Læknablaðið - 15.03.2008, Page 37

FRÆÐIGREINAR
T I L F E L L I
Tilfelli mánaðarins
Takttruflun með gleiðum QRS samstæðum
Barbara J.
Holzknecht
deildarlæknir
Davíð O. Arnar
sérfræðingur í lyflækningum
og hjartasjúkdómum
Fimmtíu og fjögurra ára gamall karlmaður leitaði
á heilsugæslustöð á Suðurlandi vegna brjóstverks.
Verkurinn hafði komið skyndilega og var á bak
við bringubein með leiðni út í vinstri handlegg.
Verkurinn var í upphafi slæmur en skánaði síðan.
Maðurinn fann fyrir vægri ógleði samfara verkn-
um. Hann hafði aldrei áður fundið fyrir svipuðum
einkennum og fyrir utan sögu um reykingar var
fyrri saga ómarkverð.
Við skoðun á heilsugæslustöðinni, tæplega
tveimum klukkustundum frá upphafi einkenna,
var hann nýorðinn verkjalaus og mældist blóð-
þrýstingur 163/84 og púls 94. Hlustun á hjarta- og
lungum var eðlileg sem og önnur líkamsskoðun.
Fyrsta hjartalínurit sýndi sínustakt með tíðum
aukaslögum frá sleglum. Annað rit var tekið
mínútu síðar (mynd 1) en sjúklingurinn var þá
verkjalaus, með góða meðvitund og lífsmörk héld-
ust eðlileg.
Svar á bls. 216
Holzknecht BJ, Arnar DO
Wide complex
tachycardia
Bráðamóttöku og
lyflækningasviði I,
Landspítala Hringbraut,
101 Reykjavík.
barbarah@landspitali. is
LÆKNAblaðið 2008/94 213