Sveitarstjórnarmál - 01.02.1982, Side 13

Heitu vatni var hleypt á fyrstu húsin á
Akranesi nú í desembermánuði 1981.
Aðveituæðin frá Deildartunguhver er
64 km löng. Rörin eru lögð ofanjarðar
á vikurlag, einangruð og hulin
jarðvegi, og mun vatnið verða um
80°C heitt komið í bæinn. Hitaveitan er*
Akurnesingum mikið hagsmuna- og
framfaramál. Að hitaveitunni standa,
auk Akraneskaupstaðar,
Borgarneshreppur og
Andakílshreppur.
Atvinnulíf
Sjávarútvegur og fiskvinnsla hefur lengst af verið
aðalatvinnuvegur Akurnesinga. Á síðari árum hefur
iðnaður og þjónusta aukizt verulega, og lætur nærri,
að atvinnulífinu megi skipta i þrjá jafna hluta:
fiskveiðar og fiskvinnslu, verzlun og þjónustu, iðju
og iðnað.
Fiskveiöar og fiskvinnsla
Fjögur frvstihús starfa í bænum, fiskimjölsverk-
smiðja og nokkur önnur fiskvinnslufyrirtæki. Stærst
er frystihús Haraldar Böðvarssonar & Co. hf. Fyrir-
tækið var stofnsett árið 1906. Hin eru: frystihúsið
Haförn hf., frystihús Þórðar Óskarssonar hf. og
frystihúsið Heimaskagi hf.
Þrír togarar eru gerðir út héðan: Haraldur
Böðvarsson, 299 tonn, Krossvík, 296 tonn, og Óskar
Magnússon, sem er 499 tonn. Einnig fiskiskipin
Bjarni Ólafsson, sem er 1024 tonn, og Víkingur, 1000
tonn, og 9 bátar 100—500 tonn, auk um 60 minni
báta og smábáta. A árinu 1980 var landað 71.600
tonnum af sjávarafla.
Vöruflutningar að meðtöldu hráefni til Sements-
verksmiðju ríkisins nema 370.000 tonnum árlega.
Auk þess eru talsverðir flutningar með m/s Akra-
borg, sem flytur liðlega 60.000 bíla og 200.000 far-
þega árlega milli Reykjavíkur og Akraness.
Stærsta iðnfyrirtækið er Sementsverksmiðja rikis-
ins, sem framleiðir um 120.000 tonn af sementi ár-
lega og hefur 150 starfsmenn.
Skipasmíðastöð Þorgeirs & Ellerts hf. er orðin
stórfyrirtæki. Þar vinna 130 starfsmenn.
Margir Akurnesingar vinna hjá fslenzka járn-
blendifélaginu hf. á Grundartanga, en þar eru um
150 starfsmenn.
Bygg'ngarónaður hefur eflzt á undanförnum ár-
um, og hafin hefur verið bygging 50—80 íbúða ár-
lega. Það er mikil aukning frá árunum fyrir 1974, en
þá var að jafnaði hafin bygging 10—20 íbúða árlega.
Þjónusta
Sjúkrahús Akraness hefur 96 legupláss; Jrar eru
200 starfsmenn, margir í hlutastarfi. Sjúkrahúsið er
rómað fvrir góða aðhlynningu. Þar er einnig starf-
rækt heilsugæzlustöð, sem að standa, auk Akranes-
kaupstaðar, Skilmannahreppur, Innri-Akranes-
hreppur, Leirár- og Melahreppur og Hvalfjarðar-
strandarhreppur.
Kaupstaðurinn á einnig ágæta samvinnu við
jressa hreppa á öðrum sviðum.
Á dvalarheimilinu Höfða eru 38 íbúðir fyrir 44
vistmenn. Heimilið var tekið í notkun á árinu 1978.
SVEITARSTJÓRNARMÁL