Ritið : tímarit Hugvísindastofnunar - 01.01.2001, Qupperneq 72

Eggert Þór Bernharðsson
sumar persónurnar, í myndinni missa þær mest af þeirri reisn sem les-
andi skynjar í bókunum.
Persónurnar
Tommi er dæmi um persónu sem getur stundum borið höfuðið hátt í
bókunum þótt vissulega sé iðulega á honum troðið. I bókunum er hann
ekki aðeins húseigandi heldur verslunarstjóri og rekur Tommabúð fjnir
Gúnda&Gísla h/f (bls. 24, 27-28). Það er ekki fyrr en eftir áfallið þegar
Darrni ferst í flugslysi í lok Gulleyjunnar, að hann fer að vinna hjá Slippn-
um við að berja með járnkarli klaka og svell af teinum dráttarbrautanna
(bls. 361). I kvikmyndinni er hann allan tímann óbreyttur verkamaður í
Slippnum (mynd 0:15:05-0:15:15). Og Tomrni er potturinn og pannan í
öflugu íþróttastarfi innan braggahverfisins og nýtur þess, eða eins og
segir á einum stað í Þarsem djöflaeyjan rís (bls. 100): „Stórmenni heilsuðu
honum á götu, það var meira að segja viðtal við hann í blöðunum þar-
sem hann var kallaður hinn kunni æskulýðsfrömuður og íþróttaleið-
togi.“ I myndinni er aðeins stuttlega gefið til kynna að hann sé með
stráka í fótbolta (mynd 0:15:59-0:16:15). Hins vegar kemur skýrt ffam
að hami ýtir undir að Hreggviður sinni kúluvarpi á nýjan leik (mynd
0:23:22-0:24:30). Það er einmitt í tengslum við íþróttirnar, ferð
Kárakappa til Noregs, sem Tommi setur hnefann í borðið og gerir sjald-
gæfa uppreisn gegn Línu sem vill banna honum að „fara að hitta Eggvan
færeying og einhverjar tittlinganámur ..." (bls. 96). Tomrni sigrar í þeirri
rimmu og kemur reyndar fram sem sterk persóna í tengslum við íþrótta-
starfið.
Næst setur Tommi hnefann í borðið þegar á að kaupa sjónvarp og tap-
ar í raun þeim slag (bls. 217-219). I kvikmyndinni er sú sena notuð
(mynd 0:31:02-0:32:05). Og það er Tommi sem kveikir á ameríska sjón-
varpinu í myndinni og allt springur af því hann hafði engan straumbreyti
og fær skammir frá Badda fyrir vikið (mynd 0:45:22-0:46:07). I bókinni
er það Baddi sjálfur sem gerir þessi mistök fyrir framan hóp af fólki (bls.
bls. 230-231). I myndinni lætur Tommi skipa sér að fara út í búð og
kaupa bland fyrir Badda sem er að fara að halda partí (mynd
0:35:57-0:36:20). I bókinni fer hann af sjálfsdáðum af því að hann tekur
ekki í mál að smábarnið Gillí fari í þessa sendiferð (bls. 157). I myndinni
lætur Tommi hin ofsafengnu Badda-partí að mestu yfir sig ganga. A ein-
7°