Frjáls verslun - 01.05.2011, Blaðsíða 112

112 FRJÁLS VERSLUN 5.tbl.2011
jafnréttisstEfna fyrirtækja
Jafnréttisstefna Landsbankans hefur nú þegar skilað því að af framkvæmda­stjórum bankans eru fjórir karlar og
fjórar konur. Bankaráð er jafnframt skipað
þremur körlum og tveim konum. Þá er
búið er að jafna kynjahlutföll í stjórnum
dótturfélaga og stefnt er að því til lengri
tíma að jafna kynjaskiptingu í stjórnunar­
störfum innan bankans. Unnið er eftir
þeirri stefnu innan hans að fyrir árslok
2013 verði hlutur hvors kyns ekki undir
40% í forystusveit hans og dótturfélaga.
Í ársskýrslu bankans fyrir árið 2010 kom
fram að nú er engin launamunur á körlum
og konum í framkvæmdastjórn og að launa­
munur kynjanna í stöðum útibússtjóra og
forstöðumanna er enginn.
Jafnréttisnefnd er starfandi innan bankans
og rík áhersla lögð á að farið sé að lögum
og reglum um jafnréttismál. Það er gert
m.a. með því að gera reglubundnar úttektir
á þeim þáttum sem að stefnunni snúa. Jafn­
réttisnefnd tók formlega til starfa í ársbyrj­
un 2010 og er stefnt að því að endurskoða
núverandi jafnréttisstefnu bankans fyrir lok
þessa árs.
Landsbankinn leggur áherslu á að laða til
sín starfsfólk sem býr yfir faglegri þekk­
ingu og þess er vel gætt að allir hafi sömu
tækifæri til náms og fræðslu og starfsmenn
eru jafnframt hvattir til að leita eftir fræðslu
og tækifærum að eigin frumkvæði.
markmið að verða leiðandi á
Sviði eignaStýringar
Mikilvægt er að jafnréttisstefna bankans sé
ekki orðin tóm og eins og komið hefur fram
eru kynjahlutföll framkvæmdastjóra bank­
ans nú jöfn. Ein fjögurra kvenna sem gegnir
því hlutverki er Hrefna Ösp Sigfinnsdóttir.
Hún tók í fyrrahaust við starfi framkvæmda­
stjóra Eignastýringar. Hrefna er viðskipta­
fræðingur frá HÍ og hefur áður starfað
hjá innlendum verðbréfafyrirtækjum og
í Kauphöllinni. Rúmlega 40 starfsmenn
eru nú í eignastýringu bankans og segir
Hrefna hópinn reynslu­ og kraftmikinn.
„Allir eru fullir áhuga á að vinna að því
markmiði okk ar að verða leiðandi á sviði
eignastýring ar þegar horft er til þjónustu,
fræðslu og faglegra vinnubragða.“
Hún segir mikið verk framundan og verið
sé að byggja upp af fullum krafti, en frá
efnahagshruni haustið 2008 hafi lítil áhersla
verið lögð á eignastýringu innan Lands­
bankans. Erfitt hafi verið að horfa upp á
þann grunn sem fyrir var verða nánast að
engu. „Við þurfum að læra af þeim mistök­
um sem gerð voru og nýta þessa reynslu
til að byggja upp til framtíðar á traustum
grunni,“ segir Hrefna.
vel Í Stakk búin að veita
vandaða og trauSta ráðgjöf
„Það eru forréttindi að fá tækifæri til að
taka þátt í þeirri uppbyggingu sem á sér
stað innan Landsbankans. Hér er unn­
ið að mjög miklum breytingum sem að
mínu mati eru góðar og ég skynja mikla
samstöðu og vilja meðal starfsmanna
að taka þátt í þeim,“ segir Hrefna. Hvað
Eignastýringu varðar segir hún að mikil
vinna hafi verið lögð í innra starf, endur­
bætt ferli, uppbyggingu áhættustýringar,
skipulagsbreytingar, fræðslu starfsmanna,
sem og þróun og uppbyggingu fjárfestinga­
ráðs, sem leggur línur varðandi þennan
málaflokk. Formaður fjárfestingaráðs er
Sigurður B. Stefánsson sem hefur áralanga
reynslu á sviði eignastýringar. „Með öllu
þessu höfum við lagt þann grunn að okkar
þjónustu sem við vildum og við teljum okk­
ur nú vel undir það búin að veita viðskipta­
vinum vandaða og trausta ráðgjöf,“ segir
Hrefna Ösp.
allir fái tækifæri
til að takast á við ný verkefni
„Það eru forréttindi að fá tækifæri til að taka þátt í þeirri uppbyggingu sem á
sér stað innan Landsbankans. Hér er unnið að mjög miklum breytingum sem
að mínu mati eru góðar og ég skynja mikla samstöðu og vilja meðal starfs-
manna að taka þátt í þeim,“ segir Hrefna.
Landsbankinn
Hrefna Ösp Sigfinnsdóttir. Hún tók í fyrrahaust við starfi framkvæmda stjóra Eignastýringar.