Frjáls verslun - 01.10.2010, Qupperneq 31

F R J Á L S V E R S L U N • 1 0 . T B L . 2 0 1 0 31
Margir slíkir leikir hafa gengið árum saman og hafa fastan hóp
áskrifenda. Gogogic hefur haslað sér völl til hliðar við hefðbundna
fjöl spilunarleiki. Þar kemur aðgengið inn og sú staðreynd að leikir
Gogogic kalla á minni viðveru en hefðbundnir leikir gera almennt.
Því er ekki samkeppni milli fyrirtækjanna og Gogogic hefur tekið
að sér verkefni fyrir CCP.
Fyrir fólk á hlaupum
Fjölspilunarleikir eru oft seldir í fastri mánaðaráskrift og því einkum
sóttir af þeim sem hafa tíma til að vera reglulega á netinu við leik.
Það á ekki við um alla og má þar til dæmis nefna fjölskyldufólk. Því var
það hugmyndin að baki Gogogic að bjóða upp á fjölspilunarleiki þar
sem seld er nokkurs konar inneign til frjálsra afnota meðan hún endist.
Núna kaupir meðalnotandi slíka inneign hjá Gogogic á 16 Banda­
ríkjadali. Það er síðan undir leikmanni komið hve lengi inn eignin
endist. Meðalmaðurinn er hugsanlega mánuð að nota upp inn­
eignina – ef til vill lengur, ef til vill skemur. Hins vegar er vert að
benda á að mikill meirihluti leikmanna spilar frítt og aðeins brot af
þeim ákveður að kaupa sér inneign.
Núna eru fimm leikir í boði á heimasíðu Gogogic og aðgengilegir
gegnum Facebook eða snjallsíma og lesskjái. Þessi útgerð eigin leikja er
þó aðeins hluti af rekstri Gogogic. Hjá fyrirtækinu er einnig unnið að
gerð leikja fyrir aðra. Stærsti viðskiptavinur þar er vefsvæðið neopets.
com sem er í eigu Nickelodeon.
Ör þróun
Vettvangurinn er alþjóðlegur en starfsemin er öll á Íslandi og allir starfs­
mennirnir hér heima. Og þróunin í greininni er ör. Það á bæði við um
forrit til hönnunar á leikjum og tækin sem leikið er á. Þarna er allt á
fljúgandi ferð.
Þegar Frjáls verslun sagði frá Gogogic fyrir tveimur árum voru tölvu ­
leikir nær undantekningarlaust leiknir í tölvum. Þá var nýtt að slíkir leikir
væru tengdir nýjum samskiptasvæðum eins og Facebook. Einhverjir
voru að spá í leiki fyrir farsíma og spáðu byltingu þar. Núna erum við
í þeirri byltingu miðri. Snjallsímar eins og iPhone og lesskjáir eins
og iPad njóta nú þegar gífurlegra vinsælda. Þar hefur orðið bylting
og enginn veit hver þróunin verður. En þegar tæknin er fyrir hendi
fylgir afþreying eins og leikir á eftir.
Á fleiri og fleiri stöðum, sérstaklega þar sem fólk þarf að bíða, er boðið
upp á ókeypis þráðlaust netsamband. Þetta sést best í flug stöðv um og
þar er haldið áfram að spila þar sem frá var horfið heima. Þessi markaður
virðist geta vaxið endalaust og leikirnir fylgja fólki hvert sem er.
Hollt fyrir huga og hönd
En er þetta hollt? Jónas er ekki í vafa og hann hefur viss rök máli
sínu til stuðnings. Tölvuleikir skerpa hugsunina. Þeir krefjast virkrar
þátttöku og eru að því leyti ólíkir sjónvarpsglápi þar sem heila starf­
semi áhorfenda mun vera álíka og hjá sofandi manni.
„Allir tölvuleikir snúast um að leysa þrautir og til að leysa hverja
þraut verða leikmenn að ganga jákvæðir til leiks og skipulega,“ segir
Jónas. „Rökhugsunin styrkist með tölvuleikjum. Óvanir menn byrja
á að reyna allt og verða pirraðir á að komast ekki áfram. Reynslan
kennir mönnum að þetta dugar ekki til að leysa þrautina.“
Tölvuleikir þjóna þannig hlutverki við að þjálfa hugann og viðbragðs­
flýtinn. Samt verða menn að geta takmarkað leiktímann. Það er hægt
að spila rassinn úr buxunum við tölvuleiki sem aðra leiki.
„Það verður að gæta hófs. Alveg eins og menn geta lesið yfir sig
geta þeir spilað yfir sig,“ segir Jónas, sem sjálfur grípur í leiki, oft
með sex ára syni sínum, þrátt fyrir annir. Hann vill ekki missa
leikgleðina og heldur sér í þjálfun.
GOGOGIC ÁRIÐ 2011
Áætluð velta árið 2011: 650 milljónir kr. (byggist á að nýjar
vörur skili tilætluðum árangri).
Áætlaður hagnaður árið 2011: 100 milljónir kr.
Áætlaður fjöldi starfsmanna 2011: Yfir 40.
Viðskiptahugmyndin: Að smíða tölvuleiki sem byggjast á
samfélagi, fjölspilun og dýpt en mæta spilurum þar sem þeir eru
vanir að halda til; vafrar, snjallsímar og tölvur eins og iPad.
Framkvæmdastjóri: Jónas Björgvin Antonsson.
Heiti leikja: Vikings of Thule er fyrsti stóri Facebook–leikurinn.
Symbol6 Redux kemur út núna í mánuðinum. Þetta er iPad/
iPhone/iPod–leikur fyrir börn og fullorðna.
Battle Drawn er næsti stóri Facebook–leikur. Kemur líka út í
desember. Gengur út á stuttar lotur þar sem þú reynir að skjóta
niður mótspilara með handteiknuðum köllum og vopnum.
Því var það hugmyndin að baki Gogogic
að bjóða upp á fjölspilunarleiki þar sem
seld er nokkurs konar inneign til frjálsra
afnota meðan hún endist.
Núna eru fimm leikir í boði á heimasíðu Gogogic og aðgengilegir gegnum Facebook eða snjallsíma og lesskjái.
N E T L E I K I R