Morgunblaðið - 21.03.2014, Blaðsíða 30

VIÐTAL
Baldur Arnason
baldura@mbl.is
Landsbankinn ætti ef hagnaður verð-
ur viðunandi og að öðru óbreyttu að
geta skilað eigendum verulegum fjár-
hæðum í arðgreiðslur á næstu árum,
þrátt fyrir stóraukna skatta sem eru
tilkomnir meðal annars vegna boð-
aðrar leiðréttingar íbúðalána.
Þetta segir Steinþór Pálsson,
bankastjóri Landsbankans, en tilefn-
ið er 19,7 milljarða arðgreiðsla bank-
ans til ríkisins vegna árs 2013.
„Landsbankinn hefur sett sér það
markmið að arðsemi eigin fjár verði á
bilinu 10-15% eftir skatta. Við teljum,
eins og árið lítur út, að við gætum náð
því markmiði í ár. Það verður þó erfitt
að skila slíkri arðsemi á eigin fé til
framtíðar, vegna þess hversu hátt
eiginfjárhlutfallið er og þeirra háu
skatta sem lagðir hafa verið á við-
skiptabanka hér á landi að undan-
förnu. Skattaheimta á fjármálafyrir-
tæki hefur verið aukin verulega,
skattar eru mun hærri en á önnur
fyrirtæki í landinu og líka mun hærri
en í þeim löndum sem við berum okk-
ur gjarnan saman við.“
Greiði yfir 50% hagnaðar í arð
Spurður hvort raunhæft sé að arð-
greiðslur bankans til ríkisins verði yf-
ir 10 milljarðar á ári þau fjögur ár
sem leiðréttingin nær til, 2014-2017,
segir Steinþór erfitt að nefna tölur.
„Ef við náum viðunandi arðsemi, ef
áhætta er innan marka og bankinn
viðheldur fjárhagslegum styrk, er
stefnan að greiða að jafnaði meiri
hluta hagnaðar sem arð til hluthafa,“
segir Steinþór og á við að yfir 50%
hagnaðar sé greiddur út í arð.
Spurður hvaða áhrif sérstök skatt-
lagning til að fjármagna svonefnda
leiðréttingu húsnæðislána muni hafa
á svigrúm Landsbankans til að greiða
út arð, segir Steinþór það ekki gott að
segja. Skattarnir hafi lagst á bankann
af fullum þunga í fyrra og álögur það
ár þrefaldast frá fyrra ári.
„Ætlun okkar er að skila góðum
arði. Við erum með geysimikið eigið
fé og mjög sterka lausafjárstöðu. Við
teljum að það sé mikilvægt að ríkis-
sjóður bæti sína stöðu, að afgangur sé
á fjárlögum og unnið verði að lækkun
skulda ríkisins og vonandi nýtist 20
milljarða kr. arðgreiðslan ríkinu vel.
Bjarni Benediktsson, fjármála- og
efnahagsráðherra, nefndi í haust að
hann sæi fyrir sér að Landsbankinn
gæti farið á markað áður en langt um
liði, að ríkið myndi þá selja af sínum
eignarhlut og hægt væri að nýta það
fé til að lækka skuldir ríkisins. Það er
vonandi að ríkið nái að styrkja sína
stöðu og að það nái að draga úr sínum
skuldum svo lánshæfiseinkunn þess
batni. Þá verður hægt að spara hluta
af þeim miklu vaxtagjöldum sem falla
á ríkissjóð á ári hverju. Það væri mjög
gott ef arðgreiðslur Landsbankans
gætu stuðlað að þessari þróun.“
Spurður hvað sé að frétta af hug-
myndum um að reisa höfuðstöðvar
bankans við Hörpuna segir Steinþór
bankaráð vera að skoða þau mál.
Bankinn hefur ekki lagt fram tilboð í
umrædda lóð.
Ekkert ákveðið með Hörpulóð
„Eins og kom fram í máli Tryggva
Pálssonar, formanns bankaráðs, á
aðalfundi bankans [í fyrradag] er ljóst
að núverandi húsnæði fyrir höfuð-
stöðvar er mjög óhentugt. Við erum í
mörgum byggingum og fyrir vikið
verða fermetrarnir miklu fleiri en
þeir sem við þurfum raunverulega á
að halda og við bætist annað óhag-
ræði af húsnæðinu eins og það er.
Væntanlega kemur lóðin við Hörpu til
greina, en við erum líka að velta fyrir
okkur fleiri stöðum. Endanleg
ákvörðun hefur ekki verið tekin.“
Skapar þessi góða afkoma svigrúm
til þess að gera betur við starfsfólk?
„Við teljum mestu skipta að aukin
hagkvæmni skili sér í betri kjörum til
viðskiptavina, í góðri arðsemi fyrir
hluthafa og ávinningi fyrir samfélagið
allt. Stefna bankans er að greiða
starfsfólkinu samkeppnishæf kjör án
þess þó að þau séu leiðandi en við get-
um ekki horft framhjá því að við erum
á samkeppnismarkaði að þessu leyt-
inu. Launagreiðslur lækkuðu um 7% í
fyrra, en vegna hækkunar á launa-
sköttum til ríkisins lækkuðu laun og
launatengd gjöld um 4% þegar árið
var gert upp. Eftir stendur að við höf-
um hagrætt verulega á þessu sviði,
rétt eins öðrum.“
Leiðrétting skerðir arðgreiðslur
 Bankastjóri Landsbankans segir að erfitt verði að ná sömu arðsemi og síðustu ár vegna hærri skatta
 Æskilegt að ríkið noti 20 milljarða arðgreiðslu til að grynnka á skuldum  Samkeppni þrýsti á laun
Morgunblaðið/Kristinn
Í Austurstræti Engin ákvörðun hefur verið tekin um staðsetningu nýrra höfuðstöðva Landsbankans.
