Sveitarstjórnarmál - 01.02.1982, Blaðsíða 51

SATS — SAMTÖK TÆKNIMANNA
SVEITARFÉLAGA
FIMM ÁRA
Samtök tæknimanna sveitarfélaga
voru stofnuð 23. apríl 1976, og hafa
því starfað í 5 ár á árinu 1981.
Markmið félagsins er, eins og segir i
lögum þess, að:
1. Stuðla að þróun tæknimála
sveitarfélaga á fslandi.
2. Auka almennan skilning á þýð-
ingu tæknisviðs sveitarfélaganna.
3. Vinna að bættri menntun og
aukinni fagþekkingu félags-
manna.
4. Byggja upp samvinnu við Samtök
ísl. sveitarfélaga og aðra aðila, sem
vinna að tæknimálum sveitarfé-
laga.
5. Koma á tjáskiptum um verk-
fræðileg málefni sveitarfélaga
meðal félagsmanna, t. d. með
fundarhöldum og umræðu í fjöl-
miðlum.
Félagið tekur ekki afstöðu til launa
— né annarra starfskjara félags-
manna.
Aðalhvatamaður að stofnun fé-
lagsins var Vilhjálmur Grímsson,
bæjartæknifræðingur í Keflavík. Var
hann kosinn formaður við stofnun
félagsins og gegndi því starfi, þar til
hann baðst undan endurkosningu á
6. aðalfundi félagsins, sem haldinn
var á Egilsstöðum 24. apríl s. 1.
Stjórn Sats
Bjarni Þór Einarsson, bæjartækni-
fræðingur á Húsavík, var á fundinum
kosinn formaður í stað Vilhjálms, og
aðrir í stjórn voru kosnir: Gunnar
Jóhannesson, verkfræðingur, Akur-
eyri; Sveinbjörn Steingrímsson,
bæjartæknifr., Dalvík; Björn Árna-
son, bæjarverkfr., Hafnarfirði og Vil-
hjálmur Grimsson, bæjartæknifr. í
Keflavík.
Veröbanki kynntur
Auk aðalfundarstarfa á Egilsstöð-
um kynntu Finnur Jónsson og Hall-
grimur Hallgrimsson, verkfræðingar
hjá verkfræðistofunni Hönnun hf.,
fyrir fundarmönnum notkun verð-
banka, sem fyrirtæki þeirra hefur sett
upp. 1 tengslum við fundinn var farið
í kynnisferð til Reyðarfjarðar og
Eskifjarðar undir leiðsögn heima-
manna, auk þess sem aðstæður voru
skoðaðará Egilsstöðum.
Félagið hefur frá upphafi unnið að
markmiðum sínum með fræðslu-
fundum og kynnisferðum og enn-
fremur með störfum sérstakra nefnda
að upplýsingamiðlun um sérstaka
þætti tæknimála sveitarfélaga, svo
sem gatnagerð, sorphreinsun og sorp-
eyðingu, frárennslislagnir og hol-
ræsagerð, vatnsveitur og hitaveitur.
Einnig hefur félagið frá stofnun
verið þátttakandi i norrænu samstarfi
um tæknimál sveitarfélaga með
þátttöku í „Nordiska Kommunal-
tekniska Samarbetskommittén“.
Haustfundur
SATS 27. nóvember
Hinn árlegi haustfundur samtak-
anna var haldinn að Hótel Loftleið-
um hinn 27. nóvember sl.
Guðmundur Björnsson, mælingaverk-
fræðingur, flutti fyrirlestur um aðal-
efni fundarins, sem var þéttbýlis-
mælitækni.
Gunnar Eydal, lögfræðingur, flutti
erindi um lagalega ábyrgð sveitarfé-
laga á mælingum, sem gerðar eru af
starfsmönnum þeirra eða á þeirra
vegum.
f tengslum við efni fundarins hélt
innflutningsfyrirtækið fsól hf. sýn-
ingu á mælitækjum, sem það flytur
inn.
Stjórnunarnámskeið
Loks er i undirbúningi á vegum fé-
lagsins stjórnunarnámskeið, sem sér-
staklega verður sniðið að jtörfum
tæknimanna sveitarfélaga. Námskeið
þetta er undirbúið i samvinnu við
Stjórnunarfélag fslands.
ATVINNA VIÐ HÆFI
FATLAÐRA
Rikisstjórnin hefur beint svohljóð-
andi tilmælum til forstöðumanna
opinberra stofnana og fyrirtækja, svo
og atvinnurekenda almennt:
„f tilefni alþjóðaárs fatlaðra hafa
íslenzk stjórnvöld beitt sér fyrir
margvíslegum aðgerðum, sem miða
að því að auka þátttöku fatlaðra i
þjóðlífinu og jafnrétti þeirra og ann-
arra þjóðfélagsþegna.
Rikisstjórnin telur brýna þörf á
sérstöku átaki i atvinnumálum fatl-
aðra og beinir því þeim tilmælum til
forstöðumanna opinberra stofnana
og fyrirtækja að þeir kanni gaum-
gæfilega, hvaða störf á þeirra vegum
henti öryrkjum sérstaklega og öðrum
með skerta starfsorku og að þeir, sem
þannig er ástatt um, verði látnir sitja
fyrir slikum störfum.
Jafnframt beinir rikisstjórnin þeim
tilmælum til atvinnurekenda al-
mennt, að þeir stuðli eftir fremsta
megni að eðlilegri atvinnuþátttöku
fatlaðra.
Til þess að vera forstöðumönnum
til ráðuneytis við val hentugra starfa
fyrir öryrkja, skal félagsmálaráðherra
skipa samstarfsnefnd fulltrúa ráðu-
neytisins og samtaka öryrkja. Þá
samþykkir ríkisstjórnin að hefja við-
ræður við aðila vinnumarkaðarins
um þessi mál.“
SVEITARSTJÖRNARMÁL