Þjóðlíf - 01.04.1988, Blaðsíða 10

INNLENT
1986 í 8,2% 1988, en aukist að sama skapi hjá
Stöð 2 úr 4,8% í 6,8%.
Af heildarframboði kvikmynda, skemmti-
þáttaog þvíumlíks efnis er Stöð 2 nteð77,6%,
52,2% af tónlistarframboði auk yfirburð-
anna í barnaefni og íþróttum. Sjónarpið
heldur enn yfirhöndinni í fræðsluefni
(55,8%), menningu.innlendu fólki í sviðs-
ljósi (61,1%) og fréttum og fréttatengdu efni
(57,5%)
Sjónvarpið eykur poppið
I einum punkti hefur Sjónvarpið vinning-
inn frá því árið 1986 en það er hlutur tónlist-
ar. Tónlist nam 15,4% af heildarefni Stöðvar
2 1986, en hefur núna 5,8% af heildarfram-
boði. Þróunin er á hinn veginn hjá Sjónvarp-
inu; hún nam 9% af dagskrá 1986 en nemur
nú 10,1% af dagskránni í mínútum talið voru
nú 800 mínútur á könnunatímabilinu hjá
Sjónvarpinu tónlist en voru 640 í könnuninni
árið 1986. Hjá Stöð 2 mældust núna 875 mín-
útur en mældust 1765 í fyrri könnuninni.
Menningaráfall
Niðurstöður könnunarinnar nú er í hróp-
legu ósamræmi við yfirlýsingar forsvars-
manna beggja sjónvarpsstöðvanna síðustu
misseri. Þeir hafa haldið því fram að innlent
efni væri bakfiskurinn í starfsemi stöðvanna.
Hástemmdar yfirlýsingar Jóns Óttars Ragn-
arssonar í upphafi ferils Stöðvar 2 gengu út á
innlenda dagskágerð og hjá íslenska Sjón-
varpinu hafa bæði menntamálaráðherrar og
útvarpsstjóri lagt mjög ríka áherslu á nauð-
syn þess að stofnuninn væri hluti íslenskrar
menningar og eitt meginhlutverka hennar er
rækt móðurmálsins op innlendrar fram-
leiðslu sjónvarpsefnis. I skoðanakönnunum
um „áhorf“ hefur komið í ljós, að innlent
efni nýtur mestrar athygli. En þó eftirspurn-
in sé auðsjáanlega mikil, þá er framboðið
lítið — og fer minnkandi.
Niðurstöðurnar leiða í ljós að frá 1986 hef-
ur ástandið versnað að mun. Ef litið er til
þeirrar fullyrðingar margra, að hlutfall inn-
lends efnis sjónvarps og útvarpsstöðva segi
til um menningarástand viðkomandi þjóðfé-
lags, þá fer ísland ekki vel út úr samanburði,
einungis örfáar fyrrverandi nýlendur eru á
svipuðu stigi og við. Hvorki íslenska ríkis-
sjónvarpið og því síður Stöð 2 hafa staðist
prófið. Niðurstöðurnar um lítinn hlut inn-
lends efnis af framboði sjónvarpsstöðvanna,
— sú staðreynd að íslensku sjónvarpsstöðv-
arnar framleiða lítinn hluta dagskrár sinnar
sjálfar, hlýtur að teljast menningaráfall fyrir
fámenna þjóð.
Óskar Guðmundsson.
Fjárveitingavaldið hefur ekki sett nægilega mikið fjármagn inn í þessa stofnun til
að hægt sé að halda uppi viðamikilli framleiðslu á innlendu efni.
(Mynd. Björn Haraldsson)
Greinargerð rannsakanda
Athugun á efni útsendinga
sjónvarpsins og Stöðvar 2,
28/11 til 18/121986 og 19/3 til 8/4
1988.
Samanburðurinn á dagskrárefni Stöðv-
ar 2 og Sjónvarpsins er byggður á ein-
faldri flokkun dagskrárefnis í sjö flokka.
Þeir eru:
1. Fréttir og fréttatengt efni (innlent og
erlent efni)
2. Menningarmál, listir, fólk í sviðsljós-
inu (innlend dagskrá)
3. Kvikmyndir, framhaldsþættir,
skemmtiþættir (innl., erl.)
4. Fræðsluefni (innl., erl.)
5. Barnaefni (innl., erl.)
6. Tónlist (dægurtónlist og sígild tónlist/
innl., erl.)
7. íþróttir (innl., erl.)
í samanburðinum eru auglýsingar og
dagskrárkynningar sjónvarpsstöðvanna
undanskildar. Þetta veldur óverulegri
styttingu á heildarútsendingartíma og
hefur lítil eða engin áhrif á niðurstöður.
Nokkurrar óvissu gætir um skiptinguna á
milli innlends og erlends efnis að því
leyti, að t.d. í íþrótta- og barnaþáttum er
efni að hluta íslenskt og að hluta erlent.
Skiptingin er oftast augljós og hefur þetta
óveruleg áhrif á niðurstöður.
Niðurstöður Stöð 2 Sjónvarpið Meðaltal
beggja stöðva í
efnisflokki
1988 1986 1988 1986 1988 1986
1. Fréttir o.þ.h.............. 5.0% (6.0%) 13.0% (13.2%) 7.7% (8.7%)
2. Menning (innl)............. 4.3% (1.9%) 12.9% (9.7%) 7.2% (5.0%)
3. Kvikmyndir, framh.þ........ 63.2% (65.9%) 35.1% (37.9%) 53.6% (55.0%)
4. Fræðsluefni................ 3.1% (2.4%) 7.6% (7.3%) 4.7% (4.2%)
5. Barnaefni.................. 11.8% (3.6%) 13.2% (10.2%) 12.3% (6.0%)
6. Tónlist.................... 5.8% (15.4%) 10.1% (9.0%) 7.2% (13.0%)
7. íþróttir................... 6.8% (4.8%) 8.2% (12.9%) 7.3% (8.0%)
Meðaltals útsendingartími á
viku í klukkustundum.......84.5 (63.5) 44.0 (39.7) 128.5 (103.2)
Uppruni efnis: íslenskt/erlent
Stöð 2 Sjónvarpið
Innlent efni............... 8.6% (13.4%) 35.8% (47.1%)
Erlent efni................ 91.4% (86.6%) 64.2% (52.9%)
Jóhann Hauksson félagsfræðingur
10