Úr 50 í 33 útibú
» Steinþór segir „engar stór-
kostlegar breytingar í kort-
unum“ um lokun útibúa í ár.
» Áður en SP KEF sameinaðist
Landsbankanum hafi verið 34
útibú hjá Landsbankanum.
» Eftir samrunann í mars 2011
fór fjöldinn í 50 en útibúin eru
nú 33 eftir lokun eins í ár.
30 FRÉTTIR
MORGUNBLAÐIÐ FÖSTUDAGUR 21. MARS 2014
Smiðjuvegi 34 |Rauð gata | www.bilko.is | Sími 557-9110
TökumOlískort.
Einn aðal þáttur í reglulegu
viðhaldi bíls er að passa að
vélin sé smurð á réttum tíma.
Láttu okkur um að smyrja
bílinn, -notum aðeins hágæða
olíu frá Olís.
Kom
du n
úna
og fá
ðu fr
ía
vetr
arsk
oðun
í lei
ðinn
i!
Í vetr
arsko
ðun p
össum
við
að fro
stlög
ur sé
í lagi
, peru
r
og rú
ðuþu
rrkur
í
topp
stand
i. Að
auki
álags
prófu
m við
rafge
yma.
Ógróið eða illa gróið land á láglendi nær yfir
um 12% landsins, um 12.400 ferkílómetra. Á
þessu landi mætti rækta verðmætan skóg og fá
milljónir króna af hverjum hektara að því er
fram kemur á heimasíðu Skógræktarinnar.
Þar segir að sýnt hafi verið fram á að hægt sé
að rækta asparskóg á eyðisöndum og eftir 50 ár
yrðu tekjurnar af hverjum hektara um tvær
milljónir að núvirði. Rækti landeigandi ösp á
100 hekturum verði verðmætin sem afkom-
endur hans skera upp úr skóginum eftir hálfa
öld um 200 milljónir. Víða um heim er efnt til
gróðursetningar, útivistar og annarra viðburða
í skógum í dag, 21. mars, á alþjóðlega skógar-
deginum. Í tilefni dagsins hefur Skógrækt
ríkisins sett saman myndband um nytjaskóg-
rækt á auðnum og birt á síðunni skogur.is
Verðlaust land gæti skilað milljónum
Framtíðin Vaxandi aspir.
Norræna velferðarmiðstöðin
heldur ráðstefnu í Norræna hús-
inu í Reykjavík í næstu viku um
hlutverk fjölmiðla og ábyrgð á
virkri samfélagsþátttöku fatlaðs
fólks.
Ráðstefnan verður haldin 26.
mars og stendur frá klukkan 9 til
12. Einkum verður fjallað um
birtingarmynd fatlaðs fólks í fjöl-
miðlum og menningarlífi og hlut-
verk og ábyrgð fjölmiðla á virkri
samfélagsþátttöku fatlaðs fólks.
Eygló Harðardóttir félagsmála-
ráðherra setur ráðstefnuna en
Þóra Arnórsdóttir er fundar-
stjóri. Ráðstefnunni lýkur með
pallborðsumræðum.
Ráðstefna um fjöl-
miðla og fatlaða
STUTT
Til að setja ummæli Steinþórs um
skuldastöðu ríkisins í samhengi
kemur fram í ársskýrslu Lands-
bankans 2013 að uppsafnaður
hallarekstur ríkissjóðs á árunum
2008 til 2013 muni nema 640
milljörðum kr. Bankinn greiðir nú
ríkinu tæpa 20 milljarða kr. í arð.
Á árinu 2013 leiðrétti bankinn
fyrri endurútreikning á um 18.000
lánum að fjárhæð 21 milljarður. Í
kjölfar dóma Hæstaréttar sem
vörðuðu uppgreidda samninga og
fjármögnunar-
leigusamninga í
lok árs 2013 er
ljóst að endur-
reikna þarf um
17.000 lán til
viðbótar og er
stefnt að því að
klára megin-
þorra þeirra
leiðréttinga fyrir mitt ár 2014.
Áætlar Steinþór að sú leiðrétting
geti hlaupið á tugum milljarða.
640 milljarða hallarekstur
ARÐGREIÐSLA LANDSBANKANS SETT Í SAMHENGI
Steinþór Pálsson
Velferðarsjóður barna færði
Rjóðri, hvíldar- og endurhæfing-
arheimili fyrir langveik og fötluð
börn, eina og hálfa milljón króna að
gjöf á 10 ára afmæli Rjóðurs í gær.
Féð verður notað til breytinga á
húsnæðinu að því er segir í frétta-
tilkynningu. Fjölmenni fagnaði af-
mæli Rjóðurs á afmælisdaginn. Vel-
ferðarsjóður barna átti veg og
vanda að stofnun Rjóðurs og hefur
síðan stutt starfsemina sem er núna
hluti af kvenna- og barnasviði
Landspítala og í nánum tengslum
við Barnaspítala Hringsins. Á 10
árum hafa um 160 börn og ungling-
ar dvalið í Rjóðri auk þeirra sem
hafa verið þar í endurhæfingu.
Færði Rjóðri 1,5
milljónir að gjöf