Skessuhorn - 18.12.2013, Page 66

66 MIÐVIKUDAGUR 18. DESEMBER 2013
Fréttaannáll ársins 2013 í máli og myndum
Árið 2013 á Vesturlandi var enginn eftirbátur fyrri ára
þegar kemur að fréttum úr landshlutanum. Framvinda
samfélagsins heldur áfram, og er líkt og annars staðar á
jarðarkringlunni, knúin af tiktúrum náttúru og mann-
anna gjörðum. Eftir standa atburðir og uppákomur sem
tíðindamenn samtímans reyna að skrá, skoða og miðla
til samferðarmanna eftir bestu getu. Um áramót er hefð
fyrir því að líta til baka yfir árið sem er að líða og vega
og meta atburði þess með það að markmiði að finna
hvað hafi staðið upp úr. „En hvers er að minnast og
hvað er það þá, sem helst skal í minningu geyma?“ Líkt
og sálmaskáldið Matthías Jochumsson spurði svo ágæt-
lega forðum daga í víðkunnum sálmi þá hefur Skessu-
horn haft uppi álíka vangaveltur undanfarið vegna árlegs
fréttaannáls sem hér birtist. Þar er tæpt á nokkrum at-
riðum úr fréttum líðandi árs.
Á þessu ári voru skrifaðar af starfsmönnum Skessu-
horns eitthvað á sjötta þúsund fréttir, viðtöl, fréttaskýr-
ingar, tilkynningar matreiddar og annað smálegt lagt
á borð fyrir lesendur. Einhvern veginn er það svo að
sama hvort ríkir kreppa, þensla eða eðlilegt meðaltals
ástand í þjóðfélaginu, alltaf finna starfsmenn eitthvað
að skrifa um. Blaðamenn hafa rætt við nokkur þúsund
íbúa á Vesturlandi, átt við þá ánægjuleg samskipti og
miðlað því sem þeir fást við. Vonandi verður áframhald
á þeim góðu samskiptum. Fyrir árið sem nú er að líða
vill starfsfólk Skessuhorns þakka lesendum trygga og
ánægjulega samfylgd, með ósk um gæfuríkt komandi ár.
hlh/mm
Vilhjálmur
Vestlendingur ársins
Skessuhorn útnefndi verkalýðsleiðtogann Vilhjálm Birgisson
formann Verkalýðsfélags Akraness Vestlending ársins 2012 í
ársbyrjun. Vilhjálmur vakti athygli fyrir skörulega framgöngu
í málefnum launafólks, ekki síst í umræðu um verðtryggingu
og skuldamál heimilanna. Þar bar hæst að VLFA ásamt átta
öðrum stéttarfélögum ákvað á haustdögum í fyrra að láta
reyna á lögmæti verðtryggingarinnar með málarekstri fyrir
dómstólum sem enn hafa ekki verið til lykta leidd. Ný ríkis-
stjórn Framsóknarflokks og Sjálfstæðisflokks skipaði Vilhjálm
síðan í sérfræðingahóp um afnám verðtryggingar af neytenda-
lánum í ágúst. Sá hópur er enn að störfum. Þetta er í fjórtánda
skipti sem Skessuhorn útnefnir Vestlending ársins.
Óveður olli tjóni á raflínum
Margir Vestlendingar glímdu við afleiðingar djúprar lægðar
í árslok 2012 og fyrstu daga þessa árs. Lægð gekk yfir norð-
vestanvert landið rétt fyrir áramótin. Veðrið var verst norð-
an Borgarbyggðar á Vesturlandi; á Snæfellsnesi og í Dölum.
Verst var óveðrið í Staðarsveit þar sem vindur í hviðum fór
um tíma í 60 m/sek. Töluverðar skemmdir urðu á eignum í
óveðrinu, sennilega mest á Snæfellsnesi þar sem 67 rafmagns-
staurar á raflínunni Vegamót-Ólafsvík brotnuðu vegna ísing-
ar og vindofsa. Rafmagnslaust var því um hríð í Staðarsveit og
annars staðar í Snæfellsbæ og var brugðið á það ráð að ræsa
varavélar sem framleiddu rafmagn fyrir íbúa á svæðinu meðan
starfsmenn Rarik unnu að viðgerðum á línunni. Lauk þeirri
vinnu 5. janúar. Rafmagnstruflanir urðu einnig á stöku stað
annars staðar á Snæfellsnesi sem og í Dölum, þar sem íbúar
í Saurbæ og á Skarðsströnd voru án rafmagns á þriðja sólar-
hring. Þar brotnuðu 17 rafmagnsstaurar.
Mýramaður fyrstur í heiminn
Fyrsti Vestlendingur ársins kom í heiminn að kvöldi 3. janúar,
nánar tiltekið klukkan 21:21. Kom hann í heiminn á fæðinga-
deild Heilbrigðisstofnunar Vesturlands á Akranesi. Dreng-
urinn er fjórða barn þeirra Unnar Sigurðardóttur og Boga
Helgasonar bænda á Stóra Kálfalæk á Mýrum. Fæðingin gekk
vel og var drengurinn hinn sprækasti. Hann vó 3.995 grömm
við fæðingu og var 53 cm. langur. Ljósmóðir var Erla Björk
Ólafsdóttir.
