Frjáls verslun - 01.10.2010, Qupperneq 30

30 F R J Á L S V E R S L U N • 1 0 . T B L . 2 0 1 0
Núna eru starfsmenn í kringum 35 og auglýsingagerðin hefur vikið
að mestu úr starfseminni en þróun, hönnun og sala á leikjum í eigin
nafni og fyrir aðra er aðalverkefnið. Draumurinn er mögulega að rætast.
Það er rífandi gangur hjá Gogogic. Umsvifin, í það minnsta mæld í
mannafla, hafa meira en þrefaldast frá bankahruninu.
Jónas segir að Gogogic hafi aldrei eytt miklu fé í að endurbyggja hús­
næði og koma sér fyrir. Oftast hafi verið reynt að nýta það sem var
nýtilegt frá öðrum. Fyrirtækið þarf heldur ekki annað en tölvur,
borð og stóla og umfram allt góðar tengingar.
Og heiti fyrirtækisins er bara tilbúningur: Það er auðvelt að muna
sam stöfur eins og „go“ og „gogo“ og Gogogic var röð bókstafa sem eng­
inn hafði notað áður.
Esjan er lúxus
Gogogic hóf starfsemi á vörulofti í Fákafeni árið 2006 og flutti svo
á annað vöruloft við Hverfisgötu. Þar sigu gólfin ef margir komu í
heimsókn. Síðan tók loftið í Brautarholti við og það var notað á meðan
húsrúm leyfði. Þrengsli og aðstöðuleysi þar urðu til þess að leitað var að
nýju húsnæði í ár. Pláss var á lausu í Kauphallar bygg ingunni og þangað
var flutt í haust.
„Það er tímanna tákn að við getum flutt inn í svona húsnæði án þess að
það brjóti í bága við stefnu okkar um sparsemi,“ segir Jónas. Og í Kaup­
höllinni geta starfsmenn Gogogic leyft sér sama lúxusinn og þeir hafa
notið á öðrum stöðum í sögu fyrirtækisins: Það er útsýni til Esjunnar.
„Það er vanmetin flóttaleið í vinnunni að geta snúið sér að glugg­
anum og horft á fallegt útsýni,“ segir Jónas.
En Jónas segir að fyrirtækið sé enn sproti. Það er í vexti og þróun og
er að hasla sér völl á markaði þar sem margir eru um hituna. Þess vegna
segir Jónas enn sem fyrr: „Talaðu við mig eftir tvö ár!“ Enginn veit hver
framtíðin verður og það er kannski fyrst núna sem reynir á fyrir alvöru.
Heilbrigðara umhverfi
Um stöðuna núna segir Jónas að fyrirtækið sé komið vel á veg í átt
að upphaflegu markmiði.
„Við erum ekki komin fyrir vind enn,“ segir Jónas, „en þetta lítur
ágætlega út og við getum nú látið reyna á hvort okkur tekst það sem
við ætluðum að gera í upphafi. Umhverfið er heilbrigðara en það var
og það er vöxtur í greininni.“
Jónas segir að bankahrunið fyrir tveimur árum hafi breytt miklu fyrir
fyrirtækið. Fram að því var varla hægt að sækja á erlendan markað
vegna þess hve hátt gengi krónunnar stóð. Með falli gjald miðil sins
hefur þetta breyst og nú segir Jónas að nær 100 prósent af tekjun um
komi að utan í beinhörðum gjaldeyri.
Annað hefur ekki breyst mjög mikið. Það er t.d. ekki atvinnuleysi meðal
tölvunarfræðinga. Jónas segir að það sé allt annað en auðvelt að finna hæft
starfsfólk í þessari sérhæfðu grein. Áður var talað um að bankarnir hefðu
í ofvexti sínum sogað til sín fólkið úr tölvugeiranum og sprengt upp
launin. Það kann að vera rétt en Jónas segir að fólk hafi ekki streymt
út úr bönkunum eftir hrun.
„Hugsanlega eru bankarnir enn of stórir og þar situr enn fólk sem
á eftir að koma út á vinnumarkaðinn,“ segir Jónas.
Sjálfsaflafé
Lánamarkaðurinn er lítið breyttur fyrir fyrirtæki eins og Gogogic.
Fyrir tveimur árum lifði Gogogic mest af sjálfsaflafé auk þess sem
nokkrir áhugasamir fjárfestar höfðu lagt fram. Um bankalán var ekki
að ræða og allra síst á þeim ofurvöxtum sem þá voru.
„Fyrirtækið hefur haft eigin tekjur frá fyrstu stundu og reynir að vera
sjálfbært núna eins og það hefur alltaf verið,“ segir Jónas. Á sínum
tíma var þeim hjá Gogogic bent á að þeir færu rangt að öllu. Engin
leið væri að byggja upp fyrirtæki án lánsfjár og sterkra fjárfesta.
En þeir ákváðu að fara hina leiðina; það er að byggja starfsemina
upp með eigin tekjum. Innan fyrirtækis var þekking til að vinna á
fleiri sviðum en bara að gerð tölvuleikja. Í fyrstu komu því tekjurnar
af uppsetningu vefsíðna og gerð auglýsingaborða og annarra aug­
lýsinga fyrir netið.
„Núna tökum við aðeins að okkur auglýsingagerð ef verkefnið er
mjög spennandi og ekki hægt að segja nei,“ segir Jónas. Síðustu tvö
árin hefur starfsemin smátt og smátt færst að fullu yfir á það svið
sem upphaflega átti að vera vettvangur Gogogic: Að þróa aðgengi­
lega og létta fjölspilunarleiki.
Fjölspilunarleikir
Og nú nálgumst við heim tölvuleikjanna. Þetta er menningarheimur sem
fylgir nýjum kynslóðum; mjög fjölbreyttur heimur með mörg um syllum
þar sem hægt er að koma nýjum sprotum fyrir. Gogogic hefur fundið sér
eina syllu.
Fjölspilunarleikir eru meðal annars leiknir á netinu. Yfirleitt er aðgangur
seldur í áskrift og spilarar keppa sín á milli um árangur. Fræg astur slíkra
leikja á Íslandi er EVE Online sem CCP hefur haldið úti um árabil við
vaxandi vinsældir. Áskrifendur þar eru nú fleiri en landsmenn eða eitthvað
á fjórða hundrað þúsund og þeim fjölgar, ólíkt landsmönnum.
Jónas segir að vinsældir EVE Online hafi verið mikilvæg kynning fyrir
önnur íslensk leikjafyrirtæki. „Þessi leikur er langvinsælasti íslenski leik­
urinn og hefur borið orðstír íslenskra leikjasmiða um allan heim,“ segir
Jónas.
Snjallsímar eins og iPhone og lesskjáir
eins og iPad njóta nú þegar gífurlegra
vinsælda. Þar hefur orðið bylting og
enginn veit hver þróunin verður. En þegar
tæknin er fyrir hendi fylgir afþreying eins
og leikir á eftir.
N E T L E I K I R