Morgunblaðið - Sunnudagur - 12.10.2014, Blaðsíða 17

12.10. 2014 MORGUNBLAÐIÐ SUNNUDAGUR 17
Sunnudaginn 12. október kl. 15-16 verður boðið upp á
föndur fyrir alla fjölskylduna undir leiðsögn myndlist-
arkonunnar og rithöfundarins Kristínar Arngríms-
dóttur í Borgarbókasafni, aðalsafni Tryggvagötu 15.
Föndur fyrir alla fjölskylduna* Þegar lífið dregur þig niður,viltu vita hvað þú þarft að gera?Halda áfram að synda.
Dory úr Leitin að Nemó
Eva Einarsdóttir, MBA-nemi við Há-
skólann í Reykjavík og varaborg-
arfulltrúi svarar spurningum um eft-
irlæti fjölskyldunnar þessa vikuna.
Eiginmaður hennar er Eldar Ást-
þórsson, fjölmiðlafulltrúi hjá CCP og
eiga þau börnin Sögu, sem er bráð-
um átta ára og Huga, fjögurra ára.
Þátturinn sem allir geta horft á?
Fólkið í blokkinni, ekki spurning.
Hlökkum mikið til næstu þáttaraðar.
Maturinn sem er í uppáhaldi hjá
öllum? Ég held að það sé þjóðarrétt-
urinn, föstudagspizzan. Hef annars
mjög gaman af matargerð og finnst
gaman að prufa eitthvað nýtt. Ris-
ottó og ýmsir ítalskir réttir virka vel
þessa dagana ofan í alla fjölskylduna.
Skemmtilegast að gera sam-
an? Myndi vilja segja eitthvað
mjög til fyrirmyndar, en það er
mjög vinsælt að horfa öll sam-
an á mynd. Myndir eftir sög-
um Astrid Lindgren eru vin-
sælar. Svo förum við
reglulega hjóla- og sundferð-
ir og okkur finnst gaman að
fara saman í bústað, á vet-
urna og sumrin, og mættum
gera meira af því.
Borðið þið morgunmat saman? Við
erum öll ansi miklar B-týpur svo á virk-
um dögum eru það oftast börnin sem
sitja við matarborðið á meðan við for-
eldrarnir ráfum um, að undirbúa skóla-
töskur og annað. Reynum að bæta það
upp um helgar með meiri huggulegheit-
um.
Hvað gerið þið saman heima ykkur til
dægrastyttingar? Spila, hlusta á tónlist
og börnunum finnst gaman að halda
sýningar af ýmsu tagi.
EFTIRLÆTI FJÖLSKYLDUNNAR
Eva Einarsdóttir
Ítalskir réttir virka vel
þessa dagana
Evrópusambandið heldur úti
skemmtilegum heilsuvef sem ber
nafnið www.we-love-eating.eu. Sér-
fræðingar og stofnanir víðs vegar að
í Evrópu standa á bak við vefinn sem
byggist á hugmyndinni að það að
borða sé ánægjulegt og skemmti-
legt. Ánægjan er alltaf höfð að leið-
arljósi í öllum skrifum og er meðal
annars að finna þarna góð ráð fyrir
fjölskyldur og eldamennskuna
heimavið.
„Það að elda saman getur styrkt
fjölskylduböndin. Það getur verið
tækifæri fyrir ánægjulega samveru
barna og fullorðna,“ segir þar. Enn-
fremur er lögð áhersla á að heima-
eldaður matur sé jafnan ódýrari og
heilsusamlegri en að borða aðeins
tilbúinn mat. „Skyndibitamatur er
aðeins ódýrari ef miðað er við verðið
á kaloríu.“
Minnt er á að börn geti lært
heilsusamlega vana með því að
rækta mat, versla, undirbúa matinn
og að taka þátt í að hreinsa til eftir
matinn. Þegar fjölskyldan eldar
saman geta börnin líka hjálpað til við
að hræra í pottum og þess háttar.
Þetta er uppskrift að góðri samveru.
