Frjáls verslun - 01.11.2010, Blaðsíða 88

88 F R J Á L S V E R S L U N • 1 1 . T B L . 2 0 1 0
Kínverjar eru orðnir svo auðugir að þeir eru orðnir helstu lán veit­
endur Bandaríkjamanna. Það hefði einhvern tíma þótt saga til næsta
bæjar.
Ísland er á kínversku Bing Dao sem merkir Íseyjan í kínverskri tungu.
Það er ekki algengt í kínversku að heiti lands hafi svo bók staflega merk­
ingu eins og Ísland.
Það var Deng Xiaoping sem opnaði Kína fyrir erlendum fjárfestum
fyrir þrjátíu árum og leyfði bændum að selja afurðir sínar á mörk­
uðum borganna. Með því að opna landið með þessum hætti urðu
Kínverjar hluti af alþjóðlegu markaðs­ og efnahagsumhverfi.
Það var svo árið 1984 sem Kínverjar gengu lengra og ákváðu að allar
helstu borgirnar yrðu opnaðar fyrir erlendum fjárfestum. Árið 1992
var svo stefnan sett á sósíalískt markaðshagkerfi undir forystu Dengs
Xiaopings. Kína er að þróast úr bændasamfélagi í nútímalegt borgar­
samfélag. Sameinuðu þjóðirnar spá því að á árinu 2050 muni um tveir
þriðju hlutar Kínverja búa í borgum en þetta hlutfall er í dag innan við
helmingur.
Hótelið sem við gistum á í Peking heitir Best Western. Þarf nokkuð
að ræða það frekar. Fínt hótel og vestrænt; eins og nafnið bendir til.
Þessi ferð til Kína stóð yfir í tíu daga. Þetta var mikið ferðalag. Frá
Peking var farið til borgarinnar Xian og þaðan flogið til suðvesturs til
borgarinnar grænu; Guilin. Þar eru þekkt kalksteinsfjöll og einstakt
að sigla um Li­fljótið.
Það var einmitt við Li­fljótið sem fræg sjónvarpsauglýsing banka var
tekin upp. En þar eru veiðimenn á fljótinu og láta fugla kafa eftir fiski.
Eftir flug upp til Peking frá Guilin fór vel á því að kveðja Kína og
rölta yfir í Air China­flugvélina út um eitt af hliðunum á flugstöðinni
stórkostlegu í Peking, Musteri Mammons sem ég nefni svo.
Efnahagsrisinn í austri var kvaddur og flogið heim á fornar slóðir,
heim til Bing Dao.
Kína
Torg hins himneska friðar. Þaðan er gengið að Keisaratorginu og Forboðnu borginni.
Dansað að morgni sunnudags við hof keisaranna;
Hof hins himneska friðar.
Umferð og mannmergð í stórborginni Xian. Kínverskir múslimar biðjast fyrir í Stóru
Moskunni í stórborginni Xian í miðri Kína.