Frjáls verslun - 01.07.2011, Qupperneq 46

46 FRJÁLS VERSLUN 7.tbl.2011
B
ankar hafa aldrei verið vinsælir
meðal frumkvöðla. Ef til vill vegna
þess að margir frumkvöðlar
hugsa ekki eins og fjárfestar.
Þeir eru oftar en ekki tæknimenn
og hata peninga og bókhald. En líka vegna
þess að bankarnir hafa verið tregir til að
lána út á hugmyndir. Frum kvöðlar, sem
Frjáls verslun hefur rætt við, lýsa því oft sem
sérstöku happi að þeir sluppu skuldlausir
frá bankakreppunni; það þýddi ekki fyrir
þá að spyrja um lán!En svona þarf þetta
ekki að vera. Lands bank inn réð nú í sumar
sérfræðing nýsköp unarþjónustu. Það er
Margrét Ormslev Ásgeirsdóttir sem gegnir
því starfi. Hún er verkfræði- og hagfræði­
menntuð. Það er skyn samleg menntun ef
tengja á frumkvöðla og banka. Sérgrein
Margrétar er orkufræði.
Áramótaheit
Nýsköpunarþjónustan er sprottin út úr lof -
orðalista Landsbankans frá því í upp hafi
árs. Þar voru talin um 27 atriði sem bank inn
lofaði að vinna að; þar á meðal voru fyrir heit
um aukna samfélagslega ábyrgð og stuðning
við nýsköpun. „Hugmyndin er að bankinn
stuðli að aukinni sköpun verðmæta í þjóðfél ag-
inu. Það er hluti af hinni samfél agslegu ábyrgð
hans. Þetta verður best gert með því að
styðja við nýsköpun,“ segir Margrét.
Ekki er þó um það að ræða að bankinn
opni fjárhirslur sínar og moki út peningum.
Áherslan er á þjónustu við frumkvöðla
og möguleika á örlánum ásamt styrkjum.
Hámark nýsköpunarlána er 750 þúsund á
hverja kennitölu og lánað er til tveggja ára
á hagstæðum kjörum. Það sigrar að vísu
enginn heiminn með þá peninga í vasanum
en þeir gætu dugað til að koma félagi um
nýja hugmynd á koppinn.
Þá veitir bankinn árlega 15 milljónir í styrki.
Umsóknarfrestur rennur út núna hinn 16.
september. Veittir verða sjö styrkir upp á
millj ón og tuttugu upp á 400 þúsund.
„Við hófum þessa starfsemi núna á miðju
sumri þannig að fyrstu lánsumsóknir eru að
koma inn og í afgreiðslu,“ segir Margrét en
leggur áherslu að þjónustan við frumkvöðla
er stærri þáttur í starfseminni en lánin.
„Við erum ekki að ota nýjum lánum að
frum kvöðlunum heldur að veita þjónustu og
fræðslu auk styrkja,“ segir Margrét. Bankinn
miðlar upplýsingum um hvernig frumkvöðlar
eigi að bera sig að við að koma upp sprota ­
fyrirtæki. Og hugmynd irnar eru metnar.
Fylla í eyður
„Við reynum að fylla upp í eyður sem nú eru
á frumkvöðlasviðinu,“ segir Margrét. „Við
hjálpum einnig til við að skilgreina fjárþörfina
og hjá okkur verður vettvangur til að tengja
saman fjárfesta og frumkvöðla.“
Jafnframt styrkir bankinn ýmsa starfsemi sem
fyrir er á sviði nýsköpunar. Bankinn styrkir m.a.
atvinnu- og nýsköpunarhelgar á vegum Innovit
og er einn af kostunaraðil um Gulleggsins.
„Það er alls ekki ætlunin að bankinn fari
í samkeppni við það sem þegar er gert á
þessu sviði. Okkar hlutverk er að bæta við
og styrkja,“ segir Margrét.
– Og eitthvað vill bankinn fá fyrir sinn snúð?
„Jú, hagur bankans felst í því að fá nýja
viðskiptavini í framtíðinni. Aukin umsvif í
þjóðfélaginu eru hagur bankans til lengri
tíma litið en í þessu er enginn skjótfenginn
gróði,“ segir Margrét.
Við erum ekki að ota nýjum lánum að frumkvöðlunum heldur veita þjónustu og fræðslu auk styrkja, segir
Margrét Ormselv Ásgeirsdóttir, nýráðinn sérfræðingur nýsköpunarþjónustu hjá Landsbankanum.
Viðbót Við það sem fyrir er
LANdSBANkINN HEFur Bætt ÞJóNuStu vIð FruMkvöðLA vIð StArFSEMI SÍNA. Þar eru í boði upplýsingar, aðstoð
og nokkrir peningar í formi nýsköpunarlána og styrkja.
„Við erum ekki að ota nýj ­
um lánum að frum kvöðl un ­
um heldur að veita þjónustu
og fræðslu auk styrkja.“
sprotar og frumkvöðlar