Morgunblaðið - Sunnudagur - 12.10.2014, Blaðsíða 15

ég get átt milliliðalaus samskipti við starfs-
menn og verið nær þeirra daglega starfi. En
ég er svo sem sjaldan á skrifstofunni enda
höfum við ýmsar starfsstöðvar og fundahöld
eru drjúgur hluti starfsins. Ég er ein af um
400 starfsmönnum hjá lögreglunni á höf-
uðborgarsvæðinu sem er á ýmsum stöðum í
borginni og ég vil vera í virkum samskiptum
við mitt samstarfsfólk.“
Forveri þinn í starfi gekk oft í búningi um
götur borgarinnar, ætlar þú að gera það?
„Það er auðvitað þannig að hver yfirmað-
ur kemur með sínar áherslur. Margar leiðir
geta verið að sama markmiðinu og einhver
ein leið þarf ekki að vera sú eina rétta. Það
fer því eftir fyrirliggjandi verkefnum hvers
dags hvort ég er í búningi eða ekki. Að
mínu mati snýst lögreglan ekki um lög-
reglustjórann eða hvort hann sé í búningi
eða ekki. Lögreglustjórinn á höfuðborg-
arsvæðinu er hluti af heild, þar sem fjöl-
margir leggja hönd á plóg og má nefna að
lögreglan býr yfir miklum mannauði lög-
reglumenntaðra og annarra starfsmanna
sem saman sinna löggæslu um land allt.
Sýnileiki lögreglu snýst að mínu mati um að
hún sé til staðar þegar borgarinn þarf á
henni að halda, að hún komi með stuttum
fyrirvara og sinni verkefnum sínum af fag-
mennsku og virðingu. Í mínum huga er það
besti sýnileiki sem til er. Lögreglan nýtur
mikils trausts og við verðum að halda áfram
að gera okkar besta til að viðhalda því
trausti en eins og áður sagði eru margir
starfsmenn hjá embætti lögreglustjórans á
höfuðborgarsvæðinu sem sinna marg-
víslegum verkefnum og saman myndum við
eina heild gagnvart borgurunum.
Þú ert í annasömu starfi, á það vel við
þig?
„Já, en ég reyni að muna að þetta er
langhlaup en ekki spretthlaup. Ég er bara
ein skrúfa í stóru gangverki. Ég á til að
taka of mikið að mér og er að reyna að
breyta því en það gengur hægt.“
Maðurinn þinn er prestur. Ert þú trúuð?
„Já, ég er trúuð. Í dag sæki ég oft guðs-
þjónustur og finnst þar gefast einstakt tæki-
færi til að hugleiða lífið og tilveruna. Ég og
eiginmaður minn höfum leitast við að ala
börnin okkar upp með kristileg gildi í huga
en í mínum huga er trú einkamál hvers og
eins, fólk velur fyrir sig. Ég skipti mér ekki
af trúarlífi annarra og vona að aðrir virði
slíkt hið sama við mig enda eigum við að
bera virðingu fyrir einstaklingum óháð því
hvaðan þeir koma og hvaða trú þeir hafa.“
Hvað er þér efst í huga í upphafi starfs
hjá nýju embætti?
„Lögreglan hefur það vandasama verkefni
að framfylgja lögum og reglum í samfélag-
inu. Í þeim störfum, eins og öðrum, eigum
við að sýna virðingu því fólki sem við sinn-
um. Lögreglan á höfuðborgarsvæðinu er
skipuð hæfileikafólki og ég er þakklát fyrir
það tækifæri að fá að starfa með því í þeim
mikilvægu og krefjandi verkefnum sem lög-
gæslan er.“
„Ég legg mikið upp úr því að fá
starfsmenn til að vinna með mér og
vil skapa með þeim sameiginlega
sýn,“ segir Sigríður Björk.
Morgunblaðið/Eggert
12.10. 2014 MORGUNBLAÐIÐ SUNNUDAGUR 15
Skeifunni 8 | sími 588 0640 | casa.is
– hágæða ítölsk hönnun
NATUZZI endurspeglar fullkominn
samhljóm og kjarna ítalskrar hönnunar.
NATUZZI umhverfi,staður þar sem fólki líður vel.
100%made in Italy
www.natuzzi.com
Komið og upplifið NATUZZI gallerýið okkar
NATUZZI BORGHESE MODEL 2826
LEÐUR CT 15 – L220 D103 H73/93
VERÐ 449.000,-