Morgunblaðið - Sunnudagur - 12.10.2014, Blaðsíða 16

16 MORGUNBLAÐIÐ SUNNUDAGUR 12.10. 2014
Fjölskyldan * Ást verður til að fegra athafnirfjölskyldunnar. Percy Bysshe Shelley
Þ
að er ekki skrýtið að
Lovísa Árnadóttir hafi
fylgst vel með frétt-
unum af jarðhræring-
unum í Bárðarbungu í
ágúst en þá beið hún komu tvíbura
sinna í heiminn. Hún og maður
hennar, Gústaf Adolf Hermannsson,
eignuðust nefnilega son fimm dög-
um eftir að gos hófst á Fimmvörðu-
hálsi árið 2010. Framan af var óljóst
hvort gos væri hafið eða ekki og
deildi Lovísa einni slíkri frétt á fés-
bókarsíðu sinni þann 23. ágúst með
orðunum: „Jæja, þá ætti ég að fara
að gjósa líka.“ Hún útskýrði síðan
nánar: „Gos hófst á Fimmvörðuhálsi
20. mars 2010, Eyjafjallajökull svo í
framhaldi. Ég átti 25. mars. Ég
mun vera officially í startholunum
fimm dögum eftir að gos hefur verið
staðfest!“
Þó þetta hafi verið skrifað í gríni
þá rættist spádómurinn, líkt og eldri
bróðirinn, Árni Gauti, komu tvíbura-
drengirnir í heiminn 3. september,
sléttum fimm dögum eftir staðfest
gos í Holuhrauni.
„Gosið á Fimmvörðuhálsi byrjaði
20. mars og eldri stákurinn okkar
fæddist 25. mars. Maðurinn minn
fór að skoða það og við erum með
hraunmola úti í garði. Við þyrftum
eiginlega að redda okkur hraunmola
úr gosinu sem stendur yfir núna til
að eiga fyrir nýju börnin,“ segir
Lovísa.
Vildu vera eins og stóri bróðir
Tvíburarnir vildu greinilega gera
eins og stóri bróðir því búið var að
ákveða að Lovísa færi í keisara-
skurð fimmtudaginn 11. september.
„Ég missti vatnið, fór sjálf af stað
en þeir voru teknir með keisara.
Þeir ætluðu sér bara að koma á
þessum degi.“
Það er ekki annað hægt að segja
en að eldgos virðist hreyfa við
Lovísu. „Við höfum líka verið að
grínast með það að við ætlum ekki
að gera neinum það að eiga fleiri
börn. Ekki taka sénsinn á því að
Katla fari að gjósa næst,“ segir hún
og hlær. „Sennilega segjum við
þetta bara gott,“ segir hún enda er
fimm manna fjölskylda stór fjöl-
skylda og nóg að gera. „En það er
spurning hvort þetta verði tvöfalt
lengra gos núna þar sem þetta eru
tvíburar,“ bætir hún við í gamni.
Hún segir ólíkt að sjá um tvíbura
og einbura. „Það fer tvöfaldur tími í
brjóstagjöf en maður býr að reynsl-
unni að eiga einn fyrir og veit að
þetta tímabil tekur enda. Þetta er
dásamlegt en á sama hátt súrreal-
ískt að fá svona tvö í einu. En þetta
er líka mjög gaman,“ segir Lovísa
sem ráðfærir sig við aðrar tvíbura-
mæður í mömmuhópum á Facebo-
ok.
