Frjáls verslun - 01.07.2012, Blaðsíða 31

FRJÁLS VERSLUN 7. TBL. 2012 31
hrokafullir og yfirgangssamir
sem reynist yfirleitt ekki vel
til lengdar. „Grundvöllurinn
verður alltaf að vera þekking
og kunnátta. Maður sem ekkert
kann getur ekki orðið leiðtogi,
sama hvað hann reynir,“ segir
Lars.
„Það er ekki alltaf hægt að
þekkja leiðtoga á framkomunni
einni. Framkoma þeirra getur
verið mjög ólík. Lýðskrumarinn
verður aldrei góður leiðtogi
en góður leiðtogi getur verið
ákveðinn og ekki alltaf tillits­
sam ur – en samt leiðtogi.“
Í heimalandi sínu segir Lars að
Anders Borg fjármálaráðherra
sé augljós leiðtogatýpa þótt
hann sé alltaf hófstilltur. „Ég er
auðvitað ekki alltaf sammála
honum en leiðtogahæfileikar
hans eru ótvíræðir. Hann er
heiðar legur og nýtur virðingar,“
segir Lars en finnst að öðru leyti
miður að ekki skuli vera fleiri
leiðtogar í sænsku atvinnulífi.
Þeir voru áberandi áður.
eINHæF reYNslA Úr
bOltANUm
En hvað með íþróttir og at ­
vinnu líf? Nýtist reynsla af
leikvelli manni þegar út í at­
vinnu líf er komið?
„Auðvitað eru einhver not af
þeirri reynslu þótt þetta sé mjög
einstaklingsbundið,“ segir Lars.
„Oft er reynslan úr íþróttum
mjög takmörkuð og ekki endi ­
lega hægt að yfirfæra hana á
ný svið. Það eru svo margir
aðrir persónulegir eigin leikar
sem skipta máli. Öll reynsla
er góð og það er gott að hafa
unnið saman í hópi, en góður
íþróttamaður verður ekki endi ­
lega góður stjórnandi.“
FáAr eINFAlDAr
reGlUr
Eitt af því sem íþróttamaður
lærir er agi. Án aga nær enginn
langt. Það er góð reynsla fyrir
mann sem síðar vill ná langt
í atvinnulífi. En hvaða reglur
hefur Lars um aga í sínu liði?
„Ég hef ekki trú á mörgum
reglum. Reglur eiga að vera fáar
og einfaldar en vissar reglur
verða að vera,“ segir Lars.
„Það er einföld og skýr regla
að leikmenn neyta ekki áfengis
fyrir leik. Punktur. En það er
ekki hægt að byggja upp aga
með reglum. Þar hef ég meiri trú
á lýðræðislegum að ferðum. Ag ­
inn er á ábyrgð ein stakl ing anna.
Það verður að höfða til ábyrgðar
þeirra.“
vANtAr tímA í tApIð
Og hópurinn verður að læra
að vinna saman. Þar er meðal
annars mikilvægt að vinna
saman úr tapi. „Sumir verða
betri af mótlæti en það er ekki
algilt. Því þarf liðið sem heild að
vinna úr tapi. Þetta á jafnt við
um fólboltalið og fyrirtæki sem
miss ir af verkefni,“ segir Lars.
Hann segir að þetta sé miklum
vand kvæðum bundið hjá lands ­
liði. Allir leikmennirir hverfa
heim til sinna félagsliða strax eftir
leik og hittast svo ekki aft ur fyrr
en að mörgum vikum liðn um.
„Hjá félagsliði er þetta auð ­
veld ara því þar er liðið alltaf
saman. Þetta er einn af göllum
þess að vera með landslið,“
segir Lars Lagerbäck.
Látum stjörnurnar
njóta sín
lars lagerbäck
Fæddist 16. júlí 1948 í Katrinehólm, sunnan Stokkhólms.
Flutti ungur til Norður-Svíþjóðar.
Fótboltamaður frá táningsaldri. Í meistaraflokki Gimones í 3. deild 1970 til 1974.
Nemandi við sænska íþróttaháskólann 1974 til 1977. Próf í knattspyrnuþjálfun.
Þjálfari hjá ýmsum félagsliðum í Svíþjóð frá 1977 til 1990.
Þjálfari hjá unglingalandsliðum Svía 1990 til 1998.
Aðstoðarlandsliðsþjálfari 1998 til 2000.
Landsliðsþjálfari Svía 2000 til 2009.
Landsliðsþjálfari Nígeríu 2010.
Landsliðsþjálfari Íslands frá hausti 2011.
Öll reynsla er góð
og það er gott að
hafa unnið saman
í hópi, en góður
íþróttamaður verður
ekki endilega góður
stjórnandi.
Lars Lagerbäck hefur tekið við íslenska landsliðinu.