Frjáls verslun - 01.07.2012, Blaðsíða 80

80 FRJÁLS VERSLUN 7. TBL. 2012
ættaðir úr háskólanum
Ástæðan var að það er mikill áhugi á að læra íslensku erlendis en hins vegar eru ekki nægilegar margir á hverjum stað til að halda úti námskeiðum. Þróunin
fór í gang með stórum styrk frá Evrópusam­
bandinu og síðan hafa Rannís, Háskóli Ís ­
lands og norrænir sjóðir styrkt verkefnið. Um
er að ræða samstarfsverkefni hugvísinda­
sviðs Háskóla Íslands, Stofnunar Vigdísar
Finnbogadóttur í erlendum tungumálum og
Stofnunar Árna Magnússonar í íslenskum
fræðum.“
Fyrsta námskeiðið kom út á netinu árið
2004 en síðan hafa komið út fleiri sjálfstæð
námskeið og þau eru öllum opin og gjald­
frjáls. „Við erum með yfir 98.000 skráða not ­
end ur eða um 600 notendur á dag.“
Birna segir að það sem er ólíkt öðrum svip ­uðum námskeiðum sé að þetta sé mjög
kennslu fræðilega miðað og hafi staðist tímans
tönn. „Við byrjuðum á að þróa kennslufræði
sem hentaði fyrir netkennslu og síðan var
tækn in látin leysa vandamálin. Netkennsla
er hins vegar oft tæknimiðuð – það er fyrst
byrjað á tækninni og svo er sett eitthvert efni
inn. Tæknina og aðferðafræðina í Icelandic
Online má nota til að kenna hvaða tungumál
sem er.
Við höfum fengið jákvæð viðbrögð frá not ­
endum en okkur hefur ekki tekist að finna
fjármagn til þess að reka og þróa Icelandic
Online meira og koma þessu á koppinn sem
fyrirtæki sem þó hefur mikla möguleika í
al þjóðlegu samhengi. Tungumálakennsla er
vaxandi viðskiptagrein.“
„Við erum með yfir 98.000 skráða notendur eða
um 600 notendur á dag.“
Birna Arnbjörnsdóttir.
Birna Arnbjörnsdóttir, prófessor í
„annarsmálsfræðum“ við Háskóla
Íslands, segir að þegar farið var að
bjóða upp á meistaranám í kennslu er-
lendra tungumála við Háskóla Íslands
árið 2000 hafi í framhaldinu komið
upp sú hugmynd að kenna íslensku
sem erlent mál á netinu.
Icelandic Online
UM 98.000 NOTENDUR