Frjáls verslun - 01.04.2011, Qupperneq 46

46 FRJÁLS VERSLUN 4.tbl.2011
ominique Strauss­Kahn
stend ur eftir nakinn í tvenn ­
um skilningi. Áð ur hafði
fólk mynd af valda mikl um
en mann legum náunga.
Núna stendur hann nakinn í
sturtu dyrunum, berrassaður
frammi fyrir dauðskelkaðri
hótel þernu og ræður ekki við sig. Þarna
stendur líka nakin ímynd gamaldags
karlrembu. Valdamiklir menn hafa alltaf
hlaupið á eftir hótelþernum með buxurnar
á hælunum. Áður þótti það jafnvel lofsvert
að ráða illa við kynhvötina – en ekki lengur.
Núna kostar það bæði æru og völd.
Að vísu er það ósannað mál að Strauss­
Kahn hafi ætlað að neyða þernuna til sam­
ræðis við sig. Hugsanlega var hún ráðin til
að tæla hann. Það segir hann í það minnsta.
Þar stendur orð á móti orði þótt þernan
hafi sterkari vitni með sér en Strauss­Kahn.
Lögreglan mun og hafa fundið lífsýni sem
styðja mál þernunnar.
samúð í raunum
Samt er reglan að sérhver er talinn saklaus
þar til annað sannast. Meðferð bandarískra
yfirvalda á Strauss­Kahn er meira í ætt við
aftöku án dóms og laga en réttláta rann­
sókn. Maðurinn er búinn að vera, hvað svo
sem sannast að lokum.
Fyrir vikið nýtur Strauss­Kahn nokkurrar
samúðar alveg óháð því sem hugsanlega
gerð ist á hótelinu. Er þetta ekki fulllangt
gengið hjá Kananum? spyrja í það minnsta
Evrópubúar. Og meirihluti Frakka ku trúa
sögunni eins og Strauss­Kahn segir hana.
Það var víst landi Strauss­Kahn, Napó­
le on Bonaparte, sem sagði eftir sneypuför
í átt að Moskvu að skammur vegur væri
milli hins háleita og háðuglega. Þetta
hef ur sannast á Strauss­Kahn. Hann var
orðinn að eins konar frelsara fátækra þjóða;
maðurinn sem léði hinum illa þokkaða
gjaldeyrissjóði mannlegt andlit.
góður náungi
Það var hætt að tala um AGS sem hand­
rukkara ríkra þjóða. Það geta sjóð urinn og
ríkar þjóðir þakkað Strauss­Kahn. En núna
er þessi mannlega mynd orðin að háðung
og ljóst að héðan í frá stendur barátta hans
um að hreinsa mannorð sitt en ekki brjótast
til meiri valda.
Hann var meira en líklegt forsetaefni í
Frakklandi á næsta ári. Skoðanakannanir
sýndu að hann hafði forskot á Nicolas
Sarkozy forseta hvort sem það hefði enst
fram á kjördag eða ekki.
Strauss­Kahn naut þess að geta baðað
sig í ljósi alþjóðlegra frétta. Hann var orð­
inn alþjóðlegur leiðtogi og þótti við hæfi
að skreyta ferilskrána með forsetatitli.
Draumurinn var að koma heim til Frakk­
lands og taka við stjórn og fara svo á
eftirlaun. En þessi draumur rætist ekki.
af góðu fólki kominn
Strauss­Kahn er 62 ára, fæddist í París 25.
apríl árið 1949. Hann er af efna­ og mennta­
fólki kominn; faðirinn lögmaður og móð irin
blaðamaður. Í báðum ættum eru gyðingar
frá Alsace og fjölskyldan á einnig ættir
að rekja til fyrrverandi nýlendna Frakka
í Afríku. Æskuárum sínum eyddi hann í
Agadír í Marokkó. Fjölskyldan flutti þangað
þegar piltur var tveggja ára árið 1951.
Dominique litli var orðinn ellefu ára þegar
fjölskyldan flutti til Mónakó árið 1960 í kjölfar
jarðskjálftanna miklu í Marokkó. Hvað
menntun varðar fetaði hann í fótspor Gilberts
föður síns. Hann lagði stund á lög og einnig
hagfræði og er með próf í báðum greinum –
varð doktor í hag fræði árið 1977 í París.
Ferill hans er alls ekki beinn og breiður.
Strauss­Kahn hefur átt í ýmsu basli við
að koma sér áfram. Upphaflega var hann
háskólakennari en einnig embættismaður
og sérfræðingur í þjónustu stjórnarstofnana
í París. Hann var einnig um tíma lobbíisti
fyrir franska auðmenn í Brussel en samt
alltaf tengdur frönskum róttæklingum.
Hann var í hópi kommúnista á námsár un­
um um og fyrir 1970 en er nú flokkaður
með hægrikrötum í flokki franskra sósí al­
de mókrata.
á refilstigum stjórnmálanna
Hann varð ráðuneytisstjóri í fjármálaráðu­
neytinu árið 1982. Þaðan fór hann á þing
árið 1986 og varð ráðherra iðnaðar og
utanríkisviðskipta árin 1991­1993. Þá féll
hann af þingi og datt um tíma út úr lands­
pólitík en varð þess í stað bæjarstjóri í ein­
um nágrannabæja Parísar auk þess að reka
eigið ráðgjafarfyrirtæki.
Ráðgjafarfyrirtækið hét einfaldlega DSK
– það eru upphafsstafirnir í nafni hans og
meðal Frakka er hann þekktur sem DSK.
Á þessum útlegðarárum frá
landspólitíkinni kynntist hann sjónvarps­
frétta konunni Anne Sinclair. Þau gengu
í hjónaband árið 1995. Anne er þriðja
eiginkona hans og henni er ekki öng vits­
gjarnt. Anne styður mann sinn og hefur
stutt þrátt fyrir að karl hafi orðið vís að
framhjáhaldi og árum saman verið orð­
lagð ur kvennabósi. Hún var fræg sem
þáttastjórnandi en hætti árið 1997 þegar
Strauss­Kahn – eða DSK – var skipaður
ráðherra yfir fjármálum, efnahagsmálum
og iðnaði í ríkisstjórn Lionel Jospin. Þar
með varð hann einn valdamesti maður
landsins og lykilmaður í ríkisstjórn
Frakklands.
Fjandvinur Evu joly
En þetta varð ekki langur valdaferill. Eva
Fallið er HÁtt
Einn valdamesti maður heims, vinur skuldugra þjóða og von í heimskreppu,
kássast upp á hótelþernu og veröldin hrynur. Kynhvöt Dominique Strauss­Kahn
hefur meira að segja skyggt á Osama bin Laden dauðan í fréttum síðustu vikna.
st
ra
us
s-k
ah
n
TexTi: Gísli krisTJánsson
Dominique Strauss-Kahn, fráfarandi forstjóri Alþjóðagjaldeyrissjóðsins.