Læknablaðið : fylgirit - 01.07.1995, Qupperneq 45

LÆKNABLAÐIÐ 1995; 81
45
tvo til þrjá og síðar fleiri. Ólafur Sigurðsson tók
við stöðu yfirlæknis við lyflækningadeild FSA
1954 og sá einnig um rannsóknarstofuna og átti
ríkan þátt í því að efla hana.
í byrjun voru aðallega gerðar einfaldar rann-
sóknir á þvagi og blóði. Gáð var að prótínum,
sykri og fleiri efnum í þvagi og það skoðað í
smásjá. Blóðrannsóknir voru einkum blóðrauða-
mæling, sökkmæling, talning og heildarrúmmáls-
mæling rauðra blóðkorna og talning og deilitaln-
ing hvítra blóðkorna. Blóðsykur, kreatínín, kól-
esteról, fosfór og bilirúbín var einnig mælt.
Kandídatar og læknar við lyflækningadeild önn-
uðust deilitalninguna í byrjun og sáu um blóð-
flokkanir og krosspróf. Þeir skoðuðu einnig bakt-
eríur í hrákasýnum og fleiri sýnum og sum þeirra
voru send áfram til Reykjavíkur til nánari skoð-
unar. Um 1960 var farið að mæla málmsöltin nat-
ríum, kalíum og kalsíum og þá hófst einnig eftirlit
með blóðþynningarmeðferð. Bakteríuræktanir
hófust um 1963 og voru fyrst í umsjón Baldurs
Jónssonar barnalæknis, en voru verulega efldar
um 1970 þegar Valgerður Franklín kom aftur til
starfa við FSA eftir nám í rannsóknartækni.
Smám saman bættust fleiri rannsóknir við og um
1980 voru gerðar um 70 tegundir rannsókna, ár-
legur rannsóknarfjöldi var um 110 þúsund og
starfsfólk um 13. Vinnufrekar og seinlegar hand-
aðferðir voru notaðar við allar mælingar þar til að
sjálfvirk tæki, sem gera margar rannsóknir á
mörgum sýnum í einu, voru tekin í notkun á árun-
um á milli 1980 og 1990. Árið 1993 voru rannsókn-
irnar orðnar um 140 þúsund af um 120 tegundum
og starfsfólk um 20.
Lœknafélagi Akureyrar
árnad heilla
Endurhæfingarstöðin
Glerárgötu 20
Bautinn — Smiðjan
Lögmannsstofan hf
Brekkugötu 4