Þjóðlíf - 01.04.1988, Blaðsíða 31
MENNING
Bretlandsferð
Mary Rose — skrautblóm enska
flotans á dögum
kvennamoröingjans Hinriks VIII...
og líkan af flaki skipsins. í fjórar
aldir lá Mary Rose á mararbotni.
„Nú ríkja auðnir einar“. Nafngjafinn
— fegursta kona Evrópu á sinni tíö:
Mary Rose, prinsessa Englendinga
sem var neydd af bróöur sínum til
að giftast karlægum kóngi Frakka.
Evrópa stóö á öndinni af hneykslun
yfir ráðahagnum. Kóngsi hélt út í
83 daga — þá dó hann.
í faðmi sögunnar
Þannig er nú gamla Englandi komið: Lávarðarnir ýmist komnir á vergang út af sköttum eða
búnir að opna ættarsetrin upp á gátt sem söfn, veitingahús eða hótel. Amerískir túristar
sækjast mjög eftir því aö komast í eftirmiðdagsboð hjá enskum, blönkum lávarði. Þeir drekka
saman te og lávarðurinn segir sögur af konungum og fræknum riddurum sem einhvern tíma í
fyrndinni drukku te með lávarði þess tíma: kannski var það langalangalangafi þess sem nú
situr og þiggur fáein pund fyrir að segja amerískum túristum sögur. Ameríkanarnir eru
uppveðraðir yfir bæði sögunni og teinu: sjálfir eiga þeir enga sögu en nóg af peningum.
Hjá blönkum
lordum, í lúxusvagni
og horft á Maríu
sálugu Rose
Hvað ætli fólki komi fyrst í hug þegar Eng-
land ber á góma? Frú Thatcher kannski, ell-
egar fótbolti, atvinnuleysi eða ástamál
kóngafólks. Einhverjum verður sjálfsagt
hugsað til hinna rómuðu leikhúsa, eða til
rokksins og pönksins sem hvergi stendur
með meiri blóma.
Sá sem ferðast um sveitir Englands finnur
hvarvetna fyrir návist sögunnar, einfaldlega
vegna þess að minnismerkin eru alls staðar.
Kastalar og kirkjur og styttur af öllum þess-
um konungum, lávörðum og prinsessum.
Margar fornleifanna er eldri en byggð ís-
lands, til að mynda síðan Rómverjar réðu
Englandi meðan tímatalið stóð á tugum og
fáeinum hundruðum ára. Þannig er sagan
miklu nær þeim ferðalangi sem fer um héruð
Englands, heldur en t.d. íslands: sagan er
uppáþrengjandi, yfirþyrmandi.
Undirritaður átti þess kost að verja nokkr-
um vordögum í sveitum og borgum Suður-
Englands. Það er eingöngu til marks um for-
dóma, en einhvern veginn bjóst ég fyrst og
fremst við rigningu af þessu ferðalagi: hnípn-
um borgum og annars flokks fótbolta. En á
ferð um Nýja skóg var þtssi misskilningur
31