Sveitarstjórnarmál - 01.08.2001, Blaðsíða 27

Félagsmál
Myndin er frá málþingi sem sambandið og verkefnisstjórn reynslusveitarfélaga efndu til á Grand Hótel í Reykjavík 30. mars. Við
borðið sitja, talið frá vinstri, María Sæmundsdóttir, stjórnarráðsfulltrúi í félagsmálaráðuneytinu, Páll Pétursson félagsmálaráðherra,
Óskar Páll Óskarsson, lögfræðingur í félagsmálaráðuneytinu, Helga Birna Gunnarsdóttir forstöðuþroskaþjálfi og Guðný Stefánsdóttir,
þroskaþjálfi á Greiningar- og ráðgjafarstöð ríkisins.
þjónusta við fólk með fötlun væri hluti af þeirri
þróun.
Eitt meginatriði frumvarpsins um félagsþjónustu
sveitarfélaga var að það gerði ráð fyrir samþætt-
ingu félagsþjónustunnar og þeirrar þjónustu sem
nú er veitt af svæðisskrifstofúm málefna fatlaðra.
Hér verða dregin fram nokkur atriði sem skipta
meginmáli þegar þessi samþætting er skoðuð.
Nokkur atriði frumvarps
Það er mikilvægt að horfa á þessar breytingar í
ljósi samþættingar, ekki einvörðungu út frá því að
sveitarfélögin taki við málefnum fatlaðra. Sam-
þættingin felur með öðrum orðum í sér að félags-
þjónusta við fatlaða verður samofin annarri félags-
þjónustu. Þannig er ekki reiknað með að afmörk-
uðum sviðum innan félagsþjónustunnar verði kom-
ið á laggirnar sem fjalli um málefni fatlaðra í heild
sinni. Það er heldur ekki reiknað með að sveitar-
félögin sameinist sérstaklega um þjónustu við
fatlaða, heldur almennt um félagsþjónustu.
Á hinn bóginn kann að reynast nauðsynlegt að hin
fámennari sveitarfélög vinni m.a. saman að
afmörkuðum þjónustuþáttum og sá möguleiki er
fyrir hendi að þau kaupi sérhæfða þjónustu hvert
af öðru.
Meginatriðið er að félagsmálanefndin, sem getur
verið sameinuð nefnd fleiri sveitarfélaga, fer með
stjórn og framkvæmd félagsþjónustunnar í heild
sinni, þar með talin þjónusta við fólk með fötlun.
Rauði þráðurinn er síðan að þjónustuþarfir eru
settar í fyrirrúm. Þannig er ekki miðað við að
þjónustan sé skipulögð út frá eða veitt tilteknum
hópum heldur miðuð við tilteknar þarfir.
Félagsmálanefnd hefur nú þegar umfangsmiklu
hlutverki að gegna, en við samþættinguna verður
það enn viðameira og býður upp á mun meiri
möguleika á bættri þjónustu og samnýtingu
starfskrafta. Sérstök áhersla er lögð á hæfni og
menntun starfsfólks í félagsþjónustunni og þegar
verkefnin verða fjölþættari og verksviðin viðameiri
aukast tækifæri sveitarfélaganna til að ráða hæft
starfsfólk.
Nærtækasta dæmið hvað þetta varðar er hin