Frjáls verslun - 01.10.2010, Qupperneq 32

32 F R J Á L S V E R S L U N • 1 0 . T B L . 2 0 1 0
INGA MARÍA
HAGNAST UM 100 MILLJÓNIR Á ÁRI!
Inga María Guðmundsdóttir stofnaði Dress Up Games á Ísafirði sem er vefur á netinu um dúkku lísu leiki. Hún er eini
starfsmaður fyrirtækisins sem er til húsa í blokkaríbúð á Ísafirði og Inga María hagnast um yfir 100 milljónir á ári.
Starfsmaður einn: Inga María Guðmundsdóttir. Aðsetur: Blokkar íbúð á Ísafirði. Heimsóknir á virkum dögum: 500.000. Heimsóknir um helgar: Ein milljón á dag. Hagn ­aður 2009: 100 milljónir. Þetta er ár ang urinn af 12 ára þrot lausri vinnu einyrkjans Ingu Maríu Guð munds dóttur.
Áður vann Inga María á bókasafninu á Ísafirði á daginn en á kvöldin
setti hún saman tengla vef fyrir dúkkulísuleiki. Vefurinn varð til í
sínu fyrsta formi árið 1998 og nú vinnur Inga María við það í fullu
starfi að halda síð unni við og uppfæra hana. „Það hafði blundað í
mér eftir nám í bókasafns­ og upplýsingafræðum löngun til að búa til
vef sem safnaði saman á einn stað upplýsingum um eitthvert efni,“
segir Inga María. Hún segir einnig að tilviljun hafi nánast ráðið því að
dúkkulísuleikir urðu fyrir valinu.
„Ég rakst á dúkkulísuleik á netinu og varð hugsað til ungrar frænku
minnar sem myndi örugglega hafa gaman af honum,“ segir Inga María.
„Ég fór svo að leita að fleiri leikjum og safnaði saman slóð unum. Þegar
ég var búin að finna nokkuð marga leiki datt mér í hug að setja saman
vef utan um þessa leiki, enda var enginn slíkur vefur til.“
Inga María Guðmundsdóttir rekur fyrirtækið í íbúð sinni á Ísafirði. Hún er
eini starfsmaðurinn og fyrirtækið hagnaðist yfir 100 milljónir á síðasta ári.
T V Æ R M I L L J Ó N I R S Æ K J A Í S A F J Ö R Ð H E I M U M H E L G A R !
TEXTI: GÍSLI KRISTJÁNSSON MYND: BÆJARINS BESTA / HALLDÓR SVEINBJÖRNSSON