Fréttatíminn - 19.11.2010, Blaðsíða 36

É g hef fengið gríðarleg viðbrögð við pistlunum mínum og þá ekki síst frá karlmönnum. Þeir létu sérstaklega í
sér heyra eftir að ég skrifaði um að ég hefði
ekki áhuga á að fara á stefnumót. Þá fylltist
tölvupósthólfið mitt marga daga í röð af skila-
boðum frá mönnum sem vildu ólmir telja mér
hughvarf og bjóða mér á deit,“ segir Hlín. „Á
tímabili var mér boðið á stefnumót svona fjór-
um sinnum á dag. Þetta voru menn sem vildu
bjarga heiðri íslenskrar karlmennsku og gefa
mér trú á íslenska karlmenn á ný. Mér finnst
þetta voða krúttlegt enda svaraði ég nú eig-
inlega alveg öllum þessum póstum. Hef alls
ekki misst trúna á íslenska karlmenn. Mér
finnst bara ógeðslega gaman að skrifa um þá
en ég hef samt engan tíma til að deita núna.“
Hlín kom einnig við kauninn á karlpeningn-
um þegar hún birti lista sem byggði á útlendri
könnun um að frammistaða karlmanna sem
elskhuga réðist að einhverju leyti af því hvaða
starfsstétt þeir tilheyrðu. „Þá létu nú reiðir
menn í sér heyra en annars eru reiðir menn
í miklum minnihluta þeirra sem senda mér
línu. Þarna fékk ég að heyra það frá einhverj-
um að þeir „væru sko alls ekki svona“ og svo
skrifaði vélstjóri mér og sagðist stunda kynlíf
miklu oftar en ég héldi fram. Eins og ég sé að
flytja einhvern heilagan sannleika.“ Hlín seg-
ist aðspurð ekki hafa gert neinar rannsóknir
á þessum kenningum sjálf en „hins vegar hafa
stundum menn úr ákveðnum starfsstéttum
laðast að mér sem hefur reyndar verið svolítið
fyndið. Það hafa komið tímabil þar sem sjó-
menn, smiðir og lögfræðingar hafa sótt mik-
ið í mig. Mjög spes. Og áhugavert. Kannski
hefur maður einhverja útgeislun sem höfðar
til ákveðinna stétta?“
Með doktorspróf í lífsreynslu
Í kynningu á Hlín á Pressunni er hún sögð
vera með doktorspróf í lífsreynslu. Hún seg-
ir það nám ekki hafa verið mjög erfitt. „Nei.
Þetta var bara frábært nám sem gerir mig
að þeirri manneskju sem ég er í dag. Þetta
var hins vegar ekkert alveg þrautalaust en
ég er ekki tilbúin að fara djúpt í það núna. Ég
er búin að missa báða foreldra mína, var gift
í tíu ár og er fráskilin. Ég á tvö börn, strák
og stelpu sem eru 4 og 6 ára. Ég er sjálfstæð
móðir og geri mér fulla grein fyrir því að ég
er að fara út í tímafreka vinnu en móðurhlut-
verkið verður alltaf númer eitt. Ég er mjög
stolt móðir og legg metnað minn í að sinna
börnunum mínum sem best og vera þeim góð
fyrirmynd. Sterk og sjálfstæð móðir.”
Funheitur vefur
Hlín er með MA-próf í almennri bók-
menntafræði og beinir sjónum að leikhús-
fræðum í lokaritgerðinni sem hún skrifaði
um leikhópinn Grímu sem starfaði í Reykjavík
á árunum frá 1961 til 1970. Hún hóf störf hjá
bókaforlaginu Sölku eftir útskrift og starfaði
þar sem net- og dreifingarstjóri en hætti þar
um mánaðamótin til þess að snúa sér alfar-
ið að uppbyggingu bleikt.is. Hún hafði ekki
fengist við skrif áður en Björn Ingi Hrafnsson
hjá Pressan.is bað hana að skrifa á vefinn.
„Ég er búin að vera vinsælasti Pressu-
pennninn núna í nokkrar vikur, með yfir
45.000 heimsóknir á einstaka pistil sem er
bara frábært. Björn Ingi fékk síðan þá hug-
mynd að gera bleikt.is að umfangsmiklum
kvennavef. Hann hefur væntanlega séð að það
er markaður fyrir slíkan vef miðað við vin-
sældir þessa efnis fyrir konur um samskipti
kynjanna, stefnumót og annað slíkt. Ég tel
að það sé þörf á slíkum vef enda er enginn
svona einlægur kvennavefur í gangi. Bleikt.
