Morgunblaðið - 21.03.2014, Blaðsíða 56

Ágúst Ásgeirsson
agas@mbl.is
Hinn nýi Peugeot 308 hefur verið valinn Evr-
ópubíll ársins 2014. Bar hann sigurorð af
BMW i3, Tesla Model S, hinum nýja Skoda Oc-
tavia, Mazda 3, Citroën C4 Picasso og Merce-
des-Benz S-Class.
Til þess að koma til greina við val á bíl ársins
2014 í Evrópu þurfti bíll að vera kominn á göt-
una og fáanlegur í að minnsta kosti fimm Evr-
ópulöndum fyrir síðustu áramót og hafa verið
seldur í að minnsta kosti 5.000 eintökum.
Peugeot 308 vann titilinn með góðum yf-
irburðum, hlaut 307 stig gegn 223 stigum
BMW i3 og 216 stigum Tesla Model S. Það
þykir frönskum fjölmiðlum mikill sigur fyrir
Peugeot-Citroën-samsteypuna (PSA), að í
fjórða sæti varð Citroën C4 Picasso með 182
stig. Í fimmta sæti varð Mazda3 með 180 stig, í
sjötta Skoda Octavia með 172 stig og sjöunda
Mercedes S Class með 170 stig. Segir franska
blaðið útnefningu Peugeot ekki hafa verið sér-
lega auðvelda þar sem breskir blaðamenn, sem
eru margir, hafi haft bílinn neðarlega á blaði
hjá sér.
Alls voru 30 nýir bílar tækir til verð-
launanna að þessu sinni og meðal ágætra bíla
sem ekki komust í lokaslaginn má nefna Jagu-
ar F-Type, BMW 4 Series, Hyundai i10, Ford
Kuga, BMW X5 og Kia Carens.
Í fyrra hlotnaðist Volkswagen Golf við-
urkenningin, Vauxhall Ampera 2012, Nissan
Leaf 2011, Volkswagen Polo 2010 og Vauxhall
Insignia árið 2009.
Bílablaðamenn hafa hlaðið Peugeot 308 lofi
og segja hann verulega framför að gæðum frá
forveranum, Peugeot 307. Niðurstaða þeirra
er að bíllinn sé hannaður af djörfung og ekkert
skorti á í tæknibúnaði hans. Að kjörinu komu
58 blaðamenn frá 22 Evrópulöndum. Hönnun
hans sé heildræn, jafnvægi í bygging-
arhlutföllum, línurnar kröftugar, flæðandi og
hóflegar.
Peugeot 308 er smíðaður upp af nýjum und-
irvagni PSA-samsteypunnar sem gerir að
verkum að hann er 140 kílóum léttari en for-
verinn og t.d. 55 kílóum léttari en nýjasti VW
Golf. Þetta hefur stuðlað að því að 308-bíllinn
er einkar sparneytinn, með 115 hestafla dís-
ilvél undir vélarhúddinu fer hann með einungis
3,7 lítra á hundraðið.
Peugeot 308 besti Evrópubíllinn
 Peugeot-Citroën samsteypan fagnaði tvöfalt með
Peugeot 308 í fyrsta sæti og Citroën c4 Picasso í fjórða
AFP
Sigurvegarinn Peugeot 308 vann titilinn með góðum yfirburðum, hlaut 307 stig gegn 223 stigum BMW i3 og 216 stigum Tesla Model S.
Kampakátur Forstjóri Peugeot, Maxime Picat, hampar verðlaununum sem Peugeot 308 hreppti
sem bíll ársins 2014. Bílablaðamenn segja bílinn hannaðan af djörfung og hlaðinn búnaði.
BÍLASÝNING
GENF 2014