Regína tók við bæjarstjórn
Fljótlega eftir áramót hóf Regína Ásvaldsdóttir störf sem bæj-
arstjóri á Akranesi. Regína er þriðji bæjarstjórinn á Akra-
nesi á kjörtímabilinu en áður höfðu gengt embættinu þeir
Árni Múli Jónasson og Jón Pálmi Pálsson. Þeir hættu báð-
ir störfum skömmu áður. Regína er félagsráðgjafi að mennt
með framhaldsnám í opinberri stjórnsýslu og meistaragráðu
í breytingastjórnun og nýsköpun frá viðskipta- og hagfræði-
deild Háskólans í Aberdeen í Skotlandi.
Skólar í Hvalfjarðarsveit
spjaldtölvuvæddir
Hvalfjarðarsveit setti stefnuna á að verða fyrsta sveitarfé-
lagið á landinu sem ræki spjaldtölvuvæddan grunn- og leik-
skóla. Samningar þess efnis voru undirritaðir 7. janúar og
fengu kennarar Heiðarskóla og leikskólans Skýjaborgar fyrstu
spjaldtölvurnar afhentar við undirritun. Í haust fengu síðan
nemendur á unglingastigi tölvur. Stefnt er á að nemendur í
1.-7. bekk fái loks sínar tölvur næsta vor. Innleiðingarferlinu
lýkur síðan vorið 2015 þegar almennir starfsmenn skólanna
beggja fá afhentar tölvur. Tækniframförum fleytir svo áfram
í Hvalfjarðarsveit því þessi misserin er verið að ljósleiðara-
væða allt sveitarfélagið. Stefnt er að því verki ljúki um mitt
næsta ár.
Annar síldardauði
Önnur hrina síldardauða í Kolgrafarfirði átt sér stað 31. janú-
ar sem leiddi til þess að tugir tonna af dauðri síld rak á fjörur í
firðinum með tilheyrandi umhverfisspjöllum. Í janúarlok lýsti
Svandís Svavarsdóttir umhverfisráðherra því yfir á fundi með
sveitarstjórnarmönnum, embættismönnum og íbúum í Kol-
grafarfirði, að síldardauðinn í desember væri einstakt tilvik og
myndi ekki gerast aftur. Síðar sama dag sá Sumarliði Ásgeirs-
son ljósmyndari Skessuhorns vísbendingar um að önnur hrina
síldardauði væri hafin og gerði embættismönnum sem enn
voru á svæðinu viðvart, þeirra á meðal sérfræðingi frá Haf-
rannsóknarstofnun sem staddur var fyrir tilviljun á brúnni
yfir Kolgrafafjörð þegar ljósmyndari Skessuhorns sýndi hon-
um fyrstu dauðu fiskana í hinum síðari síldardauða. Alls dráp-
ust 52 þúsund tonn af síld í báðum þessum hamförum. Ýms-
ir urðu til að nýta tækifærið eftir síðari síldardauðann til að
verða sér út um ferska síld og héldu ófáir bændur í landshlut-
anum í Kolgrafafjörð til að ná sér í ódýrt fóður. Skömmu eft-
ir atvikið ákvað ríkisstjórnin að ráðast í umfangsmikið hreins-
unarstarf í firðinum sem stóð yfir næstu vikurnar.
Framkvæmdaráð
sóknaráætlunar
Framkvæmdaráð sóknaráætlunar Vesturlands kom saman til
fundar í lok janúar í fyrsta skipti. Stofnun ráðsins var hluti
af verkefninu sóknaráætlun landshluta sem síðasta ríkisstjórn
setti af stað og var markmið þess að auka vægi heimamanna í
úthlutun á fjármunum vegna ýmissa verkefna sem áður voru
á forræði fjárlaganefndar Alþingis og ráðuneyta. Fjölbreyttur
hópur fólks úr atvinnulífi, sveitarstjórnum, skólum og opin-
berum stofnunum á Vesturlandi situr í ráðinu sem starfar
undir formennsku Gísla Gíslasonar hafnarstjóra. Fyrsta út-
hlutun ráðsins fór fram 7. júní og var alls úthlutað 24,1 millj-
ón króna til átta verkefna á sviði nýsköpunar- og markaðsmála
auk mennta- og menningarmála.
Minna landað af loðnu
Skip HB Granda luku loðnuveiðum föstudaginn 22. mars
þegar Faxi RE landaði síðustu tonnunum á Akranesi. Fyrir-
tækið gerði þrjú skip út til loðnuveiðanna á síðustu vertíð,
Ingunni AK, Faxa RE og Lundey NS en eftir að aukið var
við kvótann um miðjan febrúar bættist Víkingur AK í hópinn.
Alls var tekið á móti 25 þúsund tonnum af loðnu til bræðslu á
Akranesi á vertíðinni sem er talsvert minna en árið áður þegar
tekið var á móti 42 þúsund tonnum. Ástæðan var að ákvörð-
un um viðbótarkvóta var tekin rúmum mánuði seinna en árið
áður. Þrátt fyrir að ætíð hafi verið gripið í hið fengsæla afla-
Framhald á næstu opnu