is verður risastór, aðgengilegur. Funheitur
lífsstíls- og afþreyingarvefur fyrir konur. Ég
mun bæði hafa fasta penna og svo fólk sem
kemur og skrifar stöku sinnum. Ég held svo
utan um þetta allt saman og flyt mig alfarið
með mín skrif af Pressunni yfir á Bleikt. Ég
er algjörlega ófeimin og skrifa bara um það
sem mér dettur í hug,“ segir Hlín. Hún vakti
mikið umtal nýlega þegar hún birti mynd af
sér á brjóstahaldaranum með bók í hönd við
pistil þar sem hún velti þeirri spurningu upp
hvort konur mættu ekki vera kynþokkafullar
og klárar. „Ég pældi ekkert í þessu og fannst
þetta ekki vera neitt mál. Ég má alveg vera
kynþokkafull og klæðast ögrandi fatnaði. Það
er líka ekkert mál fyrir mig vegna þess að ég
er ánægð með sjálfa mig.“
Er á réttri leið
Hlín hefur miklu frekar fundið fyrir nei-
kvæðum viðbrögðum við skrifum sínum frá
konum en körlum og hún segir að vissulega
geti konur stundum verið konum verstar. Hún
lætur þó gagnrýni og skammir kynsystra
sinna sem vind um eyru þjóta. „Ég er kona og
ég er að fá einstaklega spennandi tækifæri og
ætla að gera mjög flotta hluti en þá er ég bara
ekki að gera réttu hlutina. Það er látið eins
og ég sé að hlutgera konuna eða niðurlægja
hana. Sem er bara fáránlegt. Ég er kona og af
hverju ætti ég að vera að níða niður mitt eigið
kyn? Ég ætla ekki að taka þátt í þessu. Ekki
séns. Þetta eflir mig bara enda er ég viss um
að ég er að gera rétt. Ég hlusta ekki á þetta
enda er ég sterk, flott og sjálfstæð kona sem
veit hvað hún vill og veit að ég er á réttri leið.
Má alveg vera
kynþokkafull
Hlín Einars hefur vakið mikla athygli og umtal með skrifum sínum um samskipti kynjanna
og annað í þeim dúr á Pressan.is. Vinsældir pistla hennar eru slíkar að hún er að færa út
kvíarnar og fær fljótlega heilt vefsvæði, bleikt.is, til umráða. Sá vefur er ætlaður konum en
Hlín ætlar að sjá til þess að karlar finni þar einnig ýmislegt við sitt hæfi. Hlín er sjálfstæð,
ófeimin og sér enga ástæðu til að fara í felur með kynþokka sinn. Þórarinn Þórarinsson
ræðir við Hlín um ónýta stefnumótamenningu á Íslandi, lélegt úrval á karlamarkaði og
fagnaðarerindin sem verða boðuð á bleikt.is. Ljósmyndir/Hari
Ég hlusta ekki á þetta
enda er ég sterk, flott
og sjálfstæð kona sem
veit hvað ég vil og veit
að ég er á réttri leið.
Uppáhaldsbækur Hlínar
1 Dauðinn í Feneyjum - Thomas Mann
2 Frú Bovary - Gustave Flaubert
3 Lér konungur - Shakespeare
4 Gæludýrin - Bragi Ólafsson
5 Glerhjálmurinn - Sylvia Plath
6 Half the Sky - Nicholas D. Kristof og Sheryl WuDunn
7 Ódysseifskviða - Hómer
8 Kyrrðin talar - Echart Tolle
9 Glæpur og refsing - Fjodor Dostojevskí
10 Fall konungs - Johannes V. Jensen
Hlín segir potta víða vera
mölbrotna þegar kemur að
stefnumótamenningu Íslendinga
og ætlar sér að reyna að bæta úr
því á bleikt.is. „Hvar er deitmenn-
ingin? Hvar fer stefnumótið fram?
Á Facebook. Það er bara þannig.
Það er ekki eins og menn gangi
að konum á kaffihúsum og segist
endilega vilja kynnast þeim betur
og bjóði þeim út. Maður myndi
líka bara fríka út ef maður lenti í
því þannig að þetta er ekkert bara
körlunum að kenna og ég ætla
alls ekki að skella allri skuldinni
á þá. Markaðurinn er líka frekar
dapur. Sérstaklega á hring númer
tvö eða þrjú þá er þetta orðið
rosalega erfitt. Mér sýnist þetta
þá bara vera þannig að þeir sem
eru í lagi eru fráteknir. Ég er 33
ára gömul og er orðin rosalega
vandlát. Maður verður bara
reynslunni ríkari og veit hvað
maður vill alls ekki. Og þá er bara
ógeðslega lítið eftir sem er í lagi.
Ég hef farið á fullt af Facebook-
stefnumótum og það hefur aldrei
komið neitt af viti út úr þeim.
Þetta er ekki í lagi og ég mun
boða fagnaðarerindið til þess að
bæta þetta á bleikt.is. Ætli ég
verði ekki að berja jafnt á konum
og körlum. Annars verður allt
vitlaust öðru hvor megin. Þetta
verður enginn stefnumótavefur
samt en vonandi verður hann til
þess að fólk taki sjálft sig svolítið í
gegn. Síðan hefur þetta svo mikið
skemmtanagildi og fólk hefur svo
gaman af því að lesa um þetta.“
Stafræn stefnumót eru slöpp
Hlín er sátt við sjálfa
sig og sér enga
ástæðu til að breiða
yfir kynþokka sinn
og ætlar að bjóða
upp á heitt efni um
samskipti kynjanna á
vefnum bleikt.is sem
hún ritstýrir.
36 viðtal Helgin 19.-21. nóvember 2010