Læknablaðið : fylgirit - 01.07.1995, Qupperneq 31

LÆKNABLAÐIÐ 1995; 81
31
afnumin. Þar eftir urðu upplýsingar tilvísandi
lækna greinarbetri og pappírsvinna varð einfald-
ari.
Biðtími eftir innlögn til aðgerða hefur oft skipt
mánuðum eða jafnvel farið yfir árið. Fyrstu starfs-
árin var biðtími eftir gerviliðaaðgerðum hér
styttri en á Reykjavíkursvæðinu og sóttu þá all-
margir einstaklingar utan venjulegs þjónustu-
svæðis FSA þjónustu hingað. Smátt og smátt óx
biðtíminn og haustið 1992 var biðtími eftir gervi-
liðaaðgerðum orðinn liðlega ár. Með átaksverk-
efni þann vetur, sem þriggja milljóna króna auka-
fjárveiting fékkst til, tókst að ná biðtímanum fyrir
gerviliðaaðgerðir niður í þrjá til fjóra mánuði eins
og hann er í dag.
Eins og önnur sérhæfð heilbrigðisþjónusta eru
bæklunarlækningar fjármagnskrefjandi. A móti
kemur að með þeim skurðaðgerðum og annarri
meðferð sem beitt er sparast oft fjármagn á öðr-
um sviðum svo sem að skapa öldruðum mögu-
leika á að geta lengur verið í sínu eigin húsnæði og
þar með sparast dýr stofnanavistun. Með góðri
tækni má einnig oft stytta eftirmeðferð eftir
áverka og veikindi og þar með minnka heildar-
kostnað við meðferðina og einnig koma einstak-
lingunum fyrr í sjálfbjarga og starfhæft ástand.
Bæklunardeild FSA hefur reynt að fylgja eftir
þeirri þróun sem stöðugt er í þessari grein sem og
öðrum greinum læknisfræðinnar. Síðustu ár hefur
ríkisvaldið ekki haft ráð á nægilegu fjármagni til
kaupa á tækjabúnaði og til að ráða sérmenntað
starfsfólk til að slíkt verði mögulegt til lengdar.
Að óbreyttu þarf að sætta sig við minnkandi
þjónustu í greininni en vonandi verður breyting á
með aukinni þorskgengd og þegar sfldin kemur
aftur.
Byggingarframkvæmdir við sjúkrahús, eins og
hér eru í gangi, eru góðar fyrir atvinnuástandið á
svæðinu en verða aldrei annað en tómur rammi
eða minnismerki um góðan vilja ef fjármagn til
tæknibúnaðar og ráðningar sérhæfðs starfsfólks
vantar til að gera bygginguna að sjúkrahúsi.
Lœknafélagi Akureyrar
árnað heilla
Hafnarstræti 104 ■ 600 Akureyri • Sími 462 2444
AKUREYRAR APÓTEK