Sveitarstjórnarmál - 01.08.2001, Blaðsíða 82
Tæknimál
og þurfa að höfða bæði til almennings og fjöl-
miðla. Myndir eru góðar með fréttum en myndir
taka pláss og hægja á síðum þannig að best er að
reyna að stilla myndanotkun í hóf. Hér er greinar-
höfundur sekur um að nota stundum aðeins of mik-
ið af myndefni í fréttum. Nýja heimasíðan okkar
leyfir hins vegar aðeins eina mynd með hverri frétt
og það er skynsamleg takmörkun og gott er að hafa
í huga að mynd er ekki nauðsynleg með hverri ein-
ustu frétt.
Fundargerðir
Samkvæmt vinnureglu hjá Hafnarfjarðarbæ sem
nú er verið að hrinda í almenna framkvæmd ber að
setja fundargerðir helstu ráða og nefnda inn á
heimasíðu bæjarins um leið og fundi lýkur. Til-
kynning um nýja fundargerð birtist sjálfkrafa á
forsíðunni hafnarfjordur.is og því er mikilvægt að
vinnureglunni sé fylgt.
Kynningarefni
Kappkostað er að setja allt kynningarefni í tölvu-
tæku formi á heimasíðuna. Þannig má nálgast kort,
skýrslur og myndir á pdf-formi (með Acrobat
Reader) með auðveldum hætti. Hugsanlegt er að
dregið verði verulega úr prentun gagna og að
miðlun viðamikillar útgáfu, s.s. ársskýrslu sem nú
er 64 blaðsíður litprentuð, verði í framtíðinni
aðeins að finna á heimasíðunni.
Gagnsæir innri tenglar
Vandasamt getur verið að flokka og nefna tengla
þannig að þeir séu lýsandi fyrir þá starfsemi sem
undir býr. Engar kvartanir hafa á hinn bóginn
borist vegna tenglaheita á nýju heimasíðunni.
Heimasíðan gefur aðeins kost á takmörkuðu plássi
en ágætt er að miða við að öll helstu atriði rúmist
innan algengustu skjástærðar en síðan megi skruna
niður eftir síðunni til að finna annað efni. Til þess
að vinna sem mest úr þessu plássi höfum við
felliglugga með tenglum sem „detta niður“ þegar
bendillinn nemur tiltekin svæði. Þetta með skjá-
fyllinguna er vandmeðfarið og greinarhöfundur
ekki alveg saklaus af að „troða svolítið“ og vera
þar með ekki alveg samkvæmur sjálfum sér. En
það getur líka verið ágætt, sko - að taka sjálfan sig
ekki of hátíðlega!
Aðrir tenglar
Varúðar er þörf þegar aðrir tenglar eru settir inn
eins og nýleg dæmi hjá útgáfufyrirtæki sanna. Við
höfum t.d. tvær heimasíður, hafnarfjordur.is - sem
er stjórnsýslusíðan og án tengla á heimasíður ann-
arra en opinberra stofnana, og hafnarfjordur.org -
sem er samfélagsvefur og öllum opinn. Þar reynum
við að fylgjast með tenglum og fyrirbyggja að unnt
sé að komast gegnum heimasíðuna yfir á tvíræðar
síður. Að mínu mati getur þó ábyrgð okkar ekki
náð yfir það sem aðrir gera á sínum síðum en
óþarfi er að taka of mikla áhættu.
Upplýsingar uppfærðar strax og réttar
Fundargerðir
Meginatriði er að fundargerðir megi finna sem
allra fyrst eftir að fundi lýkur. Margir bíða úrlausn-
ar sinna mála og á hraðbraut upplýsinga er þolin-
mæðiventillinn fljótur að gefa sig. Hraði er því
lykilatriði að þessu leyti.
Dreifður aðgangur
Það er ekki gott þegar upplýsingar á heimasíðum
eru úreltar en það getur þó gerst á bestu bæjum. Til
þess að fyrirbyggja þennan vanda er best að fleiri
en einn hafi aðgang að uppfærslukerfi heimasíð-
unnar og geti þannig á auðveldan hátt breytt upp-
lýsingum eða bætt við þær. Varast ber þó að dreifa
aðganginum of víða því í raun er efni heimasíð-
unnar ígildi opinberra yfirlýsinga frá sveitarfélag-
inu og oft vandi að fara með slíkt umboð. Starfs-
menn verða að gera sér grein fyrir ábyrgð sinni að
þessu leyti og halda leynilegum aðgangsorðum
fyrir sjálfa sig. Auðvelt er þó fyrir vefstjóra að
loka fyrir aðgang ef eitthvað bregður út af og þess
vegna best að hver og einn, sem aðgang fær, fái
sérstök aðgangs- og lykilorð.
Tæknin - engin sérfræði
Asp
Hafnarfjordur.is byggir á svokölluðu asp eða
java forritunarmáli. Þar hefur Már Gunnarsson,
vefstjóri á tölvudeild Hafnarfjarðarbæjar, verið í
lykilhlutverki ásamt hönnuðum hugbúnaðarins hjá
Tristan/Hugviti. Mikið var lagt upp úr því að
heimasíðan væri hraðvirk, með góðum tengingum
og aðgengilegri uppsetningu þar sem leitast væri
við að tengja nauðsynleg atriði við gagnagrunna
- sbr. það sem fyrr er sagt um fréttir, auglýsingar
og fundargerðir.
Eins og flestir nýir vefir er hafnarfjordur.is
gagnagrunnstengdur. Það þýðir að í hvert sinn sem