Frjáls verslun - 01.10.2010, Side 25

F R J Á L S V E R S L U N • 1 0 . T B L . 2 0 1 0 25
af fólki og eftirspurn. Við missum það ef við opnum annan stað.
Hins vegar hafa komið upp hugmyndir um að opna minni útibú þar
sem við byðum bara upp á matinn, en ekki stemninguna. Það mun
tíminn leiða í ljós. Önnur Hamborgarafabrikka – aldrei!“
Jóhannes: „Eina ákvörðunin sem liggur fyrir í dag er að standa í
báða fætur og vera skynsamir. Okkur hefur gengið vel hingað til
og það væri svo dæmigert fyrir Íslendinga í rekstri að færa fljótt út
kvíarnar og spenna bogann of hátt. Það ætlum við ekki að gera því
það hefur orðið mörgum að falli. Við rekum heilbrigt fyrirtæki með
heilbrigt bókhald. Það er ekki svört króna í rekstrinum. Við rekum
staðinn af hugsjón og markmiðið er að eiga hann til framtíðar og
vonandi gera hann að föstum lið í veitingahúsaflórunni á Íslandi.
Í dag höfum við engin sérstök áform um að færa út kvíarnar en
höfum vissulega sett ýmsar spennandi hugmyndir á blað sem við
vinnum með í framtíðinni. Lykilatriðið er að eiga fyrir því sem við
framkvæmum. Við erum ekki búnir að panta okkur Range Rover
og ætlum ekki að gera það. Reyndar erum við að opna kaffihús hér í
Turninum en það var hluti af upprunalegum áætlunum okkar þegar
við gerðum leigusamning við Höfðatorg. Það er því hluti af áætlun
okkar en engin útrás í sjálfu sér.“
Þið framleiðið ykkar eigin sósur. Stendur til að auka við það úrval?
Sigmar: „Frá fyrsta degi vildum við skapa okkur sérstöðu án þess að
finna upp hjólið. Hamborgari er klárlega ekki okkar uppfinning, en
að bera hann fram í ferköntuðu brauði og með hvítri hamborgarasósu
er nýtt. Við höfðum það alltaf í bakhöndinni að eiga kost á því að
fjöldaframleiða valda vöruflokka fyrir almennan neytendamarkað.
Það átti samt að vera hluti af framtíðaráformum en ekki samhliða
opnuninni. En þegar Hagkaup höfðu samband þá var annaðhvort
að grípa tækifærið eða bíða og vona að tækifærið biði eftir okkur.
Við ákváðum að láta slag standa, enda hafa Hagkaup mikla reynslu
af svona „co­branding“ og í raun eini aðilinn á markaði sem hefur
gert þetta virkilega vel markaðslega. Við vorum því nokkuð vissir
með okkar vöru í samstarfi við þá.
Markmið okkar með þessari framleiðslu er að gera valda vöruflokka
sem hluta af vikulegum innkaupum, eins og t.d. sósurnar okkar.
Síðan eru vissir vöruflokkar hentugri fyrir ákveðnar árstíðir. Það
stendur til að auka við vöruúrvalið m.a. með opnun á kaffihúsinu
okkar. Þar verðum við með algerlega nýjar vörulínur sem vonandi
munu eiga erindi á almennan markað.“
Jóhannes: „Við svöruðum kalli síðastliðið sumar þegar Hagkaup
höfðu samband við okkur varðandi vörur og varning í búðir. Það var
svo sem í kortunum hjá okkur en við sáum frekar fyrir okkur að hefjast
handa með það sumarið 2011. En við ákváðum að slá til og settum
hamborgarana okkar og sósurnar í sölu. Það gekk mjög vel og við
fundum að það var pláss fyrir hamborgarana á markaðnum. Við gáfum
engan afslátt af gæðum, við bjóðum 100% hágæða ungnautakjöt og það
eru nákvæmlega sömu vörur í búðum og við bjóðum hér á staðnum. Í
dag samanstendur vöruúrvalið af hamborgurum, lam borgara, Fabrikku­,
béarnaise­ og barbíkjúsósu, grísarifjum og kjúklinga vængjum. Svo
er skyrtertan okkar væntanleg í búðir í desember og bindum við
miklar vonir við hana. Hún hefur notið mikilla vinsælda hjá okkur á
Fabrikkunni.“
Þegar við höfðum tryggt fjármagn sagði ég upp störfum í bankanum og við fórum á fullt. Það má því segja
að undirbúningurinn hafi tekið tæpt ár. Það er ein af lykilástæðum þess að okkur gengur vel, við vorum búnir
að hugsa fyrir minnstu smáatriðum.