Skessuhorn - 18.12.2013, Blaðsíða 42
42 MIÐVIKUDAGUR 18. DESEMBER 2013
Krossgáta barnanna 2013
Oft hefur verið sagt að jólin séu há-
tíð barnanna. Langflest börn eru
jólabörn og hlakka mikið til hátíð-
arinnar sem senn gengur í garð. Að-
ventan er oft lengi að líða að þeirra
mati og þá sérstaklega aðfangadag-
ur sjálfur. Blaðamaður Skessuhorns
fór á stúfana og hitti nokkur börn á
Akranesi og spurði þau að því hvað
það væri helst sem þau hlökkuðu til
fyrir jólin. Það vildi svo skemmti-
lega til að nokkur þeirra eru sann-
kölluð jólabörn og eiga afmæli al-
veg í kringum jólahátíðina. Spenn-
an er því í hámarki á þeirra heimil-
um í kringum jólin.
Andri Páll Einarsson,
10 ára.
„Ég hlakka mest til að fá gjafirnar
og borða jólamat. Ég hlakka líka til
að fá eitthvað í afmælisgjöf en ég á
afmæli 21. desember. Á aðfangadag
finnst mér gaman að fara í flottu
fötin og segja gleðileg jól við alla.
Svo er líka skemmtilegt að gefa
gjafir því þá verða hinir svo glaðir
sem opna þær.“
Kristín Vala Jónsdóttir,
9 ára
„Ég hlakka mest til að opna pakk-
ana. Ég hlakka líka til að gefa litla
bróður mínum pakka, hann verð-
ur örugglega mjög glaður. Ég fæ
að hjálpa til við að velja gjöf handa
honum.“
Björk Davíðsdóttir,
8 ára.
„Ég hlakka mest til að fá pakkana.
Ég á litla systur sem er tveggja ára
og ég hlakka líka til að gefa henni
bangsa, sem ég er að sauma alveg
sjálf, í jólagjöf. Bangsinn er með
vasa framan á til að geyma eitthvað
í og ég byrjaði á að sauma vasann.“
Óli Rafn Óskarsson,
6 ára.
„Ég hlakka mest til að opna gjaf-
irnar og til að hafa snjó úti um jól-
in. Vonandi kemur ekki rigning á
morgun!“
Sigurður Andri Óskars-
son, 10 ára.
„Ég hlakka mest til að eiga afmæli
en ég á afmæli á aðfangadag. Og
svo hlakka ég líka til að opna gjaf-
irnar, bæði afmælis- og jólagjafirn-
ar. Ég fæ afmælisgjafirnar fyrst en
opna jólagjafirnar seinna.“
Freyja Sif Eiríksdóttir,
5 ára (verður 6 ára 27.
desember).
„Að baka og halda upp á afmælið
mitt. Og opna pakkana, það er svo
gaman.“
Aþena Ósk Eiríksdóttir,
12 ára.
„Ég hlakka mest til að komast í
jólafrí. En líka til að opna gjafir–
nar og til að baka kökur.“
„Ég hlakka svo til...“
Síðastliðinn fimmtudag tóku starfs-
menn Ríkissjónvarpsins upp jóla-
messu í Hvanneyrarkirkju í Borg-
arfirði. Messan verður sýnd á RUV
að kvöldi aðfangadags jóla. Ákveðið
hafði verið að messan yrði að þessu
sinni tekin upp úti á landi og bár-
ust böndin fljótt að Hvanneyri og
er sú staðsetningin ekki tilviljun.
Biskup Íslands, sr. Agnes M. Sig-
urðardóttir, hóf prestskap sinn á
Hvanneyri og þjónaði þar frá 1986
til 1994. Eins og kom fram í viðtali
við séra Agnesi í Skessuhorni eftir
að hún tók við starfi biskups, þá ber
hún afar sterkar taugar til Hvann-
eyrar. Þar átti hún góð ár, bæði sem
prestur og þar uxu börn hennar úr
grasi. Meðfylgjandi myndir tók Ás-
kell Þórisson þegar hátíðarguðs-
þjónustan var tekin upp.
mm
Jólamessan sungin
í Hvanneyrarkirkju
Líkt og við bjóðum upp á krossgátu fyrir fullorðna, til
að spreyta sig á yfir jólin, geta börnin reynt fyrir sér
líka. Hægt er að senda inn réttar lausnir og verður einn
heppinn vinningshafi dreginn út. Hlýtur sá að launum
Vísindabók Villa, eina vinsælustu bókina fyrir þessi jól.
Réttar lausnir sendist Skessuhorni, merkt; Skessu-
horn, “Krossgáta barnanna,“ Kirkjubraut 54, 300 Akra-
nesi. Nauðsynlegt er að póstleggja lausnina í síðasta
lagi fimmtudaginn 9. janúar nk. Tilkynnt verður um
vinningshafann í þriðja tölublaði nýs árs.