Frjáls verslun - 01.10.2010, Page 15

F R J Á L S V E R S L U N • 1 0 . T B L . 2 0 1 0 15
MARAÞONMAÐURINN
rætur í sósíalisma þegar hann lagði land
undir fót og ferðaðist sem skiptinemi til
Nýja­Sjálands. Þar dvaldi hann hjá ungri,
róttækri bændafjölskyldu og kynntist einnig
nemendum frá öllum heimshornum, þ.á
m. frá þróunarlöndum. „Það var ótrúleg
lífsreynsla fyrir ungan sveitadreng,“ segir
hann.
Er Steingrímur kom heim til Íslands
hellti hann sér út í stúdentapólitík, gerð ist
herstöðvaandstæðingur og gekk í Alþýðu ­
bandalagið. Hann gekk einnig til liðs við
blaklið ÍS og kveðst enn spila blak með
gömlu félögunum þegar tími gefst til.
Á námsárunum vann Steingrímur fyrir sér
sem sjálfstæður vörubílstjóri. Hann kveðst
ekki hafa þurft á námslánum að halda utan
einu sinni þegar Scania­vörubíllinn hans
þurfti á nýjum dekkjum að halda. Minnst
er á bílaáhuga Steingríms, sem á 39 ára
gamlan tvennra dyra Volvo 142 sem enn
er í toppstandi. Skopmyndin sem fylgir
nærmyndinni af Steingrími í European
Voice sýnir einmitt Volvoinn. Steingrímur
útskrifaðist sem jarð fræð ingur frá HÍ 1981
og tók síðan kennslu réttindi árið eftir.
Hann vann um tíma við jarðfræðirannsóknir
hjá Hafrannsókna stofn un en fékk einnig
hlutastarf sem íþrótta fréttamaður hjá RÚV.
Ómar Ragnars son, sem vann með honum
á íþróttadeildinni, segir að Steingrímur hafi
fengið starfið í gegnum pólitísk tengsl. Vin stri ­
stjórnin hafi einfaldlega viljað koma sínu fólki
að hjá Ríkissjónvarpinu.
Óþekkti bóndasonurinn
Óþekkti bóndasonurinn Steingrímur varð
landsþekktur á skjánum og bauð sig fram
til þings í alþingiskosningunum 1983 fyrir
Alþýðubandalagið í Norðausturkjördæmi.
Hann náði kjöri, 28 ára gamall, og var
þá yngstur þingmanna. Steingrímur var
á sínum tíma ekki alls kostar ánægður
með hinar stífu reglur um dökk jakkaföt
og bindi sem giltu á Alþingi en sagt er í
greininni að hann hafi síðar fundið mála­
miðlun með fötum í jarðlitunum. Sem
ungur þingmaður sagði Steingrímur einnig
að menn ættu ekki að festast á Alþingi. Nú
27 árum síðar er Stein grímur sá þingmaður
ásamt Jóhönnu Sigurðar dóttur sem lengst
hefur setið á þingi
Steingrímur varð landbúnaðar­ og sam­
gönguráðherra árið 1988 og ári síðar var hann
kosinn varaformaður Alþýðu bandalagsins.
Hann tapaði hins vegar formannsslag gegn
Margréti Frímanns dóttur.
Sagt er frá því í greininni að þegar
Margrét ákvað að leiða Alþýðubandalagið
til samstarfs við Alþýðuflokkinn hafi Stein­
grímur og félagar hans lengst til vinstri í
Alþýðubandalaginu einfaldlega farið og
stofnað Vinstrihreyfinguna – grænt fram­
boð árið 1999. Og að Steingrímur hafi
verið formaður flokksins frá upphafi.
Hreyfingin hafi haft á stefnuskrá sinni að
vera langt til vinstri en græn um hverfis­
sjón armið hafi verið nýlunda í íslenskum
stjórnmálum. Úrslit kosninganna 1999,
sem gáfu VG sex þingsæti, hafi verið mikill
sigur fyrir Steingrím og félaga.
Lenti í bílslysi árið 2006
Nokkurt bakslag hafi hins vegar komið í
fylgið í næstu alþingiskosningum. Ógæfan
hafi líka elt Steingrím sem lét næstum lífið
í bílslysi snemma árs 2006 þegar jeppi hans
valt á ísilögðum vegi. Steingrímur komst frá
slysinu við illan leik, með samfallið lunga,
brotin rifbein og viðbein. „Minn tími var
greinilega ekki kominn,“ segir Stein grímur.
