Skessuhorn - 18.12.2013, Síða 74

74 MIÐVIKUDAGUR 18. DESEMBER 2013
varð frásögnin um hana ein mest lesna frétt á vef Skessuhorns
frá upphafi. Þess utan barst hróður Mollýjar til landsmiðl-
anna. Þetta kom ekki á óvart þar sem geitin var orðin fræg í
Hvalfirði fyrir að fara sínar eigin leiðir í lífinu. Frægð Moll-
ýjar stóð því miður ekki lengi yfir því nokkrum dögum eft-
ir að frægðarsól hennar reis í hádegisstað gaf hún upp önd-
ina eftir snögg veikindi - heimilisfólki og aðdáendum til mik-
illar óhamingju.
Verksmiðja Norðursalts
á Reykhólum
Mikið var um dýrðir á Reykhólum í haust þegar ný verksmiðja
Norðursalts var tekin í notkun við hátíðlega athöfn að við-
stöddum Ólafi Ragnari Grímssyni forseta Íslands. Hjá Norð-
ursalti er unnið náttúrulegt flögusalt úr sjónum við hafnar-
garðinn sem verksmiðjuhúsið stendur á. Við vinnslu saltsins
er beitt svipaðri aðferð og reynd var á Reykhólum fyrir nokkr-
um öldum, með því að handvinna það af sölturum á stórum
pönnum. Þá sem og nú var um íslensk/danska samvinnu að
ræða, en eigendur Norðursalts eru þeir Garðar Stefánsson og
Daninn Sören Rosenkilde. Þeir setja markið hátt og stefna á
að framleiða hvorki meira né minna en besta flögusalt í heim-
inum. „Þetta er handverk og við ætlum að framleiða virkilega
góða og fallega afurð sem verður eftirsótt til matargerðar,“
sagði Garðar í samtali við Skessuhorn.
Makrílveiðar þýðingarmiklar
Línu- og handfæraveiðum á makríl lauk í septemberlok eft-
ir að þær höfðu verið framlengdar í tvígang. Veiðar hófust
1. júlí. Til línu- og handfæraveiða var 3.200 tonnum úthlut-
að í fyrstu sem skipt var niður á tvö tímabil. Þegar sá kvóti var
uppurinn voru veiðarnar gerðar frjálsar fram til 20. september
og loks aftur til mánaðamóta. Bátum fækkaði hins vegar áður
en veiðitímabilinu lauk. Í heildina voru veiðarnar stundaðar
á 98 bátum og komu þeir með 4.655 tonn af makríl að landi
yfir sumarið. Stór hluti bátanna var gerður út frá Snæfells-
nesi í sumar og eru 37 þeirra skráðir á Vesturlandi. Vinnslur á
Snæfellsnesi og víðar voru margar hverjar opnar í allt sumar
og er það m.a. makrílveiðunum að þakka. Þar hefur skólafólki
og fleirum boðist vinna, en greinilegt er að veiðar og vinnsla
á makríl er mikil búbót fyrir útveginn.
Makríltorfurnar laða einnig til sín togara og voru aflaklær
G.Run í Grundarfirði og HB Granda sem dæmi á makrílmið-
um á árinu. Líkt og í smábátaveiðunum er umtalsverður bú-
hnykkur fólginn í veiðunum fyrir útgerðirnar yfir sumarmán-
uðina og hafa þær átt stóran þátt í því að hægt sé að halda tog-
urunum í útgerð allt árið. Án þeirra þyrfti að gera hlé á útgerð
margra togara síðustu mánuði kvótaársins.
Ný Oddsstaðarétt
Við upphaf réttarhalds í Oddsstaðarétt í Lundarreykjardal í
haust var ný rétt tekin í notkun. Páll S. Brynjarsson sveitar-
stjóri og Ragnar Olgeirsson fyrrverandi bóndi á Oddsstöð-
um klipptu á borðann að viðstöddu fjölmenni sem söng sam-
an nokkur lög eftir vígsluna áður en byrjað var að rétta. Nýja
réttin leysir af hólmi eldri rétt sem þjónað hafði í um hálfa öld
eða síðan 1955. Sú var orðinn ansi lúin og orðin það lek að á
síðustu árum hafa bændur þurft að binda forystusauði sem ell-
egar hefðu geta leitt fylgissauði sína milli dilka.
Altjón á Akranesi
Mikill eldur kom upp í húsnæði Trésmiðju Akraness að
Smiðjuvöllum 3a miðvikudagskvöldið 18. september. Tölu-
verður eldsmatur var í smiðjunni; lakk og timbur, sem magn-
aði eldinn mjög. Smiðjan varð brátt alelda en eldveggur kom
þó í veg fyrir að eldur bærist í aðliggjandi rými í húsinu þar
sem m.a. Vélaverkstæði Guðlaugs Ketilssonar er til húsa. Að
endingu var þak hússins tekið að falla og því voru vinnuvél-
ar fengnar til að fella húsið og auðvelda þannig slökkvistörf.
