Morgunblaðið - Sunnudagur - 02.02.2014, Síða 32

Þ
að hefur verið hefð í fjölskyldunni, hjá mér og strákunum mínum,
að bjóða fjölskyldu eða vinum okkar í mat annan hvern laug-
ardag,“ segir Erla Björg Kristjánsdóttir, félagsráðgjafi og ráð-
gjafi hjá Stígamótum, en hún og synir hennar þrír, þeir Össur
Máni, Flóki Rafn og Bjarki Steinarr buðu fjölskyldunni í skemmtilegt og
fjölbreytt pitsupartí. „Hugsunin var að hafa eitthvað létt og skemmtilegt.
Allir eru búnir að vera að elda mikinn og þungan mat yfir jólin, þannig að
okkur langaði að gera léttan og hollan mat sem okkur liði vel af. Þess
vegna urðu þessar pitsur fyrir valinu,“ segir Erla og bætir við að það sé
sérstaklega skemmtilegt að hafa pitsupartí þegar krakkarnir eru með því
þá fá allir tækifæri til að gera sínar eigin pitsur. „Það voru gerðar 27
pitsur um kvöldið, fjórar tegundir sem ég bjó til en síðan gerðu krakk-
arnir allir sínar eigin pitsur enda öll hráefnin í boði. Það var mjög
skemmtilegt að sjá hvað krakkarnir gerðu, en það voru ýmist andlit eða
munstur með litunum í hráefninu, á meðan unglingarnir gerðu meira djúsí
pitsur með miklu áleggi. Þetta var mög gaman.“
Erla segir það skipta miklu máli að börnin fái að taka þátt í matargerð-
inni.
„Mér finnst skipta ótrúlega miklu máli að hafa börnin með og að þau
fái að vera partur af þessu. Það er alltaf þannig hjá mér að strákarnir eru
með og þá hef ég til dæmis aldrei haft áfengi með matnum. Ekki það að
mér finnist rangt að hafa áfengi þegar börn eru nálægt, ekki þannig séð,
en það hefur alltaf skipt mig máli að bjóða upp á barnvænt umhverfi.“
Erla segir það einnig skipta miklu máli að nota gott hráefni í mat-
argerð og að maturinn líti vel út og hann sé settur fallega fram.
„Ég elda mjög oft og á erfitt með að fara eftir uppskriftum, til dæmis
bjó ég til uppskriftirnar að pitsunum sjálf. Ég hef oft hugsað að þetta sé
mín leið til að búa eitthvað til. Þegar ég er búin að vera að vinna og
kannski búin að vera í erfiðum viðtölum í vinnunni þá finnst mér oft gott
að koma heim, kúpla mig pínu út og bardúsa í eldhúsinu og reyna að elda
eitthvað gott. Það er mitt.“
MIKILVÆGT AÐ BÖRNIN FÁI AÐ VERA MEÐ
Fjölskylduvænt
Pitsupartí
Erla segir það skipta máli að
hafa börnin með og að þau fái
að taka þátt í matargerðinni.
ERLA BJÖRG OG SYNIR HENNAR HALDA MJÖG GJARNAN
MATARBOÐ. AÐ ÞESSU SINNI BUÐU ÞAU FJÖLSKYLDUNNI Í
FJÖLBREYTT OG SKEMMTILEGT PITSUPARTÍ ÞAR SEM ALLIR
FENGU AÐ TAKA ÞÁTT Í MATARGERÐINNI.
Sigurborg Selma Karlsdóttir sigurborg@mbl.is
32 MORGUNBLAÐIÐ SUNNUDAGUR 2.2. 2014
Matur og drykkir
Erla Björg eldar mik-
ið og býr oftast til
uppskriftirnar sjálf.
Pitsurnar eru sérlega
léttar og girnilegar og
Erla leggur upp úr því
að maturinn sé fallega
framsettur.