Frjáls verslun - 01.07.2011, Síða 62

62 FRJÁLS VERSLUN 7.tbl.2011
Samtök iðnaðarins efna þetta árið til átaksverkefnis sem kallast Ár nýsköpun­ar – frumkvæði, fjár­
festing, farsæld. Markmiðið er
að kynna og efla nýsköpun sem
leið til endurreisnar í íslensku
atvinnulífi og vinna að vegvísi til
framtíðar með verðmætasköp­
un og aukinn útflutning að
leiðarljósi.
Haukur Alfreðsson er verk­
efnastjóri Hátækni­ og sprota­
vettvangs hjá SI en um er
að ræða samstarfsverkefni
samtakanna og stjórnvalda.
Markmið vettvangsins er að
vinna á markvissan hátt að
því að bæta starfsskilyrði og
stuðningsumhverfi tækni­ og
sprotafyrirtækja.
„Hátækni­ og sprotavettvang­
ur vinnur í nánu samstarfi við
fyrirtæki bæði innan og utan SI
að margvíslegum verkefnum
sem miða að því að bæta starfs­
umhverfi þeirra, sérstaklega
sprotafyrirtækja. Við komum
á framfæri upplýsingum sem
nýtast fyrirtækjum í rekstri,
veitum ýmiss konar þjónustu
og fáum ábendingar frá þeim
um það sem betur má fara. Þær
upplýsingar notum við síðan
til að móta stefnu m.a. tækni­
og hugverkafyrirtækja. Til að
koma stefnu og mark miðum
í framkvæmd eru verkefni
skilgreind, þeim for gangsraðað
og komið í fram kvæmd með
stuðningi hags munaaðila,
fyrirtækjanna, stjórn mála­
manna og stjórnvalda.“
nýsköpun
Hátækni­ og sprotavettvang­
ur og SI boðuðu þingmenn,
fulltrúa úr ráðuneytum og for ­
svarsmenn fyrirtækja á stefnu­
mótunarfund fyrr á þessu ári.
„Við höfum verið að vinna úr
tillögum sem þar komu fram
og á ráðstefnu, sem við köllum
Tækni­ og hugverkaþing 2011,
verða þær kynntar og leitað
leiða til að koma þeim í fram­
kvæmd. Við leggjum áherslu á
að vinna með þingmönnum í
þessu máli, m.a. til að fá ábend­
ingar og aðstoð við að koma
verkefnum í framkvæmd.“
Haukur segir að Samtök iðnaðarins og Hátækni­
og sprota vettvangur vinni í æ
meira mæli með fyrirtækjum
sem koma úr öðrum greinum
en tæknigreinum. Eins og nafn
þingsins gefur til kynna er líka
um að ræða málefni fyrirtækja
í svokölluðum hugverkageira.
Verkefnin leiði til betra starfs­
umhverfis sem nýtist fleirum
en tækni­ og sprotafyrirtækjum.
Í ljósi þess eru SI og Hátækni­
og sprotavettvangur að útvíkka
markhóp sinn til fyrirtækja sem
byggja starfsemi sína á hug­
verki og hugverkaþróun, óháð
atvinnugrein, hvort sem sú
þróun byggist á tækni, hönn­
un eða annarri sérstöðu. „Við
erum þess fullviss að framtíðin
felist í að auka verðmætasköp­
un með nýsköpun: Tækifærin
liggja hjá tækni­ og hugverka­
fyrirtækjum almennt sem
byggja starfsemi sína ekki
eingöngu á náttúruauðlindum.
Við viljum kalla þau fjórðu
stoðina í verðmætasköpun og
útflutningi.“
Samtök iðnaðarins hafa í gegnum árin m.a. aðstoðað fyrirtæki við nýsköpun og lagt áherslu á fyrirtæki í tæknigeiranum.
Fyrirtækjum úr ýmsum starfsgreinum sem byggja starfsemi sína á hugverki er að fjölga innan samtakanna.
tækni- og hugverkaþing 2011
„Hátækni­ og
sprotavettvang ur
vinnur í nánu sam­
starfi við fyrirtæki
bæði innan og utan
SI að margvíslegum
verkefnum.“
Haukur Alfreðsson er verk efnastjóri Hátækni- og sprota vettvangs hjá SI.
viðskiptahugmyndin