá vitneskju sem ég hef, þá tel ég að
það sé jafn mikið rebel sem felst í því að vera ekki með tattú.
Tattú er bara orðið svo algengt og ég myndi telja það mjög
eftirsóknarvert að vera með hreinan líkama. Það er klárlega
leiðin sem ég myndi fara í dag.
Bubbi Samtalsbók, bls. 114-115.
Ljósmynd/Teitur Jónasson
viðtal 47 Helgin 19.-21. nóvember 2010