EVRÓPSKUR HEILSUVEFUR MEÐ GÓÐ RÁÐ
Það getur verið gaman að elda saman nýjar uppskriftir.
Morgunblaðið/Ómar
„Við elskum að borða“
Amy Parker ólst upp á fyrirmynd-
arheimili að flestu leyti. Hún var al-
in upp á góðu fæði, fékk ekki sykur
fyrr en hún var eins árs, hún var á
brjósti í meira en ár, borðaði lífrænt
heimaræktað grænmeti, drakk
ógerilsneydda mjólk, fékk ekkert
MSG, engin aukaefni og ekkert asp-
artame. Móðir hennar notaðist við
smáskammtalækningar, ilmolíumeð-
ferðir, hrygg- og liðskekkjulækn-
ingar. Systkinin tóku daglegan
skammt af C-vítamíni, sólhatti og
þorskalýsi.
Hún ólst upp á bóndabæ á Eng-
landi og var með mjög virkan lífs-
stíl, stundaði íþróttir og gekk þang-
að sem hún þurfti að komast.
Drakk nóg af vatni og borðaði líf-
rænt kjöt af nálægum bæjum einu
sinni til tvisvar í viku. En hún var
ekki bólusett fyrir helstu sjúkdóm-
um. Parker segir sögu sína í grein á
Slate.com.
Bólusetningar koma í veg fyrir
útbreiðslu alvarlegra smitsjúkdóma.
Brýnt er að bólusetningar barna nái
til nær allra barna í hverjum fæð-
ingarárgangi en alvarlegar auka-
verkanir bólusetninga eru mjög fá-
tíðar, að því er fram kemur á vef
Embættis landlæknis, landlaeknir.is.
Margir barnasjúkdómar, svo sem
mislingar, barnaveiki, kíghósti og
lömunarveiki, sjást afar sjaldan nú
orðið. Ungabarnadauði vegna þess-
ara sjúkdóma var þó algengur á 19.
öldinni og framan af 20. öldinni.
Reynsla margra Austur- Evr-
ópuríkja sýnir að þessir sjúkdómar
geta komið aftur ef slakað er á
bólusetningum barna.
Parker er sönnun um það en hún
ólst upp við þennan heilbrigða lífs-
stíl en fékk samt marga sjúkdóma.
Hún fékk mislinga, hettusótt, rauða
hunda, heilahimnubólgu, skarlatsótt,
kíghósta og hlaupabólu.
„Þeir sem berjast gegn bólusetn-
ingum í því skyni að „náttúruleg
mótefni“ tapist með þeim eiga ekki
neitt inni hjá mér. Ég ólst upp á
svona fullkominn hátt og heilsufæði
og var alltaf veik,“ segir Parker.
Hún er þakklát fyrir allt heilsu-
fæðið og góðan lífsstíl en hefur sjálf
bólusett sín eigin börn. „Börnin mín
hafa aðeins fengið hlaupabólu, sem
þau smituðust af á meðan þau voru
á brjósti. Þau voru líka alin upp á
heilsufæði, heimaræktuðu og líf-
rænu. Ég var ekki eins ströng og
móðir mín en þau eru hraustari en
ég var nokkru sinni,“ segir hún.
SJÚKDÓMAR GETA KOMIÐ AFTUR EF SLAKAÐ ER Á BÓLUSETNINGUM BARNA
Óbólusett og var
alltaf veik
Brýnt er að bólusetningar barna nái til nær allra barna í hverjum fæðing-
arárgangi en alvarlegar aukaverkanir bólusetninga eru mjög fátíðar.
Getty Images/Hemera
AMY PARKER ÓLST UPP
Á HEIMILI ÞAR SEM AÐEINS
ÞAÐ HOLLASTA VAR
Í BOÐI FYRIR BÖRNIN.
Inga Rún Sigurðardóttir
ingarun@mbl.is
KOLAPORTIÐ
kolaportid.is
Einstök stemning í 25 ár
Opið laugardaga og sunnu
daga
frá kl. 11-17