Sveitarstjórnarmál - 01.02.1982, Qupperneq 28
Grjótvarnargarðurinn, myndin er tekin í ágúst 1981. Á henni
má sjá hvar tjón urðu á hafnargarðinum 16. febrúar 1981,
þ. e. a. s. skarð í garðinn miðjan otan beygju og efsti hluti
krónu horfinn á um það bil 55 m löngum kafla á garðsenda.
Það var þrennt, sem gerir sjólagið sérstakt: Það
var fjara, mikil vindalda lagðist saman við undir-
öldu. Alda varð mjög kröpp. En það voru aftur á
móti öldurnpr, sem öll gliman stóð um til að skapa
næga kyrrð innan hafnarinnar.
Margt annað tengist þessu og að sjálfsögðu garð-
urinn sjálfur og uppbygging hans. Ymislegt bendir
t. d. til, að upphafsstaðir tjóna á aðalhafnargarði
framan einingaveggs séu verkasamskeytin milli ára.
Hér kemur til keilulaga lagskipting milli ára, mis-
munandi þjöppunar- og sigástand. Sé hér rétt getið
til, er hér komin enn ein röksemd gegn því að búta
verk niður í marga áfanga. Eitt er þó víst, að garður á
12 m dýpi hleypur ekki burt, þótt hann skaðist eða
umformist. Náttúran sér um, ef þörf krefur, að
breyta honum í styrkari átt.
Það er mikið fjárhagslegt atriði, að garðar séu ekki
miklu sterkari en þeir þurfa að vera. Réttlætanlegt
er því að hanna garða djarflega í fyrstu, ef fyrirsjáan-
legt umfang skemmda verður takmarkað og aðstaða
verður til að bæta og laga þær skemmdir. Það
hannar enginn skip svo sterk, að þau geti ekki
skemmzt; til þess yrðu þau alltof dýr og burðarvana.
I ljósi reynslunnar frá sl. vetri þurfum við að taka
þversnið garðsins á ný til athugunar til að finna,
hvaða endurbætur eru nauðsynlegar. Ég tel, að of
dýrt verði án athugana að endurbæta allan garðinn i
líkingu við það, sem við höfum nú gert með garð-
endann, enda hefur hann sérstöðu, hvað snertir álag
og aðstöðu til lagfæringar.
HAFNALÖGIN í
ENDURSKOÐUN
Samgönguráðherra skipaði
snemma árs 1981 fimm manna nefnd
til þess að endurskoða hafnalögin,
sem eru númer 45 árið 1973. 1 nefnd-
inni eru Ólafur Steinar Valdimars-
son, skrifstofustjóri í samgönguráðu-
neytinu, sem er formaður; Aðalsteinn
Júlíusson, hafnamálastjóri; Alexand-
er Stefánsson, alþingismaður; Geir
Gunnarsson, formaður fjárveitinga-
nefndar Alþingis og Gunnar B. Guð-
mundsson, formaður Hafnasam-
bands sveitarfélaga, samkvæmt til-
nefningu stjórnar Hafnasambands-
ins.
Á 12. ársfundi Hafnasambandsins
23. og 24. október sl. kynnti Ólafur
Steinar Valdimarsson þær hug-
myndir, sem uppi væru i endur-
skoðunarnefndinni varðandi breyt-
ingar á lögunum, eins og fram kemur
í frásögn frá fundinum. Jafnframt
óskaði hann eftir ábendingum
fundarmanna og annarra sveitar-
stjórnarmanna um breytingar á
lögunum. Slikar ábendingar skulu
sendast formanni nefndarinnar í
samgönguráðuneytinu, Arnarhvoli.
UMSOKNIR
UM GJALDSKRÁR-
BREYTINGAR
Hafnasamband sveitarfélaga hefur
skrifað hafnarstjórnum bréf, þar sem
þær eru hvattar til að sækja um 19%
hækkun á gjaldskrám hafna frá og
með 1. febrúar 1982. Er þá miðað við
12% hækkun á verðlagi frá seinustu
hækkun til 1. febrúar 1982 og þau 7%,
sem talið var á fundinum, að gjald-
skrárhækkanir hafi dregizt aftur úr
verðlagsbreytingum á árinu 1980.
SVEITARSTJÓRNARMÁL