Morgunblaðið - Sunnudagur - 12.10.2014, Blaðsíða 30

F
yrirtækið Eldum rétt leiðir viðskiptavini sína út
úr frumskógi ráðlegginga og tímaleysis, sem
getur fylgt yfirgnæfandi upplýsingaflæði á sam-
skiptamiðlum og í fjölmiðlum um mataræði og
heilsu. Í stað þess að þeysast með innkaupakörfuna
milli hillusamstæðna í matvöruverslunum, leitandi að
rétta hráefninu, fá kúnnar Eldum rétt matinn sendan
heim að dyrum. „Hráefni í þrjár máltíðir er sent heim
í hverri viku, þar sem gætt er að næringarinnihaldi,
einfaldleika eldamennskunnar, skammtastærð og
bragðefnum,“ segir Kristófer Júlíus Leifsson en hann
er einn eigenda fyrirtækisins ásamt Vali Her-
mannssyni, Hönnu Maríu Hermannsdóttur og Hrafn-
hildi Hermannsdóttur.
„Hugmyndin á bak við fyrirtækið er hvort tveggja í
senn að bjóða fólki upp á heilsusamlegan mat og um
leið spara fólki þann tíma og fyrirhöfn sem annars
færi í innkaup. Við pössum líka upp á skammta-
stærðina, svo ekkert ætti að fara til spillis.“
HOLLUR OG HEIMILISLEGUR MATUR
Maturinn
sendur heim
HJÁ ELDUM RÉTT ER PASSAÐ UPP Á SKAMMTASTÆRÐIR, NÆRINGARINNIHALD OG FJÖL-
BREYTNI MATARINS EN UPPSKRIFTIRNAR HJÁ ÞEIM ERU UNNAR Í SAMVINNU VIÐ NÆR-
INGARFRÆÐING OG SEM MINNST Á AÐ FARA TIL SPILLIS. MATURINN ER KEYRÐUR HEIM
AÐ DYRUM OG ÞAÐ EINA SEM ÞARF AÐ GERA ER AÐ FYLGJA EINFALDRI UPPSKRIFT.
Vilhjálmur A. Kjartansson vilhjalmur@mbl.is
Matur
og drykkir
Hollt og gott hunang
*Hunang hefur lengi verið talið gott til lækninga ogþekkja þeir sem nota röddina mikið hversu gott þaðgetur gert. Í hráu hunangi er að finna A-og B-vítamínog C, D, E og K vítamín. Þá eru í því steinefni á borðvið fosfór, járn, kalk, potassium og magnesíum svoeitthvað sé nefnt. Ekki skemmir fyrir að hunang ereinstaklega gott út í te eða á grautinn. Einnig má
nota það í ýmsar uppskriftir eða einfaldlega til að
mýkja hálsinn þegar pestin kemur í heimsókn.
Hráefni
lambahakk, 300 g
hamborgarabrauð spelt, 2 stk
kartöflur, 200 g
rauðlaukur, 1 stk
klettasalat, 10 g
tómatar, 1 stk
ajvar, 45 ml
fetaostur, 40 g
aioli að hætti Eldum rétt, 120 ml
kryddblanda:
paprikuduft 1 tsk,
laukduft 1 tsk,
salt 1 tsk, pipar ½ tsk.
Þarft að eiga:
olía
salt & pipar
best
Eldunartími: 25 - 35 mín.
Taktu til áhöldin: Eldfast mót og grill.
Forhitið ofn í 180 °C með blæstri og hitið grillið vel.
1. Skerið kartöflur í þunna báta og veltið upp úr olíu,
salti og pipar. Bakið í ofninum í 20-25 mín eða þar til
kartöflurnar eru mjúkar í gegn.
2. Setjið hakkið í skál og blandið saman við kryddið og
1 msk af ajvar (geymið afgang ofan á borgarana). Mótið
hakkið í tvo hamborgara, passið að hafa þá þétta svo
þeir brotni ekki í sundur við steikingu/grillun.
3. Skerið niður rauðlauk, klettasalat og tómata sem
álegg.
4. Fyrir grill: Grillið borgara og brauð eftir smekk.
Þegar borgarunum er snúið smyrjið ajvar á þá og mylj-
ið fetaostinn yfir.
5. Fyrir ofn: Snöggsteikið borgarana á hvorri hlið þar
til þeir brúnast örlítið. Leggið í eldfast mót, smyrjið
ajvar á þá og myljið fetaostinn yfir. Setjið inn í ofn í um
5-10 mín og hitið brauðið.
6. Berið fram hamborgarana með aioli. grænmeti og
með kartöflum til hliðar .
Miðjarðarhafs-
lambaborgari
Ólíkt flestum sem senda mat heim er ekki búið að
elda réttinn fyrir fólk. Það ætti þó ekki að koma að
sök því Kristófer segir uppskriftirnar vera einfaldar
og skemmtilegar. „Freydís Hjálmarsdóttir næring-
arfræðingur vinnur uppskriftirnar með okkur og alla
jafna reynum við að blanda saman kjöt- og fiskréttum.
Núna bjóðum við líka upp á svo kallað Paleo-
matarpakka en hann inniheldur fjóra rétti. Það er sér-
staklega hannað mataræði sem inniheldur engar
mjólkur- eða kornvörur, ekkert hveiti og engar unnar
matvörur.“
Eldum rétt er ungt fyrirtæki og enn að leita hent-
ugra leiða til að þjóna viðskiptavinum sínum. „Við vilj-
um auka vöruframboð og fjölbreytni til viðskiptavina
okkar og stefnum að því að bæta við enn fleiri teg-
undum af matarpökkum en við bjóðum upp á í dag.
Framtíðarsýn okkar er að geta hjálpað fleiri heimilum
að geta gætt sér á hollum, fjölbreyttum og góðum mat
án vandkvæða.“
Hráefni
Lax, 400 g
Sellerírót, 400 g
Pera, 1 stk.
Kínakál, 180 g
Kryddblanda:
Kóríander, kúmen, paprika,
chili, salt
Kimchi-dressing :
Engifer, 9 g
Hvítlaukur, ½ rif
Epli, 1/4 stk.
Sellerírót, 50 g
Chili, 3 g
Olía, 50 ml
Forhitið ofninn í 200°C hita með
blæstri.
1. Flysjið og skerið sellerírótina í
kubba, veltið upp úr olíu, salti og
pipar og bakið í ofni í 20-25 mín.
eða þar til þær eru mjúkar í gegn
2. Dreifið kryddinu á disk. Skerið
fiskinn í tvo bita og leggið sárið á
fisknum í kryddið.
3. Skerið kálið í grófa bita og veltið
upp úr smá salti og leggið til hliðar.
4. Hitið pönnu án olíu og steikið
fiskinn á kryddhliðinni í sirka 2 mín.
á háum hita. Setjið í eldfast mót og
inn í ofn með sellerírótinni í um 5
mín. eða þar til fiskurinn er fulleld-
aður.
5. Skerið peruna í bita og blandið
saman við kínakál og dressingu.
6. Berið fram fiskinn með sell-
erírót og salati.
Sótaður lax