Morgunblaðið - Sunnudagur - 12.10.2014, Blaðsíða 4

4 MORGUNBLAÐIÐ SUNNUDAGUR 12.10. 2014
Fyrir tveimur vikum lýsti Helgi Sigurðsson,krabbameinslæknir á Landspítalanum,undrun sinni á því að nýútskrifaðir
læknar sem ráðnir eru til spítalans væru á lægri
launum en nýútskrifaðir lögfræðingar og við-
skiptafræðingar sem spítalinn ræður. Af þessu
tilefni óskaði Sunnudagsblað Morgunblaðsins
eftir upplýsingum um byrjunarlaun allra há-
skólamenntaðra starfsmanna Landspítalans.
Sjá má svar spítalans á meðfylgjandi töflu.
Að sögn Önnu Sigrúnar Baldursdóttur, fjöl-
miðlafulltrúa og aðstoðarmanns forstjóra Land-
spítalans, eru byrjunarlaun háskólastétta sem
og annarra starfsmanna spítalans samkvæmt
stofnanasamningi hvers og eins stéttarfélags og
Landspítala um forsendur röðunar starfa. Sam-
komulagið byggist á kjarasamningi fjármála-
ráðherra fyrir hönd ríkissjóðs annars vegar og
stéttarfélagsins sem um ræðir hins vegar.
Hjá náttúrufræðingum og lyfjafræðingum
eru lágmarkslaun háð lífaldri samanber upp-
byggingu á launatöflu þeirra.
„Hafa ber í huga að þegar talað er um byrj-
unarlaun þá er átt við lægstu mögulegu upphæð
sem starfsmaður sem ráðinn er til starfa á
Landspítala fær,“ segir Anna. „Persónubundnir
og starfsbundnir þættir svo sem menntun,
starfsreynsla, ákveðið vinnuframlag að næt-
urlagi og þess háttar kemur til viðbótar við
grunnlaun. Þó er misjafnt hvað telst til hjá
hverju stéttarfélagi fyrir sig og því mikilvægt að
rýna í hvern og einn samning.“
Varðandi lögfræðingana þá er enginn sér-
stakur stofnanasamningur gerður við Stétt-
arfélag lögfræðinga, að sögn Önnu. „Það eru
einungis þrír lögfræðingar starfandi á spít-
alanum og enginn þeirra er nýútskrifaður, sem
gerir samanburð erfiðan.“
Morgunblaðið/Sigurður Bogi
Félagsráðgjafar með hærri
byrjunarlaun en almennir læknar
viku? Fimm dögum áður en ég
fer utan,“ spurði konan klumsa.
„Jú,“ var svarið.
„Má ég þá ekki sækja það á
skrifstofu Þjóðskrár þá?“ spurði
konan.
„Nei,“ var svarið.
„Hvers vegna ekki?“
„Það er bannað að sækja vega-
bréf nema um hraðafgreiðslu sé
að ræða.“
„Hvers vegna?“
„Veit það ekki. En svona eru
reglurnar.“
„Hver samdi þessar reglur?“
„Veit það ekki.“
Þurfti að greiða
kr. 10.000 aukalega
Konan gat vitaskuld ekki hætt á
að fá vegabréfið ekki í hendur í
tæka tíð fyrir brottför og óskaði
því með semingi eftir hrað-
afgreiðslu. Það þýddi að hún
þurfti að greiða kr. 10.000 auka-
lega. Kr. 20.250 í stað kr. 10.250.
F
rá og með 15. september
síðastliðnum hefur
framleiðslutími vega-
bréfa verið ein vika.
Það þýðir að vegabréf
sem sótt er um á mánudegi er
tilbúið næsta mánudag. Þar með
er ekki öll sagan sögð. Þá fer
vegabréfið nefnilega í póst og það
getur tekið allt að þrjá daga að
skila sér með þeim hætti. Gildir
þá einu hvort beðið er um að fá
vegabréfið sent heim eða á skrif-
stofu sýslumannembættis, þar sem
vegabréfið er pantað og fyrir það
greitt. Hvorki sýslumaður né
Þjóðskrá Íslands, sem framleiðir
vegabréfin, ábyrgjast að þau verði
komin á áfangastað fyrr en á
þriðja virka degi eftir að þau eru
tilbúin.
Það þýðir að vegabréf sem
pantað er á miðvikudegi kemur
mögulega ekki í pósti fyrr en
annan mánudag þaðan í frá.
Sunnudagsblað Morgunblaðsins
veit um konu sem pantaði nýverið
nýtt vegabréf hjá sýslumanninum
í Kópavogi á miðvikudegi en þar
sem hún var að fara utan eld-
snemma annan mánudag þar á
eftir þurfti hún að fá það í hend-
ur í síðasta lagi á föstudeginum í
vikunni eftir að það var pantað.
Því gat starfsfólk sýslumanns ekki
lofað. Ekki heldur Þjóðskrá.
