Frjáls verslun - 01.05.2011, Blaðsíða 107

FRJÁLS VERSLUN 5.tbl.2011 107
jafnréttisstEfna fyrirtækja
Birna Ósk Einarsdóttir er framkvæmda­stjóri ein staklingssviðs Símans og þegar horft er á hennar svið út frá
skiptingu kvenna og karla eru kvenkyns­
stjórnendur 11 talsins og karlkynsstjórnend­
ur 14 en fjöldi starfsmanna á sviðinu er um
300. Af þremur framkvæmdastjórum hjá
Símanum er ein kona. Forstjórinn er karl­
maður og í stjórn Símans sitja fimm manns,
þar af tvær konur.
,,Kynjahlutfallið er ekki eins jafnt á
öðrum sviðum fyrirtækisins, sem skýrist
fyrst og fremst af því að þar er um fleiri
tæknieining ar að ræða, en þar eru karl­
menn enn í nokkrum meirihluta. Þetta er
áskorun sem skólar og fyrirtæki landsins
þurfa að takast á við í sameiningu; að fá
fleiri konur í tæknigeirann. Þetta er spenn­
andi verkefni til framtíðar, meðal annars
hjá Símanum,” segir Birna.
rÍk hefð fyrir þvÍ að StarfSfólk
vaxi Í Starfi
Birna segir tækniumhverfið vera mjög spenn ­
andi, verkefnin séu yfirleitt fjölbreytt og
stöðug framþróun eigi sér stað.
,,Ég hvet konur til þess að skoða þann
möguleika þegar þær huga að háskólanámi.
Síminn er ávallt á höttunum eftir góðu fólki
og stjórnendur hér hafa mikinn áhuga á að
fjölga kvenfólki í tæknihluta fyrirtækisins
þó svo að Síminn leggi ávallt áherslu á að
líta ekki sértaklega til kyns þegar ráðið er
í störf heldur fyrst og fremst til hæfni. Hjá
Símanum er rík hefð fyrir því að starfsfólk
vaxi í starfi, bæði í þeim tilgangi að auka
fjölbreytni og njóta víðtækari reynslu en
ekki síður til þess að takast á við aukna
ábyrgð. Sem dæmi byrjaði ég hérna 25 ára
gömul eftir háskólanám mitt og hef því
starfað hér í tíu ár. Hér upplifi ég stöðuga
fjölbreytni og hef í gegnum árin tekist á við
mörg mjög spennandi verkefni og hef alltaf
fengið tækifæri til að vaxa.“

áherSla á að Stuðla að Samræm­
ingu StarfS og fjölSkyldulÍfS
Að sögn Birnu er það í starfsmannastefnu
Símans að leggja áherslu á að stuðla að jafn­
rétti starfsmanna til launa og starfs tækifæra,
samræmingu starfs og fjölskyldu lífs.
,,Við lítum svo á að ekki þurfi að nefna
sérstaklega kyn í þessu sambandi því í
huga þeirra sem stjórna hjá Símanum á það
að vera sjálfgefið í dag að karl og kona eigi
jafnan rétt til allra starfa fyrir sömu laun. “

ÍSlenSkt ferðaSumar
Í hávegum haft
Svo huganum sé beint að öðru en jafnréttis­
málum segir Birna að sumarið sé í brenni­
depli hjá Símanum.
,,Sumaráherslur Símans bera yfirskrift­
ina „Meira Ísland með Símanum“. Þar er
íslenskt ferðasumar í hávegum haft en
við viljum kenna fólki að fá sem mest út úr
snjall símanum sínum á 3G – kerfi Símans,
sem er stærsta og þéttasta 3G – netið. Við
viljum auðga líf viðskiptavina okkar og
bæta þannig við upplifunina á ferðalögum.
Við komum þessu m.a. á framfæri með
stuttum þáttum frá áhugaverðum stöðum
með skemmtilegum og fræðandi upplýs­
ingum. Þættina má finna á vef Símans,
Youtube og Facebook.
Starfsmannastefna
Símans að stuðla að jafnrétti
,,Síminn er ávallt á höttunum eftir góðu fólki og stjórnendur hér hafa mikinn
áhuga á að fjölga kvenfólki í tæknihluta fyrirtækisins þó svo að Síminn leggi
ávallt áherslu á að líta ekki sérstaklega til kyns þegar ráðið er í störf heldur
fyrst og fremst til hæfni.”
síminn
Birna Ósk Einarsdóttir framkvæmdastjóri,
einstaklingssviðs Símans.