Skessuhorn - 18.12.2013, Side 76

76 MIÐVIKUDAGUR 18. DESEMBER 2013
Möguleg skrautsylgja
Snorra fannst
Edda Arinbjarnar á Húsafelli í Hálsasveit fann grunsam-
legan hlut á árinu þegar hún var á fjallgöngu ásamt syst-
ur sinni á Útfjalli skammt fyrir ofan Húsafellsbæinn seint
í haust. Við nánari skoðun reyndist þetta vera aldagöm-
ul skrautsylgja og er jafnvel talið að hún sé frá tímabilinu
1250-1400. Skrautsylgja sem þessi var samkvæmt heim-
ildum notuð til að halda saman fatnaði eins og skikkju
eða utanyfirflík, en einsýnt er að sylgjan hafi verið fag-
urlega skrýdd, t.d. með perlum. Bendir það til þess að
slíkar sylgjur hafi verið eign þeirra efnameiri í fortíðinni.
Sé sylgjan jafn gömul og talið er má leiða að því líkum
að þarna sé komin skrautsylgja sjálfs Snorra Sturluson-
ar, enda sennilega fáir menn í Borgarfirði sem hefðu haft
þann myndugleika að verða sér út um slíkan skrautmun
á sínum tíma. Skrautsylgjan er nú í forvörslu hjá Þjóð-
minjasafnsins þar sem uppruni hennar er til rannsóknar.
Síldin snýr aftur
Íslenska sumargotssíldin hóf að bunka sig inn á Breiða-
fjörð í haust líkt og fyrri ár. Miðvikudaginn 20. nóvem-
ber urðu sjómenn varir við torfur af stórri og fallegri síld
inn á Grundarfirði og hófu veiðar. Tveimur dögum síð-
ar var síldin loks kominn inn á kunnuglegar slóðir innan
brúar í Kolgrafarfirði, mönnum í landi til mikillar óham-
ingju. Yfirvöld í landi hófu umleitanir um hvernig hægt
væri að fyrirbyggja nýjan síldardauða og ályktaði bæjar-
ráð Grundarfjarðarbæjar m.a. að loka firðinum. Ekkert
var tekið undir þá tillögu en þess í stað var ýmislegt reynt.
Meðal annars að sprengja hvellhettur til að fæla síldina
úr firðinum. Svo virðist sem töluvert minna sé af síld í
Breiðafirði í haust en í fyrra.
Þungir dilkar
Ein af skemmtilegum fréttum haustsins var frásögn af
þessum þrílembingum í eigu Geira bakara og frístunda-
bónda í Borgarnesi. Reyndust þeir samanlegt gríðarþung-
ir og látið í veðri vaka að um Íslandsmet væri að ræða.
Strax tveimur dögum síðar var það met rækilega afsannað
því annar frístundabóndi og ekki ómerkari, Óttar á Hellis-
sandi, taldi sig eiga bæði þyngri og fallegri lömb en Geiri.
Það er gleðilegt þegar vel gengur í sauðfjárræktinni.
Lífleg líffræðikennsla
í Stykkishólmi
Hólmarar fara óhefðbundnar leiðir í kennsluháttum og
var sú áhersla í hávegum höfð í kennslustund í líffræði
á haustdögum. Þar lærðu nemendur um líffæri dýra og
fengu tækifæri til að skoða ferskan innmat úr sauðfé þeg-
ar sláturtíð stóð sem hæst. Hér sjást Hólmararnir Samú-
el og Benjamín blása í lungu í tilraunaskyni á meðan Lár-
us fylgist með.