Þó að Steingrímur hafi verið sakaður um
að vera á móti öllu; frá því að leyfa bjór
til frelsis í útvarpsrekstri, hafi hin stóra
pólitíska stund Steingríms og VG komið
eftir bankahrunið 2008. Flokkur hans hafi
fyrir hrun gagnrýnt neysluhyggjuna sem
tröllreið samfélaginu, bankana, útrásar­
bröltið og ríkisstjórnina. Því hafi VG
unnið stórsigur í kosningum til Alþingis
2009, alls 14 sæti, sem hafi skilað þeim í
ríkisstjórn með Jóhönnu Sigurðardóttur og
Samfylkingunni.
Minnst er á fræg ummæli Steingríms
um skattlagningu (you ain’t seen nothing
yet) þegar hann sagði að breytingarnar á
skattkerfinu væru rétt hafnar. Steingrímur
dragi hvergi af sér í skattlagningu og fylgi
þar eftir forskrift Alþjóðagjaldeyrissjóðsins.
Það hjálpi hins vegar Steingrími hversu
góður ræðumaður hann er.
Hvað segja Pétur Blöndal og Björn
Bjarnason?
Rætt er við pólitíska andstæðinga Stein­
gríms, þá Pétur Blöndal og Björn
Bjarnason, í greininni. Pétur segir að
Steingrímur eigi gott með að ná til fólks
en að hann hafi orðið fyrir vonbrigðum
með hann í Icesave­málinu og í lands­
dóms málinu. Hann sé of gjarn á að kenna
öðrum um.
Björn Bjarnason segir hins vegar að Stein­
grímur sé ekki trúverðugur. Hann missi
stjórn á sér og verði þá eins og vígahnöttur.
Hann sé alls ekki sam kvæm ur sjálfum sér.
Hafi t.a.m. sagst vera á móti því að sækja
um aðild að Evrópu sambandinu en sitji nú
í ríkisstjórn sem sæki um aðild.
Afstaða Steingríms til ES er sögð blendin.
Hann kveðst sjálfur ekki viss um að ES
henti Íslandi og að landið verði að fá
mjög sérstakan samning um fiskveiðar
og landbúnað. Hann segir hins vegar að
Ísland verði að klára samningalotuna til að
sjá hvað sé í boði. Aðeins þá geti þjóðin
ákveðið sjálf hvað eigi að gera.
Steingrímur er sagður hafa mjög skarpa
vitund um sérstöðu Íslands þar sem hann
hafi ákveðið að ganga yfir landið endilangt
árið sem hann varð fimmtugur. Gangan
hafi tekið hann 21 dag og hann hafi farið
yfir úfin hraun, jökulár og eyðimerkur
en að lokum komið heim í Gunnarsstaði,
þar sem hann hélt alvöru afmælisveislu að
íslenskum sveitasið fyrir 350 gesti.
Þetta er ekki fyrsta nærmyndin sem
Euro pean Voice birtir um íslenska
stjórnmálamenn á þessu ári því fyrr á
árinu birti blaðið áþekka grein um Össur
Skarphéðinsson sem Bjarni Brynjólfsson
skrifaði einnig.
N Æ R M Y N D A F S T E I N G R Í M I J . S I G F Ú S S Y N I Í E U R O P E A N V O I C E Í B R U S S E L
Steingrími er lýst sem vinnualka
og kveðst hann hafa unnið eins
mikið og hann þoli. „Sem betur
fer er ég í nokkuð góðu formi,“
segir hann en sagt er frá því
að Steingrímur hafi hlaupið tvö
maraþon um ævina, í Reykjavík
og New York.
European Voice er gefið út af sama
út gefanda og tímaritið Economist
og hefur komið vikulega út í Brussel
síðan 1995. Blaðið er afar vandað
og sjálfstætt í efnistökum og er
eitt helsta ritið sem gefið er út um
málefni Evrópusambanadsins enda
er það víðlesið af embættismönnum
sambandsins, stjórnmálamönnum
og þeim sem láta sig málefni
Evrópusambandsins varða.
Útgefandi Frjálsrar verslunar er Heimur hf.
sem gefur einnig út tímaritin Iceland Review
og Atlantica.
STEINGRÍMUR