Sveitarstjórnarmál - 01.02.1982, Síða 70

STJÓRN
SAMBANDSINS
FUNDUR
FULLTRÚARÁÐSINS
25. OG 26. MARZ
Stjórn sambandsins hefur ákveöið,
að næsti reglulegur fundur í fulltrúa-
ráði sambandsins verði haldinn i
Reykjavík fimmtudaginn 25. og
föstudaginn 26. marz.
I fulltrúaráðinu eiga sæti 34 menn,
9 stjórnarmenn sambandsins, þrir
fulltrúar úr hverju kjördæmi nema 4
úr Reykjavík, og ennfremur formenn
og framkvæmdastjórar landshluta-
samtakanna, og hafa þeir tillögurétt
og málfrelsi, en ekki atkvæðisrétt.
LANDSÞING
SAMBANDSINS
8. —10. SEPTEMBER
Stjórn sambandsins hefur einnig
ákveðið að boða til 12. landsþings
sambandsins að Hótel Sögu í
Reykjavík miðvikudaginn 8.,
finuntudaginn 9. og föstudaginn 10.
september þessa árs.
Landsþing sambandsins eru haldin
fjórða hvert ár, að loknum sveitar-
stjórnarkosningum.
NÁMSKEIÐ í
HEIMAÞJÓNUSTU
Fyrirhugað er, að sambandið og
nýstofnað Öldrunarráð íslands standi
sameiginlega að þriggja daga nám-
skeiði i heimaþjónustu, einkum fyrir
aldraða, dagana 27.-29. apríl. Gert
er ráð fyrir, að námsefni verði fyrst og
fremst sniðið við aðstæður í sveitar-
félögum, sem eru að hefja slika þjón-
ustu.
LAGASKRÁ—
ATRIÐASKRÁ
Sambandið hefur gefið út LAGA-
SKRÁ — ATRIÐASKRA, sem
hefur að geyma lög, reglugerðir og
samþykktir um sveitarstjórnarmál í
samantekt Magnúsar E. Guðjónsson-
ar, framkvæmdastjóra sambandsins.
Ritið er ljósprentað, 5 arkir að stærð.
í ritinu er lagaskrá eftir aldursröð
laganna, siðan skrá um lög, reglu-
gerðir og samþykktir eftir einstökum
málaflokkum, og eru málaflokkar
þessir:
1. Ibúaskráning, kosningar og
stjórnun
2. Stjórnsýsla og allsherjarregla
3. Fjármál sveitarfélaga
4. Skipulag, byggingareftirlit,
brunamál, vegir og umferð
5. Félagsmál
6. Heilbrigðismál
7. Menntamál
8. Landbúnaður
9. Fyrirtæki sveitarfélaga
Þá er birt skrá yfir samþykktir um
stjórn bæjarmálefna og loks hin
eiginlega atriðaskrá í stafrófsröð eftir
uppsláttarorðum.
I formála fyrir ritið segir Magnús:
„Fáar stofnanir i þjóðfélaginu eru
eins háðar lögum og sveitarfélögin.
Tilvist þeirra er tryggð með ákvæðum
i stjórnarskránni, stjórnskipun þeirra
er að mestu lögbundin, tekjustofnar
þeirra og flest verkefni eru lögákveð-
in. Sveitarstjórnarmönnum er því
nauðsynlegt að eiga greiðan aðgang
að þeim réttarfyrirmælum, sem þeim
ber að fara eftir.
Lög eru birt í Stjórnartiðindum, A
deild. Reglugerðir, samþykktir og
gjaldskrár eru birtar í B deild
Stjórnartíðinda. En það getur verið
ærið tafsamt að leita Iaga og annarra
réttarheimilda i Stjórnartíðindum.
Að visu hafa lagasöfn verið gefin út á
nokkurra ára fresti, síðast árið 1973,
en i þau hafa aðeins verið tekin lög en
ekki reglugerðir, samþykktir og
gjaldskrár.
Arið 1971 gaf Samband isl. sveit-
arfélaga út fjölrit með heitinu
„Sveitarstjórnarlöggjöf 1971 —
Atriðisorðaskrá". í fjölriti þessu var
skrá yfir atriði eða atriðisorð á sviði
sveitarstjórnarmála um 400 að tölu
ásamt tilvisun til laga og annarra
réttarheimilda, þar sem um þau var
fjallað. Utgáfa þessi var tilraun, sem
ætlað var, að yrði haldið áfram, þar
eð lög úreldast furðu fljótt. En af
framhaldsútgáfu hefur þó ekki — af
ýmsum ástæðum — orðið fyrr en nú.
í yfirliti því, sem hér birtist, er að
finna i timaröð skrá yfir flest gildandi
lög, sem varða sveitarfélagamálefni,
fyrst og fremst stofnlög og siðan
breytingar á þeim, alls um 200 lög, en
meginefni ritlings þessa er atriðaskrá
alls rúmlega 1000 atriði á sviði sveit-
arstjórnarmála með tilvísun til laga,
reglugerða, samþykkta o. fl. réttar-
heimilda, þar sem fjallað er um
atriðið.
Tilgangurinn með þessari útgáfu er
að auðvelda sveitarstjórnarmönnum
leitina i frumskógi laganna. Rit sem
þetta getur aldrei orðið tæmandi eða
fullkomið. Athugasemdir, ábend-
ingar og tillögur verða því vel þegnar,
þegar að næstu útgáfu kemur.“
Lagaskráin fæst á skrifstofu sam-
bandsins að Háaleitisbraut 11 og
kostar 50 krónur eintakið.
SVEITARSTJÓRNARMÁL