Morgunblaðið - Sunnudagur - 12.10.2014, Blaðsíða 40

Tíska
AFP
*Fatahönnuðurinn John Galliano var í vikunni sem leiðráðinn listrænn stjórnandi franska tískuhússins MaisonMartin Margiela. Margiela er þekkt fyrir frekar látlausarflíkur, en Galliano, sem áður var yfirhönnuður Dior, hefurákaflega áberandi og litríkan stíl. Því verður spennandi að
sjá hvaða stefnu Galliano tekur með tískuhúsið.
John Galliano til Maison
Martin Margiela
H
vernig skilgreinir þú stíl? Ég held að stíll sé það sem hver og
einn skapar sér. Ef þú kaupir fatnað sem þér líður vel í, og
gengur með því sem þú átt fyrir, þá ert þú fljót að skapa
þinn eigin stíl. Mestu máli skiptir að manni líði vel í fötunum.
Áttu þér uppáhaldsflík eða fylgihlut? Ég á nokkrar uppáhaldsflíkur
sem ég hef notað árum saman. Frakkinn sem ég er í á þessari mynd er
yfir 20 ára gamall og keypti ég hann í París og hatturinn er eldri og er
keyptur í London. Ég hef alltaf verið veik fyrir stórum eyrnalokkum,
úrum og stórum veskjum. Ég er einnig mjög veik fyrir skóm.
Hvað hefurðu helst í huga þegar þú velur föt? Að kaupa föt sem ég
veit að ég kem til með að nota. Ég held að ég hafi aldrei keypt mér ein-
hverja sérstaka tískuflík. Ég veit um leið og ég sé flíkur hvort ég kem
til með að nota þær. Ég á engar flíkur sem hafa hangið lengi ónotaðar
inni í skáp. Einnig höfða vissir litir til mín. Ég vel oftast fatnað sem ég
get notað með öðru sem ég á fyrir.
Hvert er eftirlætistískutímabil þitt og
hvers vegna? Ég á mér ekkert sérstakt
eftirlætistímabil. Mér finnst mörg tímabil
falleg og skemmtileg þó svo að ég hafi
aldrei keypt mér föt frá þeim.
Hvernig myndir þú lýsa fatastíl þínum?
Ég held að ég hafi yfirleitt keypt mér
frekar vandaðan klassískan fatnað. Sá
fatnaður ber aldurinn vel og ég get notað
hann árum saman.
Flest þau föt sem ég nota í dag eru 10
ára eða eldri.
Áttu einhverja dýrmæta flík sem þú
tímir ekki að nota? Nei, ég held að ég
hafi aldrei keypt mér þannig flík.
Hvaðan sækir þú innblástur? Ég held að
það að kaupa klassískan og vandaðan
fatnað sem manni líður vel í og getur not-
að árum saman veiti manni þann inn-
blástur og öryggi sem maður þarf til að
líða vel.
Ertu með eitthvert ráð til eldri kvenna
varðandi tísku? Að kaupa sér klassískar
og fallegar flíkur sem þurfa ekki að kosta mikið.
En ekki að vera að elta tískufatnað fram
eftir öllum aldri. Og að kaupa fatnað sem
þú getur notað með því sem þú átt.
Kaupa frekar fáar en vandaðar flíkur.
Áttu þér einhverja tískufyrirmynd? Í
rauninni ekki. Auðvitað er maður fljótur
að finna hvaða framleiðandi manni fellur
og hvaða verslanir eru með flíkur sem
manni fellur. Þetta þarf ekki endilega að
vera dýr fatnaður.
Hver hafa verið bestu kaupin þín fata-
kyns? Silkibuxur og toppur sem ég keypti
og notaði þar til að saumakonan sagðist
ekki geta gert meira við þessar flíkur.
Þennan fatnað á ég enn, þó svo að ég hafi
lagt þeim fyrir um 15-20 árum. Þessar
flíkur krumpuðust ekki og fór ekkert fyrir
þeim í tösku. Og mér leið alltaf vel í þeim.
KAUPIR FÁAR EN VANDAÐAR FLÍKUR
Dómhildur Arndís Sigfúsdóttir
keypti þennan klassíska frakka
í París fyrir meira en 20 árum.
Hatturinn er enn eldri og
keyptur í London.
Morgunblaðið/Kristinn
Hefur alltaf
verið veik
fyrir stórum
eyrnalokkum
Dómhildi líður best í
vönduðum fatnaði.
DÓMHILDUR ARNDÍS SIGFÚSDÓTTIR HEFUR ÁKAFLEGA
FLOTTAN OG EFTIRTEKTARVERÐAN STÍL. DÓMHILDUR
KAUPIR YFIRLEITT VANDAÐAN, KLASSÍSKAN FATNAÐ SEM
BER ALDURINN VEL OG HÚN GETUR NOTAÐ LENGI.
Sigurborg Selma Karlsdóttir sigurborg@mbl.is
Stórir eyrnalokkar
eru í miklu eftirlæti.
Dómhildur er veik
fyrir stórum veskjum.