Þjóðlíf - 01.04.1988, Blaðsíða 22

INNLENT
Framtíðin brosir við þingmönnum Samtaka um kvennalista ef framhaldið verður í
einhverju samhengi við niðurstöður skoðanakannana að undanförnu. Þær eru í
miðpunkti hinna pólitísku hræringa — og margir flokkar hafa áhuga á samstarfi.
Kristín Einarsdóttir, Guðrún Agnarsdóttir og Þórhildur Þorleifsdóttir.
Gífurleg gerjun í
pólitíkinnni
Síðustu vikur hafa verið tími neðanjarðar-
viðæðna ýmissa stjórnmálamanna í kjölfar
óeiningar í ríkisstjórninni, alvarlegs efna-
hagsástands víða á landsbyggðinni og dökks
útlits í efnahagsmálum.Framsóknarflokkur-
inn getur ekki verið í stjórn við óbreyttar
aðstæður.
Ýmsir í Sjálfstæðisflokknum hafa farið á
fjörurnar við Borgaraflokkinn með hugsan-
lega stjórnarþátttöku þeirra síðarnefndu í
huga. Ástæðurnar eru margþættar; sam-
komulagið í ríkisstjórninni gefur ekki tilefni
til bjartsýni ef ekkert verður að gert, en þó
skiptir hitt meiru, að ef núverandi forustu
Sjálfstæðiðsflokksins tekst að innlima Borg-
araflokkinn með einhverjum hætti, treystir
hún sig í sessi, en þar er hún ekki alltof örugg
um sig. Þeir Þorsteinn Pálsson og Friðrik
Sophusson gætu þannig skapað sér sess í
flokknum, sem ekki yrði auðvelt að hnika
þeim úr. Innan Borgaraflokksins eru skiptar
skoðanir um slíka möguleika, en eftir hrak-
lega útreið í skoðanakönnunum kemur allt
til greina.
I Framsóknarflokknum horfir ástandið ís-
kyggilega við. Hrun kaupfélaga í flestum
kjördæmum. erfið efnahagsstaða Sambands-
ins og dökkt útlit víða á landsbyggðinni,
kippir fótunum undan Framsóknarflokkn-
um í ríkisstjórn. Hann getur ekki setið í ríkis-
stjórn sem er aðgerðarlaus gagnvart lands-
byggðinni við þessar aðstæður. Flokkurinn á
ýmissa kosta völ, annarra en þeirra að sitja í
ríkisstjórn við óbreyttar aðstæður.
Milli Steingríms Hermannssonar og Borg-
araflokks hefur ríkt sól og blíða allar götur
frá stofnun flokksins fyrir rúmu ári. Fram-
sóknarflokknum væri ekki á móti skapi að
taka Borgaraflokkinn inn í ríkisstjórn í stað
Alþýðuflokksins. Þar með yrði í vissum
skilningi um endurreisn síðustu ríkisstjórnar
að ræða. Fyrir Framsóknarflokkinn væri sá
kostur hugsanlegur, ef hann fengi efnahags-
ráðuneytin, sem Alþýðuflokkurinn stjórnar
nú, í sinn hlut. Þó samstarfið sé ágætt milli
einstakra manna sem hugsa svipað í ríkis-
stjórninni.t.d. milli endurskoðandans (Hall-
dórs Ásgrímssonar) og viðskiptafræðingsins
(Jóns Sigurðssonar), og þeirra Jóns Baldvins
og Þorsteins Pálssonar, þá nægir það ekki til
að halda uppi gleðinni.
En Framsókn er ekki við eina fjölina felld í
speglasjónum af þessu tagi. Vangaveltur og
óformlegar viðræður hafa farið fram milli
Framsóknarmanna og nokkurra í Samtökum
um kvennalista. Og Alþýðubandalagið sem
vill ólmt komast inn á pólitíska landakortið
hefur einnig leitað eftir samstarfi við Samtök
um kvennalista um málafylgju í kjaramálum.
Þá munu einhverjir hafa í huga hið forn-
kveðna. að mjór er mikils vísir.
Innan Samtaka um kvennalista hefur orð-
ið vart meiri áhuga en áður á að taka þátt í
ríkisstjórnarsamstarfi. Heyrst hafa hug-
myndir um að styrkja þingflokkinn; ef ein-
hverjar þingkonur yrðu ráðherrar myndu
varamenn taka sæti á þingi.
Konurnar, sigurvegarar skoðanakannana
upp á síðkastið, eru auðvitað í miðpunkti
allra vangaveltna um hugsanlegt nýtt stjórn-
armynstur að afloknum kosningum.
Fréttaskýring
Ef litið er á málið frá sjónarhóli Fram-
sóknarflokksins hlýtur sterkari staða flokks-
ins en í núverandi ríkisstjórn að vera for-
senda og jafnvel nauðsyn í augum Fram-
sóknarmanna. Ástandið á landsbyggðinni
kallar á efnahagsáætlun um endurreisn
landsbyggðarinnar og víðtækar ráðstafanir.
Allt bakland Framsóknarfloki.sins á lands-
byggðinni er nú að liðast í sundur og yfir-
gnæfandi líkur eru á að sá flokkur slíti stjórn-
arsamstarfinu ef ekki gerist eitthvað sem
snýr núverandi þróun í efnahagsmálum við.
Athyglivert er, að einn flokkur hefur ekki
verið orðaður við neins konar viðræður síð-
ustu daga; Alþýðuflokkurinn. Ráðherrar
flokksins eru uppteknir við stjórnunarstörf
og framkvæmd efnahagsstefnu, sem Fram-
sóknarflokkurinn telur eina höfuðorsök ófa-
ranna. Forysta Alþýðuflokksins virðist ekki
heldur fylgjast vel með því sem gerist utan
við valdsins turna og hallir. Ef svo heldur
sem horfir lifir þessi ríkisstjórn ekki næstu
jól. Eitt er víst að viðræður og vangaveltur af
þessum toga, sem heyrast úr herbúðum
flestra stjórnmálaflokka, bera mikilli póli-
tískri gerjun vitni.
Óskar Guðmundsson
22