„Það er mælt með því að maður
fari í hóp með öðrum tvíburamömm-
um. Það eru ýmis atriði sem ein-
buramömmur geta ekki svarað eins
og hvernig eigi að takast á við smá-
atriði í daglegu lífi með tvö smá-
börn. Hvernig gerir maður þetta án
þess að vera með þrjár eða fjórar
hendur? Einfaldir hlutir eins og að
fara út í bíl og út í búð verða meiri-
háttar mál,“ segir hún. „Þetta eru
svo mörg handtök.“
Skírn á sunnudaginn
Drengirnir hafa ekki fengið nöfn
ennþá en upplýst verður um þau á
sunnudaginn um leið og skírt verð-
ur. „Við erum að fara að skíra á
sunnudaginn. Nöfnin eru leynd-
armál en þau eru allavega ekki
Bárður og Jökull eins og búið er
verið að grínast með,“ segir hún en
Gosi var líka á meðal þeirra nafna
sem hafa verið nefnd við hana.
Lovísa segir að nöfnin verði alla-
vega ekki eldfjallatengd. Veiting-
arnar í skírnarveislunni verða líka
eitthvað meira en bara Hraun og
gos þó Lovísa játi því að það hefði
vissulega verið auðveld lausn.
Gosið í Holuhrauni stendur enn
og segir Lovísa að hún hefði orðið
svekkt ef þetta hefði verið annað
túristagos. „Mig langaði að fara
þegar gaus á Fimmvörðuhálsi en
þetta var of langt ferðalag og ekki
hægt að fara frá litlu nýfæddu
barni. Gústi fór til að ná í mola,“
segir hún en mun færri hafa séð
gosið nú.
Aðspurð hvort hún lesi gosfrétt-
irnar sérstaklega vel segist hún
hafa gert það þegar styttist í fæð-
inguna. „En ég er ekkert að lesa
allar skjálftafréttirnar núna.“
Blaðamaður spyr hvort það fylgi
enginn óróleiki hjá strákunum þess-
um jarðhræringum í Bárðarbungu.
„Ég held það geri það ekki en ég
ætti kannski að athuga hvort það
hafi verið jarðskjálfti þegar þeir
voru eitthvað pirraðir í maganum,“
grínast hún.
Vegna eldgosabarnanna fóru
Lovísa og Gústaf að skoða forsíður
blaðanna þegar þau fæddust „til að
gá hvort það væri fjölskyldutenging
þarna“. Lovísa segir að það hafi allt
verið með kyrrum kjörum þegar
hún fæddist. „En þegar Gústi fædd-
ist þá var jarðskjálftahrina um allan
heim og eldgos einhvers staðar,“
segir hún. Hver veit hvernig þetta
tengist allt saman?
LOVÍSA ÁRNADÓTTIR OG GÚSTAF ADOLF HERMANNSSON EIGA ÞRJÚ ELDGOSABÖRN
Gústaf og Lovísa með eldgosabörnin sín þrjú. Árni Gauti er stoltur stóri bróðir.
Morgunblaðið/Golli
LOVÍSA ÁRNADÓTTIR
EIGNAÐIST SON FIMM
DÖGUM EFTIR AÐ ELDGOS
HÓFST Á FIMMVÖRÐUHÁLSI
ÁRIÐ 2010. FJÓRUM ÁRUM
SÍÐAR EIGNAÐIST HÚN
TVÍBURA SLÉTTUM FIMM
DÖGUM EFTIR AÐ
ELDGOSIÐ Í HOLUHRAUNI
FÓR AF STAÐ.
Inga Rún Sigurðardóttir
ingarun@mbl.is
Glænýtt hraun í Holuhrauni. Lovísa og Gústaf eiga hraunmola úr gosinu á
Fimmvörðuhálsi en vantar mola úr Holuhrauni fyrir litlu tvíburadrengina.
Morgunblaðið/Eggert
Forsíða Morgunblaðsins, þegar fað-
irinn Gústaf fæddist, greindi frá jarð-
skjálftum víða um heim.
Forsíðan var með stórri og flottri
eldgosafrétt þegar elsti sonurinn,
Árni Gauti, kom í heiminn.
*Nöfnin eruleyndarmál enþau eru allavega
ekki Bárður og
Jökull eins og búið
er að grínast með.
„Þá ætti ég að fara að gjósa líka“