Stígandi - 01.01.1944, Blaðsíða 72

70
RÁÐSTÖFUN FJÁRSJÓÐSINS
STÍGANDI
Mumford frænda bar að í þessu. Skipstjórinn sagði:
„Heyrðu frændi sæll, hér er einn vina þinna, sem ætlar í land
í Napoleon.“
„Þú segir fréttir! “
Eg sagði:
„Heyrið mig, góðir hálsar, hvað á þetta allt að þýða? Geta
menn ekki farið í land í Napoleon, ef þeir vilja?“
„Hvað? Svei mér! Veiztu það ekki? Það er engin Napoleon-
borg lengur til. Hefir ekki verið til árum saman. Arkansasfljótið
brauzt inn yfir hana, tuggði hana og bruddi og spýtti henni í
Missisippi!"
„Skolaði allri borginni burt? Bönkum, kirkjum, fangelsum,
ritstjórnarskrifstofum, ráðhúsinu, brunaliðsstöðinni, leikhúsinu,
lögreglustöðinni — öllu?“
„Öllu saman! Lattk því á fimmtán mínútum eða svo til. Skildi
ekki eftir agnar ögn, ekki tangur né tötur — nerna brakið úr
kofalireysi einu og múrsteinsreykháf einn. Þetta skip öslar nú
einmitt þar yfir, senr umferðin var venjulegast mest í borginni.
Þarna er reykháfurinn — allt sem eftir stendur af Napoleon.
Skógarbeltið þarna á hægri hönd lá um mílu vegar að baki borg-
inni. Horfðu til baka — upp eftir fljótinu — ætli þú farir ekki
að kannast við umhverfið?"
„Jú, ég þekki mig hér nú. Þetta er það furðulegasta og óvænt-
asta.“
Herrarnir Thompson og Rogers höfðu bætzt í hópinn, meðan
á samtalinu stóð, og hlustuðu með skjalatöskur undir hendi og
regnhlífar við hlið á frásögn skipstjórans.
Thompson stakk hálfs dollars seðli í lófa mér og sagði blíðmáll:
„Þetta er fyrir litmyndina að mínum hluta.“
Rogers fylgdi dæmi hans.
Já, það var kynlegt að sjá Missisippi streyma þar fram milli
óbyggðra bakka, sem ég hafði daglega fyrir tuttugu árum haft
fyrir augum allstóra, síglaða borg; borg, sem var höfuðstaður
víðlends og velmegandi héraðs; borg með stórum herspítala; borg
óteljandi árekstra og bardaga — líkskoðun daglegur viðburður —;
borg, þar sem ég hafði kynnzt fegurstu og fullkomnustu stúlk-
unni í öllum Missisippidal; borg, sem nú var ekki lengur til,
gleypt, horfin, orðin að fiskafæðu, ekkert eftir af henni — nema
brak úr kofahreysi einu og múrsteinsreykháfur einn, kominn að
hruni! Br. S. Þýddi.