Morgunblaðið - 21.03.2014, Blaðsíða 18

VIÐTAL
Anna Marsibil
annamarsy@mbl.is
Kristín Þorsteinsdóttir er 22 ára
gömul sunddrotting frá Ísafirði.
Kristín er með Downs-heilkenni og
hefur unnið margoft til verðlauna í
sundi hér á landi auk þess sem hún
keppti á Special Olympics í Aþenu
árið 2011 þar sem allir eru sigurveg-
arar. Eina stærstu viðurkenningu á
sundferlinum hlotnaðist Kristínu þó í
janúar þegar hún var valin íþrótta-
maður Ísafjarðarbæjar úr hópi bæði
fatlaðra og ófatlaðra íþróttamanna.
„Ég var hissa,“ segir Kristín um
viðbrögð sín við valinu. „Ég vissi ekki
hvað ég átti að gera þegar nafnið
mitt var kallað upp, var bara feimin
og pínulítið stressuð.“ Kristín segist
að sjálfsögðu vera ótrúlega stolt af
titlinum og að hún finni hve stoltir
íbúar Ísafjarðarbæjar eru af henni.
Kristín segir að til þess að verða
afreksmaður í íþróttum þurfi maður
að tileinka sér ákveðna reglusemi svo
sem að borða hollan mat, fara
snemma að sofa og sleppa öllu óþarfa
tölvu- eða sjónvarpsglápi. Eins sé
mikilvægt að vera duglegur að mæta
á æfingar enda skapi æfingin meist-
arann en Kristín býr einnig svo vel
að njóta sérstaks stuðnings systur
sinnar Mörthu í sundinu.
„Martha er líka að æfa sund hér á
Ísafirði og við förum oft á æfingar
saman, þá sýnir hún mér góðar
tækniæfingar sem ég skil auðveld-
lega og gerir mig að miklu betri
sundmanni,“ segir Kristín.
Hressir, kætir og bætir
Kristín byrjaði að æfa sund sex
ára gömul á sama tíma og sunddeild
íþróttafélagsins Ívars var stofnuð.
Það er ekki á Kristínu að heyra að
hún muni nokkurn tíma verða leið á
sundinu en hún segir það bæta
hressa og kæta auk þess sem það
hjálpi henni að viðhalda vöðvastyrk.
„Og svo er svo gaman að vera með
öllum hinum á æfingu. Ég á líka
marga vini í sundfélaginu Firði í
Hafnarfirði, þau eru mjög góð við
mig og leyfa mér að vera með í sínum
hópi á mótum hér heima og í útlönd-
um. Annars væri ég ein á ferð þar
sem við erum svo fá í mínu félagi og
ég sú eina núna sem fer í keppnis-
ferðir,“ segir Kristín.
Eins og áður sagði keppti Kristín á
Special Olympics fyrir hönd Íslands
árið 2011 en hún segir þá keppnisferð
hafa tekið nokkuð á. „Það var erfið
ferð en mjög skemmtileg, allt var svo
stórt og það var mikill hiti og margt
fólk. Við þurftum að vakna mjög
snemma til að komast í sundlaugina
til að keppa,“ segir Kristín en hún
segist hafa fengið góðan stuðning á
meðan á mótinu stóð og að hún haldi
enn sambandi við aðstoðarkonuna
sem hjálpaði henni á sundlaugar-
bakkanum.
Þó svo að Kristín taki reglulega
þátt í stórum mótum eru aðstæður
hennar til æfinga ekki með því besta
sem gerist. Sundlaugin á Ísafirði er
lítil og í gömlu húsnæði en vegna
plássleysis geta Kristín og félagar
hennar í Ívari aðeins æft þrisvar í
viku.
„Ég verð ofsalega kvíðin þegar ég
er komin í stóru sundlaugarnar því
mér finnst brautirnar svo langar en
þá huggar mamma mig og segir mér
að ég sé svo dugleg að synda, að ég
eigi bara að gefa allt í botn og prufa
hvort ég nái ekki að klára, ég má al-
veg hætta ef ég er að kafna,“ segir
Kristín en hún telur að keppnirnar í
stóru laugunum yrðu auðveldari ef
hún hefði sambærilega laug að æfa
sig í.
Fer í fínan kjól og fagnar
Downs-deginum í vinnunni
Kristín útskrifaðist frá starfsbraut
Menntaskólans á Ísafirði vorið 2012
og eftir það tók hún tvær annir á
tómstunda- og heilsubraut hjá
Fræðslumiðstöð Vestfjarða. Nú
starfar Kristín á endurhæfingardeild
Heilbrigðisstofnunar Vestfjarða og
líkar vel. „Ég er aðstoðarmaður á
endurhæfingardeild og í þvottinum,“
segir Kristín og nefnir að á meðal
verkefna sinna sé að þrífa tækjasal-
inn og nuddbekkina auk þess sem
hún komi þvotti á réttar deildir og
sinni öðrum tilfallandi verkefnum. Þá
gefur hún sér jafnframt tíma til að
spjalla við fólkið sem kemur í endur-
hæfingu.