Slökkvilið lauk síðan störfum sínum um klukkan tvö eftir
miðnætti og var þá trésmiðjan nánast horfin af yfirborði jarð-
ar. Enginn slys urðu á fólki. Hreinsun fór síðan fram dag-
inn eftir.
Vistun í Holti og
Gufuskálum lokað
Þjónusta við fatlaða einstaklinga á Vesturlandi skertist veru-
lega á árinu þegar skammtímavistun sem starfrækt hefur ver-
ið til fjölda ára í Holti í Borgarfirði og á Gufuskálum á Snæ-
fellsnesi var lokað. Fimmtán einstaklingar hafa notið skamm-
tímavistunar í Holti að vetrinum og tíu á Gufuskálum, en hver
einstaklingur hefur dvalið þar eina helgi í mánuði. Foreldr-
ar þeirra fötluðu barna og unglinga sem notið hafa þjónust-
unnar sem og stjórn Þorskahjálpar á Vesturlandi telja að með
þessu sé verið að kippa burtu mikilvægum stað sem rofið hef-
ur félagslega einangrun notenda og er því eftirsjáin af vistun-
inni umtalsverð. Ástæðan fyrir lokuninni eru skert fjárframlög
til málefna fatlaðra á Vesturlandi.
Færri skemmtiferðaskip
Komum skemmtiferðaskipa til Grundarfjarðar fækkaði á
árinu. Einungis lögðust sex skip við bryggju þrátt fyrir að tíu
hafi boðað komu sína. Þetta er umtalsverð fækkun frá fyrra
sumri þegar þrisvar sinnum fleiri skip komu til Grundarfjarð-
ar eða átján. Grundarfjörður þykir liggja of nálægt Reykja-
vík, aðstaða á Snæfellsnesi er ekki nógu góð með tilliti til sal-
ernisaðstöðu á fjölförnum ferðamannastöðum og þá breytti
veðrátta áætlunum nokkurra skipa. Níu skip hafa þó boðað
komu sína til Grundarfjarðar næsta sumar. Sum munu koma
oftar en einu sinni á borð við skipið Ms. Fram sem mun koma
fimm sinnum.
Hugmyndum um
Akraborg hafnað
Bæjarstjórn Akraneskaupstaðar samþykkti á fundi sínum
í lok september að óska eftir sameiningaviðræðum við þrjú
nágrannasveitarfélög sín; Hvalfjarðarsveit, Borgarbyggð og
Skorradalshrepp. Í greinargerð með samþykktinni sagði m.a.
að aukið samstarf eða sameining fyrrnefndra sveitarfélaga væri
forsenda bættrar þjónustu við íbúa þeirra og tryggði um leið
samkeppnishæfni þeirra. „Í því ljósi er tillaga þessi nú flutt,“
segir í bókun bæjarstjórnar Akraneskaupstaðar. Skemmst er
frá því að segja að ósk Skagamanna um sameiningarviðræður
var hafnað hjá sveitarfélögunum þremur, þótt vilji hafi kom-
ið fram um að eiga samstarf um ýmis verkefni áfram í fram-
tíðinni.
Hluti Vesturlands
ljósleiðaravæddur
Stór skref voru stigin á árinu inn í framtíðina í fjarskiptamál-
um á Vesturlandi. Ljósleiðaravæðing Hvalfjarðarsveitar hófst
í októberlok. Verklok eru áætluð 15. júní á næsta ári. Allir
bæir, þar sem föst búseta er, verða tengdir með ljósleiðara og
kostar verkið 272 milljónir króna sem sveitarfélagið greiðir.
Einnig náðist góður árangur á árinu í undirbúningi ljósleið-
aravæðingar sveitanna á sunnanverðu Snæfellsnesi, frá Hít-
ará að Hellnum. Bæjarstjórn Snæfellsbæjar samþykkti fyrir
sitt leyti að ráðast í útboð á verkefninu á grunni skýrslu SSV
um málið og sýnt er að Borgarbyggð og Eyja- og Miklaholts-
hreppur gefi framgangi þess grænt ljós. Mikið er í húfi því
ljósleiðaravæðingin er mikilvægt málefni fyrir íbúa landshlut-
ans, ekki síst til að efla búsetuskilyrði.
Páll Ágúst nýr prestur
á Staðarstað
Sóknarbörn á sunnanverðu Snæfellsnesi kusu Pál Ágúst Ólafs-
son sem nýjan sóknarprest í Staðarstaðarprestakalli í byrjun
nóvember. Hann leysir af hólmi sr. Guðjón Skarphéðinsson
sem þjónað hafði á Staðarstað síðan 1996, en hann fór á eftir-
laun á árinu. Til stóð í upphafi að sérstök valnefnd myndi velja
eftirmann Guðjóns en þar sem yfir þriðjungur atkvæðisbærra
sóknarbarna óskaði eftir að almenn prestskosning færi fram
upp á gamla mátann var orðið við því. Átta prestsefni gáfu
kost á sér og hlaut Páll Ágúst 30,54% atkvæða. Hann var loks
vígður í embættið af biskupi sunnudaginn 8. desember sl.
Framhald á næstu opnu