Morgunblaðið - 21.03.2014, Side 25

Morgunblaðið/Kristinn
Minjar Merkir munir eru í Laufási,
s.s. platti frá Alþingishátíðinni 1930.
er frá núverandi Bjarkargötu ná-
lægt árinu 1900, sýnir Laufás einan
og býsna afskekktan suður í Þing-
holtunum niður undir Vatnsmýri,“
segir Flosi Kristjánsson sem hefur
grúskað í sögu Laufáss og gömlu
byggðarinnar í Reykjavík. Hann
segir að nokkru eftir að Laufáshúsið
var byggt, hafi byggðin tekið að fær-
ast suður eftir Þingholtunum.
„Eflaust hefur stígurinn út í Lauf-
ás innan úr Kvos fengið sitt nafn
mjög fljótt en verið óformlegt heiti í
fyrstu. Ég er ekki frá því að við
byggingu Kennaraskólans árið 1908
hafi verið talað um að hann stæði við
endann á Laufásvegi. Svo gerði
Tómas nafnið náttúrlega ódauðlegt í
kvæði sínu Fyrir sunnan Fríkirkj-
una. Þá var gengið suður Laufásveg-
inn. Okkur er óhætt að fullyrða að
gatan hafa verið komin með þetta
nafn nálægt aldamótunum 1900,“
segir Flosi Kristjánsson.
Dyraloftið er baðstofan
Í tímans rás hefur ýmsu í Laufási
verið breytt frá upphaflegri gerð, en
leitast er við að halda gömlu svip-
móti innan húss, einkum í stofunum.
„Við höfum þó lagt okkur eftir því
að láta herbergið yfir forstofunni
halda sér alveg óbreyttu; Dyraloftið
sem svo er kallað. Á æskuheimili
Þórhalls biskups í Laufási við Eyja-
fjörð var til herbergi með því nafni
og var Dyraloftið í Laufási í Reykja-
vík innréttað á þann hátt að minnir
um margt á baðstofur í burstabæj-
unum,“ segir Flosi.
Á Dyraloftinu eru ýmsir munir
sem tengjast íbúum hússins. mynd-
ir, bækur og gömul búsáhöld. „Húsið
hefur fengið gott viðhald lengst af og
eru innviðir þess ákaflega traustir,“
segir Flosi. „Í fyrrasumar var skipt
um allt járn á þaki hússins og kvist-
um og kom þá í ljós að þakklæðning
hafði lítið látið á sjá í áranna rás, en
járnið mun hafa verið upprunalegt.
Einungis ystu borðin á þakklæðn-
ingunni voru endurnýjuð. Þess er að
sjálfsögðu gætt að breyta húsinu í
engu hið ytra.“
Morgunblaðið/Kristinn
Laufás Flosi Kristjánsson fyrir utan
húsið sem var reist árið 1896. Húsið
stóð eitt og stakt nánast út í sveit,
en síðan kom sú tíð að bærinn
stækkaði og þá var Laufásvegur,
gatan suður Skólavörðuholtið,
kennd við húsið.
Reisulegt Laufás í sinni upphaflegu gerð snemma á 20. öldinni.
Hlýlegt Dyraloftið í Laufási er í gamla stílnum og er fyrirmyndin sótti til
gömlu íslensku baðstofa sveitabæjanna. Viðarklæðningin gefur hlýjan svip.
FRÉTTIR 25Innlent
MORGUNBLAÐIÐ FÖSTUDAGUR 21. MARS 2014