Frjáls verslun - 01.10.2010, Síða 60

60 F R J Á L S V E R S L U N • 1 0 . T B L . 2 0 1 0
ÞESSI PISTILL BIRTIST Á HEIMUR.IS
ón Gnarr er umdeildur borgarstjóri. Undir stjórn hans
hefur útsvar verið hækkað í Reykjavík en fyrir kosn ingar
sagðist hann ekki ætla að hækka útsvarið. Sömu leiðis
hefur gjaldskrá Orkuveitu Reykjavíkur verið hækkuð.
Jón segist ekki vilja gera þetta – en engu að síður verði
ekki hjá því komist að fara þessar leiðir. Pistillinn var
skrifaður eftir fróðlegar pælingar í leiðara Fréttatímans
um stjórnandann Jón Gnarr. Mörgum finnst Jón Gnarr góður stjórn­
andi – öðrum finnst hann lélegur finnst em bættið hafa sett niður eftir
að hann tók við því. Svona er pistillinn á heimur.is:
„Jón Kaldal, ritstjóri Fréttatímans, er með athyglisverðar pælingar
um stjórnun í leiðara sínum sem ber yfirskriftina Fífl og fífl. Hann segir
að grínistinn rúlli keppinautum sínum upp. Hann segir „að í tíð hans“
sé búið að slá af glórulausa samgöngumiðstöð í Vatns mýrinni, við
fögnuð flugrekenda, og hafin löngu tímabær tiltekt hjá Orkuveitunni.
Hann bætir við að þetta sé eitthvað annað en að láta borgina kaupa
gjörónýta hjalla við Laugaveg til að komast í valdastóla.
„Þegar upp er staðið eru stjórnmálamenn sem láta eins og fífl í fjöl­
miðlum en haga verkum sínum af ábyrgð í vinnunni mun betri kostur en
stjórnmálamenn sem tala af ábyrgð í fjölmiðlum en hegða sér eins og fífl
í vinnunni,“ segir í lokaorðum leiðarans.
Þetta er athyglisverð og frumleg nálgun; önnur hlið. Stjórnmálamenn
sem tala af ábyrgð í fjölmiðlum en hegða sér eins og fífl í vinnunni. Mikið
sagt og borgarstjórar síðustu fimmtán ára hljóta að taka það til sín.
Segist vera geimvera
Jón Gnarr segist sjálfur vera geimvera og hælir sér af því að hann hagi
sér þannig að andstæðingar hans nái ekki að höndla hann og þeir viti
ekkert hvernig þeir eigi að taka á honum. Hann komist upp með allt
enda hafi hann fyrir kosningar sagst ætla að svíkja öll loforð.
Jón Gnarr komst til valda vegna mikillar reiði í þjóðfélaginu eftir hrunið.
Þeir sem kusu hann reyna að réttlæta það fyrir sjálfum sér á hverjum degi
og tala um Jón sem nýja vonarstjörnu í pólitík.
Ég hef áður sagt á þessum vettvangi að Jón Gnarr hefur gert góða
hluti sem grínisti og komið að nokkrum skemmtilegum sjónvarps­ og
út varpsþáttum. En Jón Gnarr er ekki stjórnmálamaður. Hann er afleitur
borgar stjóri og hefur engan áhuga á starfinu.
Hann stýrir ekki – heldur er honum stjórnað. Það væri búið að segja
honum upp í einkafyrirtæki.
En dokum samt við vegna þessarar nálgunar Fréttatímans. Þar á bæ
er litið á Jón Gnarr sem góðan stjórnmálamann sem „vinni verk sín
af ábyrgð í vinnunni“. Aðdáunin á honum er mikil.
Að laða til sín sterka aðstoðarmenn
Í stjórnun er það talið til hróss ef sterkur forstjóri laðar til sín mjög
sterka aðstoðarmenn og hræðist ekki að þeir séu jafnklárir og hann
sjálfur – ef ekki snjallari. Mest er þá um vert að hann hafi eitthvað í
að stoðarmenn sína að gera í umræðum.
Hörður Sigurgestsson, fyrrverandi forstjóri Eimskips, var einmitt
sterkur forstjóri sem þorði að laða til sín sterka stjórnendur.
En skellum þessari kenningu í stjórnun á Jón Gnarr. Er hann sá
sterki sem hefur laðað til sín sterka embættismenn? Það held ég ekki.
En hann má þó eiga það að hann hefur fengið góðan verkefnastjóra,
Helga Þór Ingason verkfræðing, í stól forstjóra Orkuveitunnar – tíma ­
bundið að sagt er.
Kannski felst styrkleiki Jóns Gnarr í því að hann veit hvað hann
er illa að sér í stjórnun og fjármálum – sem og áhugalaus – þannig að
hann lætur aðra um það. Það er út af fyrir sig sjónarmið. En stjórnun
og fjármál eru samt efst í forgangsröðinni í starfi borgarstjórans.
Þetta þýðir hins vegar að embættismannastéttin stýrir borginni en ekki
bogarstjórinn sem talar út og suður um tattú og hversu reyk bind indið sé
erfitt. Ergó: Hann gerir það sem embættismennirnir segja honum að gera.
Já, ráðherra. Já, borgarstjóri
Embættismenn komast einmitt í ham og taka völdin þegar veikir stjórn ­
málamenn eiga í hlut. Já, ráðherra. Já, borgarstjóri.
Ég held að nánast allir hafi verið ánægðir með að samgöngumiðstöðin
í Vatnsmýrinni skyldi vera slegin af vegna peningaleysis. Það sáu fáir
tilganginn með henni. Gott verk og mín vegna má skrifa Jón Gnarr
fyrir því. Hún var slegin af „í tíð hans“.
Dagur B. Eggertsson, sem ber ábyrgð á Jóni Gnarr, sagði hins vegar
við Stöð 2 sunnudagskvöldið 7. nóvember sl. að samgöngumiðstöð
myndi rísa í Reykjavík. Bara spurning um hvar. Eins snerist þetta um
STÝRIR EKKI –
HONUM ER STJÓRNAÐ
TEXTI: JÓN G. HAUKSSON MYNDIR: GEIR ÓLAFSSON
Nýverið birtist pistill á heimur.is eftir Jón G. Hauksson, ritstjóra Frjálsrar verslunar, um Jón
Gnarr borgarstjóra. Reynt er að meta hvers konar stjórnandi hann sé og hvaða stjórnunar -
stíl hann noti. Yfirskrift pistilisins er Aðdáunin á Jóni Gnarr.