Sveitarstjórnarmál - 01.08.2001, Blaðsíða 97

Kynning sveitarstjórnarmanna
Hann var sveitarstjóri Búða-
hrepps 1972-1974 og Rangár-
vallahrepps 1974-1978, bæjar-
stjóri Garðabæjar 1979-1987,
sveitarstjóri Súðavíkurhrepps
24. janúartil 15. október 1995
og bæjarstjóri Vesturbyggðar frá
23. janúartil 1. júní 1997. Frá
árinu 1990 hefúr hann starfað
sem ráðgjafi fyrst hjá fyrirtækinu
Rekstri og Ráðgjöf ehf., en það
fyrirtæki sameinaðist Pricewater-
houseCoopers ehf. 1. ágúst 2000,
og hefúr hann starfað þar síðan.
Jón Gauti var upphaflega
kynntur í 5. tbl. Sveitarstjórnar-
mála 1972.
Þorbjörn R. Guð-
jónsson sveitarstjóri
Breiðdalshrepps
Þorbjörn R. Guðjónsson við-
skiptafræðingur hefur verið ráð-
inn sveitarstjóri Breiðdalshrepps
frá 1. september sl.
Þorbjörn fæddist í Reykjavík
12. febrúar 1943 og eru foreldrar
hans Ólöf Bjarnadóttir húsfreyja
og Guðjón Guðmundsson bif-
reiðasmiður, sem bæði eru látin.
Þorbjörn lauk prófi frá við-
skiptadeild Háskóla íslands árið
1967, stundaði þriggja ára fram-
haldsnám i peningahagfræði og
alþjóðaviðskiptum við Minne-
sotaháskóla og lauk MBA-prófi
þaðan 1970 og sótti síðan þriggja
mánaða nám í arðsemisútreikn-
ingum og skipulagningu fjár-
festingarverkefna við Harvard-
háskóla.
Þorbjörn var um tíma hag-
fræðingur hjá Félagi íslenskra
iðnrekenda, framkvæmdastjóri
Lánasjóðs íslenskra námsmanna,
framkvæmdastjóri Tennishallar-
innar hf. og Sportvangs ehf. Þá
hefur hann sinnt ýmsum þróunar-
verkefnum í Keníu, Tansaníu og
Sambíu og unnið fyrir Alþjóða-
bankann að ráðgjöf í Portúgal.
Eiginkona Þorbjörns er Mar-
grét Svavarsdóttir lyfjafræðingur
og eiga þau tvo uppkomna syni.
Styrkir vegna upplýsingatækni
í almenningsbókasöfnum
Samkvæmt ákvæði til bráðabirgða í lögum nr. 36/1997, um
almenningsbókasöfn, leggur ríkissjóður um fimm ára skeið
fram fé til að stuðla að því að almenningsbókasöfn verði fær
um að bjóða þjónustu sem styðst við nútímaupplýsingatækni
og til að greiða fyrir tengingu bókasafna landsins í stafrænt
upplýsinganet.
Styrkirnir eru m.a. veittir til kaupa á tölvubúnaði, endurmennt-
unar bókavarða, samningar og útgáfu fræðsluefnis og tii
verkefna sem lúta að tölvutengingu bókasafna. Styrki má
einnig veita til annarra þróunarverkefna. Heimilt er að binda
styrk skilyrði um að mótframlag fáist úr hiutaðeigandi sveitar-
sjóði eða sveitarsjóðum. Að öðru jöfnu ganga þau bókasöfn
fyrir um styrk til tölvu- og hugbúnaðarkaupa sem þegar hafa
tryggt sér slíkt mótframlag.
Hér með er auglýst eftir umsóknum um styrki á árinu 2002.
í umsókn skal gera ýtarlega grein fyrir verkefninu og áætla
tímamörk og kostnað við framkvæmd þess. Jafnframt skal
koma fram hvaða aðilar muni vinna að verkefninu, ef við á,
svo og áætlun um fjármögnun.
Umsóknarfrestur er til 1. nóvember 2001.
Umsóknir skulu sendar menntamálaráðuneytinu, Sölvhóls-
götu 4, 150 Reykjavík.
Menntamálaráðuneytið,
20. september 2001.
menntamalaraduneyti.is