Frjáls verslun - 01.11.2010, Blaðsíða 30

30 F R J Á L S V E R S L U N • 1 1 . T B L . 2 0 1 0
MEÐ HÁLFA
Valdimar Hafsteinsson,
maður ársins í atvinnulífinu 2010:
TEXTI: SIGURÐUR MÁR JÓNSSON MYNDIR: GEIR ÓLAFSSON O.FL.
ÍSÖLD AÐ BAKI
Kjörís er hefðbundið fjölskyldufyrirtæki sem á sér rúmlega fjörutíu ára sögu. Það er
eitt þekktasta vörumerki landsins. Það er með hátt eiginfjárhlutfall, 59%, og býr að
því að hafa farið varlega í útlánabólunni miklu á árunum 2003 til 2007. Það er með
rúmlega 900 milljónir í veltu. Valdimar hefur verið framkvæmdastjóri fyrirtækisins sl.
sextán ár. Hann og systkini hans eru alin upp með fyrirtækinu og í þeirra tilviki má segja
að þau séu með næstum hálfa ísöld að baki.
Valdimar Hafsteinsson, forstjóri Kjöríss, er þekktur fyrir að svara á hógværan hátt. „Ég er bara framkvæmdastjóri og fæ enga stjórnarsetu,“ segir hann brosandi þegar talið berst að stjórn fyrirtækisins. Valdimar er sonur hjón anna Hafsteins Kristinssonar mjólkurfræðings og Laufeyjar Valdi­
marsdóttur sem stofnuðu Kjörís ásamt fleirum árið 1969. Haf steinn féll
frá árið 1993 eftir að hafa fengið heilablóðfall aðeins 59 ára að aldri.
Valdimar og systkini hans eru alin upp með fyrirtækinu sem á rúm
fjörutíu ár að baki. Í þeirra tilviki má segja að þau séu með næstum hálfa
ísöld að baki.
Kjörís er mikið fjölskyldufyrirtæki og hefur verið það frá upphafi. Fyrir­
tækið er með hátt eiginfjárhlutfall, 59%, og skuldar 165 milljónir króna.
Það fór varlega í útlánabólunni miklu á árunum 2003 til 2007 og býr
að því núna. Skuldahlið efnahagsreikningsins er í góðu lagi á sama tíma
og skuldir næstum sjö þúsund lítilla og meðalstórra fyrirtækja á Íslandi
eru í ólagi eftir hrunið og þarfnast endurfjármögnunar.
Ein systra Valdimars, Guðrún, tók tímabundið við af föður sínum eftir
að hann féll frá 1993 en Valdimar tók við starfi framkvæmdastjóra árið
1994 og hefur gegnt því síðan. Samstaðan og einurðin er mikil inn an
fjölskyldunnar um að reka fyrirtækið af myndarskap og á vand aðan hátt.
„Við höfum notið þess hve góð samstaða er á milli okkar systkinanna og
annarra hluthafa. Við búum að því að móðir okkar, Laufey, og föður bróðir,
Guðmundur Kristinsson, sitja í stjórn.“
Valdimar segir að byggt hafi verið við húsnæði fyrirtækisins níu sinn­
um en aldrei komið til greina að flytja. Kjörís er í Hveragerði, nánast í
miðju bæjarins, og þar verður þessi þekkti ísframleiðandi áfram. Það fer
vel á því að framleiða ís á háhitasvæði; heitt og kalt; hverir og ísfram­
leiðsla; heitt í veðri og ís.
Kjörís er eitt þekktasta vörumerki landsins og nær fljótlega að rjúfa
eins milljarðs króna múrinn í veltu. Ís er vinsæll.
Takið eftir því að Kjörís var stofnaður árið 1969 þegar íslenskt atvinnu líf
gekk í gegnum kreppu og aflabrest og fjöldi iðnaðarmanna flutti af landi
brott. Það var mikið atvinnuleysi. Það var í þessu um hverfi sem lagt var út
í ísframleiðslu í Hveragerði. Í ofanálag reyndi Fram leiðsluráð að bregða
fæti fyrir fyrirtækið með því að hætta niður greiðslu á mjólk og smjöri til
rjómaísgerðar. En Hafsteinn sá við því; hann fór í jurtaísinn.
Kjörís er mikið fjölskyldufyrirtæki og hefur verið
það frá upphafi. Fyrir tækið er með hátt eigin­
fjárhlutfall, 59%, og skuldar 165 milljónir króna.