„En er vegabréfið ekki tilbúið
hjá þjóðskrá á miðvikudaginn eftir
Auk hraðafgreiðslu á vegabréfinu
tryggði 10 þúsund kallinn konunni
aðgang að skrifstofu Þjóðskrár Ís-
lands. Þangað var hún allt í einu
velkomin. Henni stóð líka áfram
til boða að fá vegabréfið sent
heim eða til sýslumanns með
pósti. Áfram áskilur pósturinn sér
þó þrjá daga til að koma bréfinu
til skila.
Málinu lauk með því að konan
sótti vegabréfið sitt á skrifstofu
Þjóðskrár í Borgartúni réttri viku
eftir að hún pantaði það. Fékk
fínar móttökur. Þar lá það sumsé
á sama degi og upphaflega var
stefnt að. Eini munurinn var sá
að nú mátti hún sækja það, þar
sem hún hafði greitt kr. 10.000
aukalega. Annars hefði vegabréfið
verið póstlagt upp á von og óvon.
Mögulega hefði það komið í tæka
tíð, mögulega ekki. Á skrifstofu
Þjóðskrár fengust þær upplýs-
ingar að vegabréf færu alltaf í A-
póst, sem þýðir að bréfið berst
oftast nær daginn eftir. Því var
þó ekki hægt að lofa. Svo sem
rækilega hefur komið fram. Og
konan þorði ekki að taka áhætt-
una. Vont að standa uppi vega-
bréfslaus á brottfarardegi.
Stóra spurningin í málinu öllu
er vitaskuld þessi: Hvers vegna
má ekki sækja vegabréf sem hlýt-
ur almenna afgreiðslu á skrifstofu
Þjóðskrár Íslands viku eftir að
það er pantað? Úr því það er
tilbúið. Og spara þar með hinu
opinbera sendingarkostnað. Við
þessu fengust engin svör. Hvorki
hjá sýslumannsembættinu í Kópa-
vogi né Þjóðskrá Íslands.
Þekki einhver manninn/konuna
sem setti þessar reglur má sá
sami endilega láta Sunnudagsblað
Morgunblaðsins vita. Gaman yrði
að birta ljósmynd af honum/henni!
Eða tók vél ef til vill þessa
ákvörðun? Erfitt er nefnilega að
hugsa sér betra dæmi um „tölvan
segir nei“!
Morgunblaðið/Kristinn
„Tölvan
segir nei!“
HARÐBANNAÐ ER AÐ SÆKJA VEGABRÉF SEM
SÆTT HEFUR ALMENNRI AFGREIÐSLU Á SKRIFSTOFU
ÞJÓÐSKRÁR ÍSLANDS. Í PÓST SKAL ÞAÐ FARA. OG
HANANÚ! ÞAÐ ER EKKI FYRR EN BÚIÐ ER AÐ GREIÐA
KR. 10.000 AUKALEGA AÐ ÞÆR ÁGÆTU DYR OPNAST.
AÐ UNDANGENGINNI FLÝTIMEÐFERÐ. HVERJU SÆTIR
ÞETTA? TJA, TÖLVAN SEGIR EINFALDLEGA NEI!
* Athugið að ekki er hægt að sækja vegabréf í þjónustuver-ið, Borgartúni 21 nema um sé að ræða hraðafgreiðslu.Af vefnum vegabref.is.ÞjóðmálORRI PÁLL ORMARSSON
orri@mbl.is
Undanfarin misseri hefur það
margítrekað komið fyrir að Ís-
lendingar á leið til útlanda hafa
orðið fyrir því að þeir lenda í
vandræðum vegna gildistíma
vegabréfa, er synjað um land-
göngu eða synjað um að fara
um borð í flugvélar, ef vegabréf
þeirra gilda ekki að minnsta
kosti sex mánuðum lengur en
áætluð dvöl í viðkomandi ríki.
Utanríkisráðuneytið hvetur
alla þá sem eru á leið til ríkja
utan EES-svæðisins að huga að
því að fá nýtt vegabréf, ef
minna en sex mánuðir eru eft-
ir af gildistíma gamla vega-
bréfsins þar sem búast má við
að ríki geri kröfu um og setji
það sem skilyrði fyrir land-
göngu að vegabréf gildi a.m.k.
sex mánuði fram yfir áætlaðan
dvalartíma í viðkomandi ríki.
(Af vefnum vegabref.is.)
ÞURFA AÐ GILDA Í
A.M.K. SEX MÁNUÐI
Starfsheiti Byrjunarlaun
Sérfræðilæknir 530.556 kr.
Félagsráðgjafi 374.124 kr.
Almennur læknir 370.485 kr.
Ljósmóðir 365.466 kr.
Lyfjafræðingur 346.354 kr.
Sálfræðingur 340.638 kr.
Geislafræðingur 332.837 kr.
Þroskaþjálfi 317.593 kr.
Hjúkrunarfræðingur 311.837 kr.
Náttúrufr. m. starfsleyfi 310.395 kr.
Lífeindafræðingur 303.046 kr.
Sjúkraþjálfari 303.046 kr.
Iðjuþjálfi 303.046 kr.
Viðskipta- og hagfræðingur 289.166 kr.
Bókasafns- og upplýsingafr. 289.166 kr.
Matvæla- og næringarráðgjafi 289.166 kr.
Verkfræðingur 289.166 kr.