Stígandi - 01.01.1944, Blaðsíða 28

26
HÁSKÓLANÁM í ENGLANDI
STÍGANDI
þarna sín eigin félög. Aðrir útlendingar, sem þarna voru, eins og
til dæmis Kínverjar, Pólverjar, Portúgalar og Spánverjar,Þjóðverj-
ar og Svíar, þreyttu engin lærdómspróf, heldur voru þarna á
námsskeiðum í ullariðnaði í Textiles Department eða öðrum
iðnaði, sem er þarna vísindalega stundaður í atvinnudeildunum.
Að afloknu prófi fór fram á „Degree Day“ hátíðleg athöfn í
ráðhúsi bæjarins að viðstöddum borgarstjóra og embættismönn-
um, auk prófessora og kanslara. Var merki háskólans (mace) borið
fyrir kanslara, en annað gullroðið fyrir Lord Mayor. Allur þing-
heintur var í háskólabúningnum enska, cap and gown, en eins og
kunnugt er, er hann úr svörtu silki og húfurnar sérkennilegar, og
fylgir búningnum silkihetta (hood) með ýmsum litum eftir stig-
um kandidatanna, en doktorar báru doktorshatta með öðru sniði,
og eru skikkjur þeirra stundum marglitar. Settust prófessorar og
kanslari á leiksvið ráðhússins, en háskólaritari las upp nöfn
kandidata, er risu úr sætum sínum í salnum og gengu upp á
sviðið. Var upp þrep nokkur að fara, og var ekki laust við, að
sumir væru feimnir og vildi verða fótaskortur á þessari bröttu
leið til upphefðarinnar, og var þá hlegið dátt á svölum uppi, en
þar sátu yngri stúdentar. Kynnti svo hver prófessor sína nem-
endur fyrir kanslara, er afhenti prófskírteini. Þegar athöfn þess-
ari var lokið, var tekin mynd af hópnum.
Um kvöldið var boð inni í háskólanum og sátu kandidatar þar
dýrlega veizlu í sölum háskólans ásamt vandamönnum, og var þar
stiginn dans til morguns. Munu flestir minnast þessa kvölds með
söknuði, því að þá skildu leiðir góðra vina oft að fullu og öllu.
Auk annarra réttinda, er prófið veitir, er tvöfaldur kosningar-
réttur. Kjósa kandidatar (graduates) í Leeds, Liverpool, Sheffield,
Birmingham og Manchester í sameiningu 2 þingmenn til enska
þingsins, auk þess sem menn hafa kosningarrétt í heimakjördæmi
sínu. Einnig eru kandidatar upp frá því meðlimir í ráði nokkru,
er kallast ,,Convocation“ og hefir áhrif á málefni háskólans. Hafa
þeir einnig leyfi til að nota háskólabókasafnið æfilangt og aðgang
að „Students Union“, sem er eins konar stúdentagarður með
lesstofum og veitingasölum, þótt horfnir séu frá háskólanámi.
Eitt herbergi er sérstaklega ætlað „Old Students". Hafa þeir með
sér samband, er heldur út háskólablaðinu „The Gryphon“ með
stúdentum, og gefa út árbók með heimilisfangi sambandsmeð-
lima og öðrum upplýsingum um þá.