„Ég er mjög heppin að vera að
vinna á sjúkrahúsinu. Það er svo
gaman að hitta vinnufélaga mína,
þær eru svo góðar við mig, alltaf að
hrósa mér og kenna mér eitthvað
nýtt,“ segir Kristín.
Auk sundsins og vinnunnar er
Kristín atorkusöm sauma- og prjóna-
kona en hún segist njóta þess að
klæða sig upp. Í dag ætlar Kristín
einmitt í betri skóna í tilefni af al-
þjóðlegum degi tileinkuðum fólki
með Downs. „Já, ég ætla að fara í
fína kjólinn minn og leggings sem ég
var að sauma og bjóða vinnufélög-
unum mínum upp á köku í morgun-
kaffinu. Kannski býð ég bara í partí
um kvöldið,“ segir Kristín.
Finnur vel fyrir stolti Ísfirðinga
 Sundkonan Kristín Þorsteinsdóttir var valin íþróttamaður Ísafjarðabæjar 2013 úr hópi jafningja í
janúar  Í dag heldur hún alþjóðlega Downs-daginn hátíðlegan líkt og fjölmargir aðrir Íslendingar
Ljósmynd/Þorsteinn Bragason
Fyrirmynd Kristín segir að til þess að verða afreksmaður í íþróttum sé nauðsynlegt að mæta á allar æfingar. Hún
hefur tileinkað sér heilbrigðan lífsstíl og borðar hollan mat auk þess sem hún passar vel upp á svefnvenjur sínar.
Mikill heiður Kristín tekur við verðlaunum sem íþróttamaður Ísafjarðar-
bæjar 2013 ásamt þjálfara sínum, Svölu Sif Sigurgeirsdóttur.
18 FRÉTTIRInnlent
MORGUNBLAÐIÐ FÖSTUDAGUR 21. MARS 2014
Á morgun, laugardaginn 22.
mars, fer fram alþjóðleg ráð-
stefna andstæðinga ESB-aðildar í
Reykjavík. Fer hún fram í
ráðstefnusalnum Kötlu á 2. hæð
Hótel Sögu og hefst klukkan
9.30. Aðgangur er ókeypis og er
ráðstefnan öllum opin meðan hús-
rúm leyfir.
Að ráðstefnunni standa Heims-
sýn – hreyfing sjálfstæðissinna í
Evrópumálum og norsku systur-
samtökin Nei til EU.
Meðal þeirra sem flytja ávörp
eru Vigdís Hauksdóttir, þingmað-
ur og formaður Heimssýnar,
Helle Hagenau, sviðsstjóri al-
þjóðasviðs hjá Nei til EU, Josef
Motzfeldt, fyrrverandi ráðherra
og forseti grænlenska þingsins,
Per Olaf Lundteigen, þingmaður
Miðflokksins á norska þinginu og
Odd-Haldgeir Larsen, varafor-
maður Fagforbundet og stjórn-
armaður í Nei til EU. Ráð-
stefnustjóri er Jón Bjarnason, fv.
ráðherra. Af öðrum ræðumönn-
um má nefna Ragnar Arnalds,
Harald Benediktson, Sigríði Á.
Andersen, Brynju Björgu Hall-
dórsdóttur og Halldór Ármanns-
son. Yfirskrift ráðstefnunnar er
Fullveldi þjóða og Evrópusam-
runinn.
Alþjóðleg ráðstefna samtaka gegn ESB
Morgunblaðið/Kristinn
Nei við ESB-aðild Frá einum af mörgum
baráttufundum Heimssýnar undanfarin ár.
HJÓLA-OGSPORTVÖRUVERSLUNIN · FAXAFENI 7 · REYKJAVÍK · SÍMI 5 200 200 · GAP.IS
MYNDFRÁADVANIA VILTUKOMAUPPAÐSTÖÐUÁÞÍNUMVINNUSTAÐ?
HAFÐUSAMBANDOGVIÐFINNUMBESTU LAUSNINAFYRIRÞIG!
Framhaldsskólanemar fá ókeypis
aðgang að sundlaugum og lista-
söfnum í Reykjavík á meðan verk-
fall framhaldsskólakennara stend-
ur, samkvæmt tillögu sem
samþykkt var samhljóða í borgar-
ráði í gær.
„Það verður framlag Reykjavík-
urborgar til að stuðla að virkni og
bættri lýðheilsu nemenda þótt
starfsemi framhaldsskólanna falli
niður tímabundið,“ segir í tillög-
unni.
Íþrótta- og tómstundasviði og
menningar- og ferðamálasviði er
falið að útfæra tillöguna með það
að markmiði að hvetja til virkni
innan hefðbundins skóladags. Út-
færslan verði endanlega afgreidd í
borgarráði að viku liðinni.
Framhaldsskólanemar fá ókeypis í sund
og á söfn meðan á verkfallinu stendur