Frjáls verslun - 01.05.2011, Blaðsíða 62

62 FRJÁLS VERSLUN 5.tbl.2011
vinnusöm og
ákveðin
Tinna Gunnlaugsdóttir
þjóðleikhússtjóri
„Sem uppalandi var hún elskuleg og hlý
móðir,“ segir Gunnlaugur Egilsson, ball­
ettdansari og sonur Tinnu. „Við áttum
alltaf blöð og liti og hún lagði áherslu
á að við værum skapandi og notuðum
ímyndunaraflið. Hún var ekki bara
móðir; hún var líka vinur og félagi.“
Leikkonan Tinna var oft í leikhúsinu
á kvöldin og segir Gunnlaugur að á
tímabili hafi verið til vélræn vekjara­
klukka sem hún talaði inn á þannig að
hann og bróðir hans vöknuðu oft við
orðsendingu frá henni; svo sem að það
væri nesti í ísskápnum.
„Við fórum oft á æfingar og ég held
ég hafi séð sumar sýningar um tuttugu
sinn um. Það má segja að leiksýningin
hafi verið barnapían.“
Gunnlaugur segir að móðir sín hafi
ekki verið ströng. „Hún gaf manni
frelsi og treysti manni.“
Gunnlaugur segir að Tinna sé vinnu­
söm, ákveðin og hlý; sé hörð út á við
en mjúk og hlý inn við beinið.
„Hún á það til að taka hluti inn á sig
sem stundum væri betra að leiða hjá
sér.“
(Tinna situr í stjórn Leiklistarsambands Íslands.)
Gunnlaugur Egilsson,
ball ettdansari og sonur Tinnu.