Þjóðlíf - 01.04.1988, Blaðsíða 53

ERLENT
ÞJÓÐ í ÚTLEGÐ
✓ ✓
Arni Oskarsson
skrifar um
bók um líf
Palestínumanna.
Meir en helmingur
þjóðarinnar
landflótta
Palestínumenn hafa verið mikið í fréttum upp á síðkastið. Vegna
grimmdarverka ísraelsmanna á hendur þeim á herteknu svæðunum
hefur athygli heimsins enn á ný beinst að þessari útskúfuðu þjóð sem
Vesturlönd afgreiða gjarnan sem spellvirkja og hryðjuverkamenn.
Palestínumenn hafa dreifst um allar jarðir, án tengsla við fósturjörð
sína og eiga sér ekki skráða samfellda sögu eða heillegan menningar-
arf. í bókinni After the Last Sky — Palestinian Lives sem út kom fyrir
tveimur árum er fjallað um ýmislegt fróðlegt varðandi þjóðerni og
aðstæður Palestínumanna. Texta bókarinnar skrifaði Edward W.
Said, prófessor í ensku og samanburðarbókmenntum við háskólann í
Columbíu í Bandaríkjunum, Palestínumaður sjálfur og hefur margt
merkilegt ritað um heimsmynd Vesturlanda andspænis þriðja heim-
inum auk rita um bókmenntafræðileg efni. En þessa bók skrifaði
hann kringum ljósmyndir sem svissneskur ljósmyndari, Jean Mohr,
tók á ferðum sínum í Austurlöndum nær.
Úr flóttamannabúðum í Damaskus 1983: flóttamenn frá styrjöldunum 1948,1967 og 1973.
Frá 1948, þegar stofnendur Ísraelsríkis
eyðiiögðu það samfélag sem fyrir var í Pal-
estínu, hafa Palestínumenn verið í útlegð,
hvort sem það var „innri útlegð" í heima-
landi þeirra eða dvöl meðal framandi þjóða í
öðrum Arabalöndum, á Vesturlöndum eða
annars staðar. Arabaríkin sáu sér hag í því að
notfæra sér Palestínu að vissu marki, til þess
að koma höggi á ísrael, ráðast á Zíonis-
mann, heimsvaldastefnuna og Bandaríkin
53